Ioane 8:2 - Mauni Mamaga Iifaga

² Ke epagapigapi alogai, Iesu elao Deo ega e'a afegai pugu. Ke egae papiau ma'oai kemai keapa lofe, ke isa eagukipo epamaleleni'i.

Ioane 8:2 Iomraidhean Croise

Mateo 26:55

Egae kai e'afoaipini la'afou isa isafina kemai au'i epaini'i einaka, “Lau painao au, o eemiai kelele akaiki'a aga'o lakapaisa ma puo, ifani a'ifa'i kopi fou oafii'i omai amoafiau ooma? Aufa kina mo Deo ega e'ai laagu lapamalele kai aloafiau alogopeisau.

Luka 21:37

Ega'ina kina'iai aufa kina Iesu Deo ega e'ai epamalele ke egapigapi aisama, elao iku aka Olifa keoma auga ikugai elaagai.

Luka 21:38

Kai papiau ma'o Iesu aina kegalogo keoma puo, amagai ipauma kelao Deo ega e'ai kekoko keagu.

Luka 4:20

Iesu ega'ina iifaga ekuapinia efua aisama, puka eofeisa ke pipalagai auga epenimue pugu. Ke Iudea e'i kagakaga kainai gapamalele eoma puo, elao kepamalele afugai eagukipo. Ega aisama papiau la'afou alogai keagu au'i ma'oai maa'i alo ipaumagai Iesu keisa.

Luka 5:3

Ega aisama elao au aka Saimon keoma auga ega gaagai e'agaukae eapa. Ke Saimon epainia gaaga ekonilaisa afa'agamo fei inaega koa elao. Egae kai gaagai eagukipo kai papiau einogoni'i ke epamaleleni'i.

Ioane 4:34

Kai Iesu isa kapa'ina keifania auga elogo puo eifa einaka, “Lau e'u fo'ama auga lau eulaisau auga kapa'ina anina eani auga fakapa ke ega pinauga fapafua.

Ioane 8:20

Iesu Deo ega e'ai Deo moni kepalao penia afuga eegai eapa epamalele alogai i'ina kapa'i eifani'i. Ega mo ganinagai kai aga'o isa aeafia aegopeisa, gome isa ega kina aekainia.

Ioane 8:3

Ega'ina alogai Moses ega iifa pamalelega au'i ke Faliseo au'i fou paafau peage lapau papiega aga'o, au aga'o fou kefeufeu kai keisa'i auga keafiia kemaiseina la'afou ega'ina ago'iai kepaapa.

Acts 5:21

Ke isa i'ina iifaga a'o kelogonia aisama, egani amagai ipauma i'ina iifaga kainai kelao Deo ega e'a alogai kekoko, kapa'ina agelo eifania auga papiau kepamaleleni'i. Kai sakedote lopia fa'a ega papiau fou kemai kansolo papiau'i ke Iudea papiau'i e'i au akaiki'a'i ma'oai fou keifani'i kekaigugu. Egae kai papiau isa'i keulai'i tipula e'a kelao apostolo kegamaiseini'i keoma.