Ioane 13:3 - Mauni Mamaga Iifaga

³ Iesu isa Ama kapa ma'oai isa ega isapu papagai epamia'i e'ima'i auga elogo. Ke isa Deo eegai emai ke agemue Deo eega agelao pugu auga isafa elogo.

Ioane 13:3 Iomraidhean Croise

Mateo 11:27

“Lau Amau kapa ma'oai lau imauai epaaua. Ke kai aga'o Gauga aelogonia kai Ama auga mo Gauga elogonia. Ke kai aga'o Ama aelogonia kai, Gauga auga mo Ama elogonia. Ke Gauga Ama kaisau fepakina'i eoma au'i mo, Ama kaisau auga epalogoni'i.

Mateo 28:18

Ega aisama Iesu emai ee'iai eapa kai epaini'i einaka, “Deo, ufai ke aagoai isapu ma'oai lau epeniiau.

Luka 10:22

Iesu Ama Deo eau afagaina efua aisama, eifa pugu einaka, “Lau Amau kapa ma'oai lau imauai epaaua. Ke kai aga'o Gauga kaisau auga aelogo kai, Ama auga mo elogo. Ke kai aga'o Ama kaisau auga aelogo kai, Gauga auga mo elogo. Ke Gauga kaisau ekinani'i au'i mo Ama kaisau auga epalogoni'i.”

Ioane 1:18

Ke kai aga'o Deo aeisaisa kai, Deo Gauga aga'omo, ifo isafa Deo, ke Ama kaina kainai eague auga Ama kaisau auga i'a epalogoni'a.

Ioane 13:1

Ke kina aga'omo eka Pasover miamia agemia auga kinagai, Iesu i'ina agofa'a agepua'afuga Ama eega agelao auga kina emai ekainia auga elogo. Ke ifo ega papiau i'ina agofa'agai keagu au'i, alo ko'agai ani'i eani alogaina mo emai pau kai, pau auga isa ani'i eani alogaina auga fua ipauma pau epakina'i.

Ioane 17:2

Gome Oi isa isapu lopeniia papiau ma'oai fe'ima'i ega koa papiau ma'oai isa lopenia au'i, agu pagai maunina fepeni'i looma.

Ioane 3:13

Ke kai aga'o ufa aelaolao kai, kaisau egae eake emai auga mo ufa elao. Ega'ina auga Papiau Aumauni Gauga.

Ioane 3:35

Ke Ama alo ko'agai Gauga anina eani, ke kapa ma'oai isa imagai epaaua.

Ioane 7:29

Kai lau auga Isa lalogonia, gome lau Isa eegai lamai, ke Isa lau eulaisau,” eoma.

Ioane 7:33

Ega aisama Iesu einaka, “Lau oi fou kina epo afaemaefa agaagu. Egae kai lau eulaisau auga eega alalao.

Ioane 8:14

Kai Iesu einaka, “Lau ifou fou laifafoua mo ganinagai, lau kapa'ina laifafoua auga ko'a, gome lau kapai lamai auga lalogo, ke ala alalao auga isafa lalogo. Kai oi auga, lau kapai lamai o ala alalao auga oko alologo.

Ioane 8:42

Ega aisama Iesu isa epaini'i einaka, “Deo oi Amami koa aisama, lau aniu foani, gome lau Deo eegai lamai, ke pau lau inamo'eu. Ke lau ifou alamai kai Isa lau eulaisau lamai.

Acts 2:36

“Ega puo Israel papiaumi ma'oai, iifa gome fologo, oi Iesu ega'ina kolotiai oau'u'ua kai, Deo isa epamaunimue, Lopia ke Mesaia epamia,” eoma.

1 Korinto 15:27

Gome Deo ega iifa pukagai iina kepapua oma: “Isa kapa ma'oai isa ife papagai maini epamia'i,” keoma. Ke Deo ega iifa pukagai eifa kapa ma'oai isa ife papagai epamia'i eoma kai, Deo Ama ifo auga, isa ife papagai laa'i.

Hibru 1:2

Kai i'ina kina'i fua'i alogai, Deo Gauga kapa'ina eifani'i, ke faagagai kapa'ina kemia auga Deo i'a epaini'a. Deo, isa Gauga faagagai agofa'a epagama. Kai Deo agofa'a aepagama koa kai, Isa Gauga ekinaga, eifa ko'ania kapa ma'oai agepenia eoma auga isafa isa apuga epamia efua.