Ioane 2:2 - Mauni Mamaga Iifaga

² Ke miamia inagome auga iifa eulaisa Iesu ega imoi isafa fou ega'ina miamia kelao.

Ioane 2:2 Iomraidhean Croise

Mateo 12:19

Isa afaelo'u, o afaeagagapea, ke kai aga'o peapea afu'iai isa aina afaelogo.

Mateo 25:40

“Ke Kin iifa agepamue ageinaka, ‘Iifa ko'a maamiai laifania. Kapa'ina mo lau aau akiu e'ele'i i'ina aga'o eegai okapaisa auga, lau eeuai okapaisa,’ ageoma.

Mateo 25:45

“Ke Kin iifa agepamue ageinaka, ‘Iifa ko'a maamiai laifania. Kapa'ina mo lau aau akiu e'ele'i i'ina aga'o eegai alokapaisa auga, lau eeuai alokapaisa,’ ageoma.

Ioane 2:12

Ega'ina afegai Iesu ina, aaga akina, ke ega imoi fou kelao Kapenaum taonina, egae kina pika koa mo fou keagu.

Ioane 2:17

Ke Iesu ega imoi isa kapa'ina ekapaisa keisa, ke ega eifa oma aina kelogonia aisama, ufainagai Iesu fouga profeta Deo ega iifa pukagai iina kepapua oma auga keopolaga, “Deo, lau alou ko'agai oi emu e'a anina laani alogaina kainai, e'a ega'ina faagagai kapa'ina agemia auga lau alou agepalifua.”

Ioane 2:22

Kai muniai Iesu maeai emaunimue aisama kai, ega imoi isa kapa'ina eifania auga keopolaga. Ega aisama isa Deo ega iifa ufainagai profeta kepapua'i au'i, ke Iesu kapa'ina eifania auga fou kepako'ani'i.

Ioane 2:3

Ke miamia ega'inagai keaguega kai fino efua aisama, Iesu ina isa epainia einaka, “Isa ee'iai fino efua,” eoma.

Ioane 3:22

Ega'ina afegai Iesu ega imoi fou kepealai kelao Iudea ago afegai, egae ega imoi mo fou keagu ke baptismo epipeni.

Ioane 4:33

Ega aisama Iesu ega imoi au'i ifo'i mo epo'iai keifa keinaka, “Aufalao aga'o fo'ama emaiseina eaniia ma?” keoma.

Ioane 4:8

Gome Iesu ega imoi au'i fo'ama i'afa taoni kelao.

Ioane 6:12

Ke papiau ma'oai keaniani alo'i ekainia aisama, Iesu ega imoi epaini'i einaka, “Palafa ame'afu'i kekae au'i amopakai guguaini'i, ega koa aga'o egae faeka faelifu aage mo,” eoma.

Ioane 6:16

Ke epagapigapi aisama, Iesu ega imoi keake kelao a'uai.

Ioane 6:60

Iesu muninai kepea au'i ega'ina pamalelega a'o kelogonia aisama, ma'o keifa keinaka, “Pamalele ega'ina e'inoka alogaina puo, kaisau ega'ina pamalelega kainai agepea agekaina?” keoma.

Ioane 6:66

Iesu ega eifa oma aisama, muninai kepea au'i ma'o isa kepua'afuga, ke muninai akepea pugu.

Ioane 6:67

Ega aisama Iesu e'afoaipini ega apostolo 12 au'i epa'ani peni'i einaka, “Oi isafa olao ma ooma?” eoma.

Ioane 6:70

Ega aisama Iesu einaka, “Lau oi aumi 12 aumi alakinanimi ma? Iifa gome lau oi lakinanimi kai, oi epomiai aga'o auga tiapolo!” eoma.

Ioane 6:71

(Iesu ega'ina eifania auga, isa ifo ega imoi 12 auga epo'iai aga'o aka Judas, au aka Saimon Iskariot gauga muniai isa age'afa'afalaina auga fouga eifania.)

Ioane 6:8

Ega aisama Iesu ega imoi aga'o Andru, Saimon Peto keoma auga akina eifa einaka, “Imoi maguaega inamo'e palafa iuma e'ele'i ima, ke ma'a e'ele'i gua eegai kekae. Kai papiau iina ema'o oma auga, palafa ega'ina ke ma'a gua auga faaga'iai kapa aga'o agapagama ma?” eoma.

Acts 11:26

Ke elao Tarsus taoninai Saulo eisa aisama, eafiia fou kemue Antiok taonina kelao. Egae Banabas Saulo auni'i inipo aga'o fofouga keagu, pako'a papiau'i ma'o paisa fou kekaigugu, ke papiau ma'o kepamaleleni'i. Ke egae Antiok taoninai papiau i'oi'i pako'a papiau'i aka mamaga kepenii'i ke'ina keifani'i ‘Kristiano’ keoma.

Acts 11:29

Ega aisama Antiok taoninai pako'a papiau'i aga'o aga'o e'i agu kainai, Iudea ago pako'a papiau'i ee'iai moni fekeulaisa fekepalagaini'i keoma auga iifaga kepako'ania.

1 Korinto 10:31

Ega puo oi agoaniani, o kapa aga'o agoinu, o kapa aga'o agokapa aisama, papiau Deo au akaiki'a fekepamia, ke fekeau afagaina auga laoga mainai fokapa.

1 Korinto 7:39

Kristiano papiau'i epo'iai auga, papie aga'o akafa auni'i kegopei'i koa i'opoga. Isa akafa eaguega kai, ifo afae'ue au i'oina aga'o afaeakafania. Kai akafa agemae koa aisama, isa ifo kaisau gaakafania ageoma agekaina. Kai au ega'ina auga Lopia Iesu ega papiau aga'o femia.

Kolose 3:17

Ke kapa'ina agoifania o agokapa alogai, ega'ina kapa'i ma'oai Lopia Iesu Kristo akagai fokapa'i. Ke ega'ina agokapa alogai, Iesu Kristo akagai Ama'a Deo tenkiu fopenia.

Hibru 13:4

Deo amage papiau'i kai aufalao aga'o i'oina fou kefeu aage mo au'i, ke amagelofe laa'i kai papiau aga'o fou kefeu aage mo au'i ma'oai fou e'i laomai apala'i afa agepeni'i paisa. Ega puo papiau ma'oai amage auga kapa akaiki'a fekepamia, ke au papie fou akafa'i mo fou fekefeu kai, papiau i'oina aga'o fou fakefeu aage mo.

Revelation 3:20

Moisa! Lau pa'afi akegai laapae pa'afi la'inipa. Aufalao aga'o lau ainau agelogo, ke pa'afi agepaagalaisa koa aisama, lau alakoko alalao isa fou agaaniani. Ke isa isafa lau fou agaaniani.