Filipi 4:9 - Mauni Mamaga Iifaga

⁹ Ke kapa'ina lau eeuai omaleleaina, o oafiia, o a'o ologonia, o faagauai oisa auga ma'oai fokapa'i. Ke Deo gagao inagome auga oi eemiai feagu laoma.

Filipi 4:9 Iomraidhean Croise

Mateo 1:23

Ega'ina kapa'i aga'o auga fouga profeta Aisaea iina epapua oma: “Ifiao agu'a faaga fofouga, au aga'o fou akefeufeu auga, ageinae imoi maguaega agepamauga. Ke papiau isa aka Immanuel akeoma.” Immanuel i'a mala'aisai auga, “Deo i'a fou aague,” auga eifania.

Mateo 28:20

Ke kapa ma'oai oi maamiai laifa kapulani'i au'i isa fopamaleleni'i, ega koa kai'iai fekepea. Ke iifa gome maamiai laifania, lau oi eemiai alaagu mo agelao agofa'a ega fua auga kina agemai kai,” eoma.

Mateo 7:21

Ke Iesu eifa pugu einaka, “Papiau lau, ‘Lopia, Lopia,’ keomaisau au'i ma'oai mo ufai Deo ega agofa'ai afakekoko. Kai kaisau lau Amau ega logoai kapa ma'oai ekapa auga mo ega'ina agofa'agai agekoko.

Luka 6:46

Ke Iesu eifa pugu einaka, “Kapa puo oifaniau, ‘Lopia, Lopia,’ ooma kai, kapa'ina laifania auga alokapa?

Luka 8:21

Ke Iesu einaka, “Kaisau lau Amau Deo ega iifa a'o kelogo ke kainai kepea au'i, lau inau ke aau akiu ipauma'i,” eoma.

Ioane 13:17

Pau i'ina kapa'i ologo ke agokapa'i koa aisama, Deo kapa felo'i agepenimi.

Ioane 15:14

Oi lau kapa'ina laifa kapulania auga agokapa aisama, oi lau ekefa'au.

Ioane 2:5

Kai Iesu ina pinauga au'i epaini'i einaka, “Kapa'ina fokapa ageoma auga fokapa,” eoma.

Acts 9:6

Pau mo'ue Damaskus taonina alogai mokoko. Egae oi kapa'ina fokapa auga maamuai akeifania,” eoma.

Roma 15:33

Lau lamegamega Deo gagao inagome auga oi ma'oai fou foagu laoma. Amen.

Roma 16:20

Ke Deo gagao inagome auga, afa'agamo Satani oi ifemi papagai agegafamu'a. Lau lamegamega i'a a'a Lopia Iesu Kristo ega gafegafe akaiki'a oi eemiai feka laoma.

1 Korinto 10:31

Ega puo oi agoaniani, o kapa aga'o agoinu, o kapa aga'o agokapa aisama, papiau Deo au akaiki'a fekepamia, ke fekeau afagaina auga laoga mainai fokapa.

1 Korinto 14:33

Gome Deo auga kapa aga'o aekapa aagenia mo kai, kapa ma'oai okogai mo ekapa'i. Ke iifi e'a'i ma'oai alo'iai Deo ega papiau epo'iai papie auga, fekeagu komo mo fekeoma. Gome isa kai aga'o aelogoaini'i fekenini'ani aeoma. Kai Deo ega iifa Moses epeniia auga alogai eifa koa i'opoga, isa au akaiki'a'i au'i kapa'ina akeifania auga, aina'i kainai mo fekepakaisa.

1 Korinto 4:16

Ega puo lagoinimi kapa'ina lakapa auga i'opoga mo fokapa laoma.

2 Korinto 13:11

Aau akiu Kristiano papiaumi, e'u nini'ani fuagai oi ma'oai foagu felo laoma. Ke alomi opaina gamia auga uniaimoimoga fopa'aua. Ke ainau foafia kapa'ina lagoinimi fokapa laoma auga fokapa. Ke alomi aga'omo femia, ke ma'oai gagaoai foagu. Ega koa aisama, Deo alo ko'agai papiau ani'i eani, ke gagao gome auga, oi fou agoagu.

Filipi 3:17

Aau akiu Kristiano papiaumi, papiau lau kapa'ina lakapa auga kainai mo kepea au'i fou fomia, lau kapa'ina lakapai'i au'i kai'iai fopea. Ke papiau kapa'i lai ala aagu oma auga agugai keagu au'i foisa'i fomalele.

Filipi 4:7

Ega aisama Deo ega gagao papiau aumauni e'i logo eka'egaina auga, oi Iesu Kristo fou omia kainai, oi alomi ke opomi fou age'ima.

1 Tesalonika 1:6

Ke oi lai oisamai iisamai mo o'opoisa, ke ega koa okapaisa Lopia Iesu Kristo isafa iisa mo o'opoisa. Kai ega'ina okapaisa alogai, papiau oi keafi apalanimi okiekie alogaina mo ganinagai, Deo ega Spiritu alogama epipeni auga alogamagai, iifa faunina Iesu fouga oafiia opako'ania.

1 Tesalonika 2:14

Gome aau akiu Kristiano papiaumi, oi auga Iudea agogai Deo ega iifi e'a papiau'i Iesu kepako'ania au'i kapa'ina kekapa auga iisa'i mo o'opoisa. Gome Deo ega iifi e'a papiau'i Iudea agogai au'i, Iudea papiau'i isa keafi apalani'i kekiekie koa i'opoga, oi ifomi emi ago papiau'i isafa keafi apalanimi okiekie.

1 Tesalonika 5:23

Lai amegamega ega koa Deo ifo gagao inagome auga, oi kapa ma'oai okapa'i au'i faaga'iai alo lolofa aumi fepamiaimi aoma. Ke i'a a'a Lopia Iesu Kristo agemai pugu aisama, lalaumiai, alomiai, ke imaaumiai laomai apala aga'o okapaisa faeoma puo faepenimi aoma.

2 Tesalonika 3:4

Ke lai Lopia eegai kapula aafia kainai alogo, oi maamiai kapa'ina aifani'i au'i okapa'i, ke agokapa'i afaefuafua.

2 Timoti 4:22

Lau alou ko'agai Lopia Iesu lamegamega penia, ega koa isa oi eemuai feagu laoma. Ke ega gafegafe akaiki'a, oi, ke fou egae oague aumi ma'oai fepenimi laoma.

James 1:22

Ke Deo ega iifa a'o agologo aisama, kapa'ina a'o ologo auga fokapa. Oi ifomi folofogeimi foloopolaga, Deo ega iifa a'o mo ologo auga kaniami ageagamauga folooma.

2 Peto 1:10

Ega puo aau akiu Kristiano papiaumi, oi founiaimoimo, Deo oi ekinanimi ke eifanimi auga foafiapi kapulania. Gome oi i'ina kapa'i agokapa'i koa aisama, oi emi pako'ai afolo'ua'ualai.

1 Ioane 3:22

Ke kapa'ina Isa agagoina auga isafa eegai agaafia paisa. Gome Isa i'a kapa'ina epaini'a fakapa eoma auga akapa, ke alo fapagama kapa'i mo akapa'i.