Filipi 4:7 - Mauni Mamaga Iifaga

⁷ Ega aisama Deo ega gagao papiau aumauni e'i logo eka'egaina auga, oi Iesu Kristo fou omia kainai, oi alomi ke opomi fou age'ima.

Filipi 4:7 Iomraidhean Croise

Luka 2:14

“Deo au'oniai ufai eague auga, Au Akaiki'a Ipauma apamia, ke aagoai Deo papiau ani'i eani au'i gagao epeni'i,” keoma.

Ioane 14:27

Lau gagao oi lapenimi, ega'ina auga lau e'u gagao eemiai lapua'afuga. Ke lau kapa'ina lapenimi auga agofa'a papiau'i kepipeni koa i'opoga koa alapipeni. Ega puo foloopopo alomi faemafu ke folomani'i.

Ioane 16:33

“Lau i'ina kapa'i maamiai laifani'i, ega koa oi lau fou agaagu puogai oi gagao alomiai ageka. I'ina agofa'agai oi kiekie akaiki'a'i agoafi'i. Kai alomi fekapula folomani'i. Lau i'ina agofa'a lapalutinia efua,” eoma.

Roma 14:17

Gome Deo ega agofa'ai auga, oi kapa'ina oania, ke oinu auga kapa aga'o laa'i. Kai Deo ega Spirituai oi Isa maagai alo opai aumi omia, gagaoai ke alogamai oagu auga kapa akaiki'a.

Roma 15:13

Lau lamegamega Deo i'a a'a afia'ama inagome auga opako'ania alogai, Isa alogama ke gagao ma'oai oi alomi fepapogua laoma. Ega koa Deo ega Spiritu isapugai, oi Deo ega isapu, ke eaea fou agoisa'i afia'amaga opa'aua auga, afia'amaga akaiki'a ipauma femia laoma.

Roma 5:1

Ega puo i'a a'a pako'ai alo opai au'a amia kainai, i'a a'a Lopia Iesu Kristo faagagai Deo i'a fou agagao.

Roma 8:6

Gome kaisau papiau aumauni laoga maina apala mino keafia muninai kepea au'i Deo maagai kemae. Kai kaisau Deo ega Spiritu alo'iai eague auga muninai kepea au'i, mauni keafia ke gagaoai keagu.

2 Korinto 10:5

Ke opola i'oi'i i'oi'i, ke kapa aga'o ifo eau afagaina, ega koa papiau Deo oko fekelogo auga keagaga ekupuga auga, lai pipaini amu'i ega'inagai ega'ina opola'i aauoka'i. Ke opola ma'oai aafi'i tipula au'i koa apamia'i, ke alaoaini'i Iesu Kristo mo aina kainai kepea.

2 Korinto 13:11

Aau akiu Kristiano papiaumi, e'u nini'ani fuagai oi ma'oai foagu felo laoma. Ke alomi opaina gamia auga uniaimoimoga fopa'aua. Ke ainau foafia kapa'ina lagoinimi fokapa laoma auga fokapa. Ke alomi aga'omo femia, ke ma'oai gagaoai foagu. Ega koa aisama, Deo alo ko'agai papiau ani'i eani, ke gagao gome auga, oi fou agoagu.

Kalatia 5:22

Kai papiau Deo ega Spiritu alo'iai eagu au'i iina kekapa oma: Isa alo'i ko'agai aga'o aga'o ani'i keani. Ke isa alogamai mo kelao kemai. Isa papiau fou gagaoai keagu. Ke papiau isa alo'i kepakiekie aisama, e'i alo kiekie keafiapia mo. Ke isa papiau kegafegafe peni'i. Ke isa papiau ee'iai laomai felo mo kekapa. Ke isa iifa ko'a mo keifania, ega koa papiau isa kepako'ani'i.

Efesus 3:19

Ke lau lamegamega, ega koa Iesu papiau ma'oai ani'i eani alogaina auga laoga maina, logo ma'oai eka'egaini'i auga fouga fologo, ega koa Deo ega laomai ma'oai oi alomi fepapogua laoma.

Filipi 1:1

Lau Paulo i'ina malelega lapapua. Ke lau Timoti aunimai auga Iesu Kristo ega pinauga ikapa aumai. Isa lau aunimai akamaisai i'ina malelega laulaisa oi Filipi taonina papiaumi Iesu Kristo fou omia kainai Deo ega papiau omia aumi, ke iifi e'a o'ima aumi ke opipalagai aumi fou eemi efai.

Filipi 1:2

Lau lamegamega ega koa i'a Ama'a Deo, ke a'a Lopia Iesu Kristo fou e'i gafegafe ke e'i gagao fou fekepenimi foagu felo laoma.

Filipi 4:19

Kai Iesu Kristo oi faumiai kapa'ina ekapaisa auga kainai, Deo auga oi eemiai kapa akaiki'a'i ipauma ipenina gome auga emia. Ke lau Deo faugai lapinauga auga oi kapa ma'oai ani'i oani au'i Iesu Kristo faagagai agepeni afe'ainimi.

Filipi 4:21

Lai emai pamego Deo ega papiau ma'oai Iesu kepako'ania au'i fopeni'i. Ke aami akimi Kristiano papiau'i inae fou aague au'i isafa, ke Deo ega papiau i'oi'i ma'oai isafa e'i pamego oi eemiai keulaisa. Kai Kristiano papiau'i Sisa ega e'ai kepinauga au'i auga alo'i ko'agai e'i pamego oi eemiai keulaisa.

Filipi 4:9

Ke kapa'ina lau eeuai omaleleaina, o oafiia, o a'o ologonia, o faagauai oisa auga ma'oai fokapa'i. Ke Deo gagao inagome auga oi eemiai feagu laoma.

Kolose 3:15

Ke Iesu Kristo ega gagao oi alomiai feka fe'imaimi, gome oi ma'oai famili aga'omogai omai koa i'opoga, Deo oi eifanimi gagaoai foagu eoma. Ke Deo tenkiu fopenia faefuafua.

2 Tesalonika 3:16

Ke pau auga, lau lamegamega ega koa Lopia gagao inagome auga, ifo aufa kina mo gagao fepenimi laoma. Ke kapa'ina agokapa alogai ganinagai, ega gagao fepenimi foagu felo laoma. Ke lamegamega Lopia oi ma'omiai mo eemiai gaagu laoma.

Hibru 13:20

I'a a'a Lopia Iesu emai agofa'ai, sipi ke'ima'i au'i kaniagai koa i'opoga emia, Deo ega papiau e'ima'i. Ke isa papiau fau'iai emae, ifagai Deo papiau fou epo'iai gagao emia, pako'a nini'anina kapula ageka aoniamo auga ekapaisa. Egae kai Deo gagao inagome auga, i'a a'a Lopia Iesu maeai epamaunimue.

Jude 1:1

Lau Jude Iesu Kristo ega pinauga au, ke James akina au i'ina malelega lapapua oi i'a Ama'a Deo eifanimi, animi eani alogaina papiaumi aumi, ke Iesu Kristo faugai Deo oi i'ina agofa'a lao'i mai'i ee'iai epakaisapuimi aumi eemiai laulaisa.

Revelation 1:4

Lau Ioane i'ina malelega lapapua oi Asia agogai iifi e'a imagea gua aumi eemiai laulaisa. Lau lamegamega ega koa Deo ufainagai eagu auga, pau eague, ke muni agemai auga, ega gafegafe akaiki'a ke gagao fou fepenimi foagu felo laoma. Ke isa mo laa'i kai, Deo ega Spiritu au'i imagea gua Deo isapu akaiki'a eafia afugai eagu auga agogai keagu au'i isafa gafegafe akaiki'a, ke gagao fou fekepenimi foagu felo laoma.

Revelation 2:17

Kaisau aina ekae auga, Deo ega Spiritu iifi e'a ee'iai kapa'ina eifania auga aina felogo. Ke kaisau ega pako'ai laomai apala'i epalutini'i auga, lau mana laogefake'i au'i alapenia ageania. Ke lau isa kepo keloga isafa alapenia. Ke kepo laagai aka mamaga ipapua emia auga kai aga'o i'oina afaelogo kai, kaisau ega'ina kepo eafia auga mo agelogo.