Ioane 10:3 - Mauni Mamaga Iifaga

³ Ke ima'ima auga pa'afi epaagalaisa isa ekoko, ke ega sipi isa aina kelogo kefiakoa. Ke isa ega sipi aka'iai ekae eifani'i epapealai'i.

Ioane 10:3 Iomraidhean Croise

Ioane 10:14

Iesu eifa pugu einaka, “Lau auga Sipi I'ima felo au. Gome lau Amau elogoniau koa i'opoga, lau isafa e'u sipi lalogoni'i, ke e'u sipi isafa lau kelogoniau. Ke lau ifou imaau lalogoaina, sipi fau'iai alamae.

Ioane 10:16

Kai sipi isa'i i'ina fagapuga alogai akeapapa au'i isafa keapae. Lau sipi ega'ina au'i isafa famaiseini'i fagapu i'ina alogai fekeapa, lau e'u sipi fou aga'omo fekemia laoma. Ke ega'ina sipi'i isafa lau ainau akelogo, ke ma'oai aga'omo akemia lau e'u sipi akemia, ke lau iifou mo sipi i'ima au alamia.

Ioane 10:4

Ke isa ifo ega sipi ma'oai epapealai'i afegai aisama, isa eufai kai ega sipi auga isa muninai kelao, gome sipi isa aina kelogo magakania.

Ioane 10:9

Lau auga pa'afi. Au kapa i'ina pa'afinai agekoko auga kania ageisagamau. Ke isa ega'ina pa'afinai agekoko agemai, ke agepealai agelao sipi e'i animai afuga felo ipauma aga'o ageisa.

Ioane 6:37

Kai Amau lau epeniau au'i ma'oai eeu akemai, ke kaisau lau eeu akemai au'i afalaula'i.

Ioane 6:45

Ke ega koa agemia auga ufainagai profeta Deo ega iifa pukagai iina kepapua oma, ‘Deo isa ma'oai agepamaleleni'i,’ keoma. Ega koa i'opoga, kaisau aina epaaua lau Amau aina elogo ke eegai emalele auga lau eeu emai.

Roma 8:30

Ke kaisau Isa Gauga Iesu Kristo iisagai fepalao'i eoma au'i isafa, eifani'i. Ke kaisau eifani'i au'i, Isa maagai laomai felo ikapa au'i isafa epamia'i. Ke kaisau Isa maagai laomai felo ikapa au'i epamia'i au'i, epalopiani'i isafa, ke Isa afugai ega isapu, eaea, ke ega akaiki'a fou alogama kepa'aua.

1 Korinto 16:9

Gome inae pinauga akaiki'a fekekapa felo auga pa'afina eagalai efua kai, papiau ma'o lau e'u pinauga lakapa auga anina akeani puo kekaisapuisau.

Filipi 4:3

Ke oi alomu ko'agai lau fou Iesu Kristo ega pinauga akapa aumu lagoinio, oi ega'ina papie'i lau fou apinauga kapula iifa faunina Iesu Kristo fouga apapea au'i fopalagaini'i. Ke Klement ke lau fou apinauga au'i isa'i agu pagai maunina akeafia pukagai aka'i Deo epapua au'i isafa fopalagaini'i laoma.

Kolose 4:3

Ke lai isafa faumaisai fomegamega, ega koa lai emai iifa faifafoua auga keagaga aga'o Deo fepaagalaisa, ega koa lau Iesu Kristo ega ogefake iifaga fouga faifafoua. Lau ega'ina iifaga laifafoua puogai tipula au lamia.

2 Timoti 2:19

Kai pifoge pamalelega au'i ega koa kekapa mo ganinagai, Deo iina eifa oma, ‘Lopia papiau kapa'i, Isa ega papiau ko'a'i au'i elogo.’ Ke Deo iina eifa oma pugu, ‘Kaisau Lopia Iesu Kristo epako'ania, ega laomai apala'i ageumakalaini'i eoma, papiau maa'iai eifafoua auga, laomai apala'i ma'oai feumakalai afe'aini'i.’ Deo ega iifa i'ina auga, uu'u kapula ipauma eapa aelao aemai auga koa i'opoga. Ega puo Deo ega iifa auga iifa gome ko'a ipauma paisa.

1 Peto 1:12

Kai profeta ega'ina kapa'i keifafou'i auga, isa ifo'i fau'iai akeifafou'i kai, oi faumiai keifafou'i auga Deo epalogoni'i. Ke ega'ina kapa'i ufainagai profeta keifafou'i auga, pau oi maamiai keifafou'i. Ega'ina auga Deo ega Spiritu ufai eulaisa emai auga ega isapuai papiau pau oi maamiai iifa faunina Iesu fouga keinogonia. Agelo isafa alafai kegaoma ega'ina kapa'i kegaisa'i, oko'i kegalogo keoma.

1 Ioane 4:6

Kai i'a auga Deo ega papiau. Ke kaisau Deo elogonia auga, i'a kapa'ina aifania auga aina'a elogo. Kai kaisau Deo ega papiau laa'i auga, i'a kapa'ina aifania auga aina'a aelogo. Iina koa emia aisama kaisau Deo ega Spiritu ko'a auga ega nini'ani eifania, ke kaisau spiritu pifoge ega nini'ani eifania auga alogo.

3 Ioane 1:14

Kai lau anina laani auga, fafiakoa faafai eemiai kua'a maa'a faisa kai fou fanini'ani laoma.

Revelation 20:15

Ke aufalao aga'o aka Deo papiau agu pagai maunina fekeafia eoma pukagai laa'i auga, keafiia lo ofugaga akaiki'a alogai kepiulaisa.

Revelation 3:20

Moisa! Lau pa'afi akegai laapae pa'afi la'inipa. Aufalao aga'o lau ainau agelogo, ke pa'afi agepaagalaisa koa aisama, lau alakoko alalao isa fou agaaniani. Ke isa isafa lau fou agaaniani.

Revelation 7:17

Gome Deo ega aguagu afuga ipuainagai ipauma auga, Sipi Gauga eagu, isa e'i sipi i'ima auga koa i'opoga agemia age'ima'i, ke agepapea'i agelaoaini'i fei e'uki mauni mamaga epipeni auga feinai agepapealai'i. Ke Deo isa maa'iai maa'i iuga ma'oai agefaini'i,” eoma.