Ioane 3:3 - Mauni Mamaga Iifaga

³ Ke Iesu einaka, “Iifa gome maamuai laifania, au aga'o Deo ega mauniai afaemauni pugu koa aisama, isa Deo ega agofa'a ageisa afaekaina,” eoma.

Ioane 3:3 Iomraidhean Croise

Mateo 16:17

Ega aisama Iesu eifa einaka, “Saimon Jona gauga aumu. Oi Deo eegai kapa felo'i loafi'i aumu! Gome pau mo kapa'ina loifania auga papiau aumauni oi akepalogonio kai lau Amau ufai eague Auga epalogonio loifania.

Mateo 19:24

Ke lapainimi pugu. Kamelo aga'o tiapu ikaina nilaga inegai gapagai ageoma auga afae'inoka alogaina. Kai pa'amu'amu auga Deo ega agofa'ai gakoko ageoma auga age'inoka alogaina,” eoma.

Mateo 21:31

“Au gauga auni'i epo'iai, kapa auga ama kapa'ina anina eani auga ekapaisa?” eoma. Ke isa keinaka, “Gauga fa'aniauga auga,” keoma. Ega aisama Iesu isa epaini'i einaka, “Iifa ko'a maamiai laifania, tax isafina au'i, ke peage lapau papie'i au'i fou keufai oi agomiai Deo ega agofa'ai kekoko.

Mateo 5:18

Iifa gome maamiai laifania. Aagoa ufa fou laa'i akemia kai, ega'ina iifa'i alogai malele e'ele mo, o peni kuagai afa'agamo mo kepaau opogaina auga afuga aga'omo mo ganinagai laa'i afaemia agelao ega'ina iifa'i ma'oai ko'a'i mo akemia.

Mako 10:14

Kai Iesu ega'ina eisa aisama, gua ekupu ke ega imoi epaini'i einaka, “Imoi e'ele'i folokaisapu'i eeu kegamai. Gome Deo ega agofa'a auga imoi iina koa i'opo'i au'i apu'i.

Mako 9:47

Ke maamu epagagapainio apala lokapa koa aisama, fo'iulaisa. Maamu aga'omogai Deo ega agofa'ai alokoko auga felo kai, maamu gua lo aealoalo afugai alokoko auga apala ipauma.

Ioane 1:13

Ega koa emia auga, isa papiau aumauni oko'iai kemauni kainai Deo gauga akemia. Ke isa papiau aumauni e'i iifai kemauni kainai Deo gauga akemia. Ke isa papie akafa'i e'i logoai kemauni kainai Deo gauga akemia kai, Deo ifo ega logoai kemauni kainai isa Deo gauga kemia.

Ioane 1:5

Ke eaea ega'ina umina egefa kai umina eaea ega'ina ageafialo afaekaina.

Ioane 1:51

Ke eifa pugu einaka, “Iifa gome maamiai laifania, ufa ageagalai ke oi ma'oai Papiau Aumauni Gauga kania laagai Deo ega agelo akeake ake'agau agoisa'i,” eoma.

Ioane 12:40

“Isa maa'i epakimi'inia, ke gua'i oma ekupunia. Ega koa isa maa'iai kapa'ina emia auga afakeisa, ke gua'i omagai kapa aga'o oko afakelogo, ke afakepuaipini eeu afakemai, ke lau isa felo'i afalapamia'i.” Aisaea 6:10

Ioane 3:4

Kai Nikodemus einaka, “Au aga'o eapao efua auga ala koa i'opoga agemauni pugu? Ko'a isa afaemue ina gua alogai afaekoko, ke afaemauni pugu!” eoma.

2 Korinto 4:4

Ke pau i'ina agofa'a deoga, ega'ina papiau'i Iesu akepako'ania au'i alo'i ekupunia maa'i epakimi'inia, ega koa iifa faunina Iesu Kristo, Deo iisagai emai auga, ega isapu ke eaea akaiki'a fouga eaea afakeisa.

2 Korinto 5:17

Ega puo aufalao aga'o Iesu Kristo fou kemia koa aisama, Deo isa epagamamue koa i'opoga, kapa mamaga aga'o koa i'opoga emia. Ke isa ega agu ufaina auga epua'afuga kai, agu mamaga auga kainai eagu.

Kalatia 6:15

Deo maagai auga au aga'o maguaega faaga iifalaina emia ma, aemia ma ganinagai kapa aga'o laa'i. Kai kapa akaiki'a auga aufalao aga'o Iesu Kristo epako'ania mauni mamaga eafia auga, Deo eegai kapa akaiki'a ipauma.

Efesus 2:1

Ke oi auga ufainagai Deo ega iifa laa'iai oaopagai, ke laomai apala'i okapai'i kainai, Deo maagai auga oi omae koa i'opoga.

James 3:17

Kai ikifa ufai Deo eegai emai ikifaga auga, papiau epalagaini'i Deo ega aguai keagu. Laomai ma'oai epo'iai papiau kapa Deo ega aguai eagu auga laoga maina kapa akaiki'a ipauma. Ke ega'ina ikifaga eafia papiauga auga, papiau fou gagaoai keagu, ke ifo elogoaina papiau kapa'ina keifania auga, aepaafiafi kai'iai mo epakaisa. Ke isa aina aefua, papiau keifania auga ekapa, ke papiau gua'i eani alogaina. Ke isa papiau fau'iai kapa felo'i ma'o ekapa'i, ke kapa'ina ekapa auga opo aga'omogai ekapa. Ke kapa ma'oai alo ko'agai mo ekapa'i.

1 Peto 1:3

Deo, i'a a'a Lopia Iesu Kristo Ama auga, tenkiu akaiki'a amapenia, ke amaau afagaina! Isa ega guani akaiki'a ipaumagai i'a mauni mamaga epenii'a. Ega koa i'a Iesu Kristo maeai emaunimue auga faagagai, afia'ama ageka aoniamo auga faafia eoma.

1 Ioane 2:29

Ke Deo kapa ma'oai felo'i ekapa'i auga ologo koa aisama, papiau ma'oai laomai felo'i kekapa'i au'i, Deo gauga auga isafa ologo.

1 Ioane 3:9

Kai kaisau Deo gauga emia auga, isa alogai Deo ega mauni mamaga ekae euki puo, laomai apala afaekapa afaelaolaoaina paisa. Ke isa Deo gauga ipauma kainai, laomai apala afaekapa afaelaoaina paisa.

1 Ioane 5:1

Ke papiau kapa Iesu Mesaia auga epako'ania aisama, isa Deo gauga. Ke kaisau alo ko'agai au aga'o anina eani aisama, au ega'ina gauga isafa anina eani.

1 Ioane 5:18

Ke i'a alogo aufalao aga'o Deo gauga emia auga, laomai apala afaekapa mo afaelaolao. Ke Iesu Deo Gauga auga, isa e'ima kania egagaoga puo, Satani isa faagagai kapa aga'o aekapa.

1 Ioane 5:4

Gome kaisau Deo gauga kemia au'i, agofa'a lao'i mai'i apala'i keumakalaini'i. Ke i'a a'a pako'a Iesu eegai aoge aisama, agofa'a ega apala apalutini'i.

Revelation 3:14

Isa lau epainiau pugu einaka, “Laodisia iifi e'a papiau'i e'i iifa ipapea auga ega iifa i'ina fopapua: “I'ina iifaga auga, isa Iifa Ko'a Inagome Auga, ke papiau fekepako'ania, ke alo ko'agai iifa ko'a mo eifafoua auga, ke Deo ega pagama kapa'i ma'oai e'ima'i Lopiaga auga ega iifa.