Filipi 4:6 - Mauni Mamaga Iifaga

⁶ Ke kapa aga'o opopo folopa'aua. Kai aufa kina kapa ma'oai agokapa'i alogai, emi megamegai ke emi pinoisai Deo tenkiu openipenia kai, emi pinoi Deo maagai foifania felogo.

Filipi 4:6 Iomraidhean Croise

Mateo 10:19

Kai oi akeafimi isa ima'iai akepaaumi aisama, kapa'ina agoifania o nini'ani ala agoifa oma auga opopo folopa'aua. Ega kinagai oi kapa'ina agoifania auga Deo agepenimi agoifania.

Mateo 13:22

Ke au oga'i ini mogogo alogai ke'ualai au'i auga, aufalao aga'o Deo ega iifa a'o elogo eafia. Kai isa agu felo opopo, ke i'ina agofa'a amu'iai gapa'amu'amu eoma auga isa kefoge, ke ega'ina kapa'i Deo ega iifa au oga koa isa alogai euki auga eafipugua anina aga'o aeoge.

Mateo 6:34

Ega puo oi fafoko opopo folopa'aua. Gome fafoko kapa'ina agemia auga ifo opopo agepa'aua. Aufa kina auga ifo ega opopo egome mo ekae.”

Mateo 6:8

Ega puo oi auga isa kekapa koa folokapa. Gome oi Amami kapa'ina agogoina auga alogoina koa kai elogo efua.

Luka 10:41

Ega aisama Lopia iifa epamue einaka, “Marta, Marta, oi loopopo alogai, kapa ma'o alomafu'i lopa'au'i.

Luka 12:22

Ke Iesu ega imoi ma'oai epaini'i einaka, “Iifa gome maamiai laifania. Pa'amu'amu auga faagagai iina koa agemia kainai, oi emi agu, ke kapa'ina agoania, ke imaaumi faugai tiapu kapa ago'iuka auga opopo folopa'aua.

Luka 12:29

Ke kapa'ina agoania ke agoinu auga foloopolani'i, ke minomi ega'ina kapa'i ee'iai folooge. Ke foloopopolaini'i.

Luka 18:1

Egae kai Iesu ega imoi aufa kina fekemegamega fakeapakipo auga fouga palapoleai maa'iai eifania.

Luka 18:7

Kai oi emi Deo auga felo ipauma. Ega puo Isa ekinani'i au'i aufa kina gapi gani eega kemai keagaga penia auga aina'i afaeafia, e'i iifa afaepakaisa ke paakai paakai aina'i afaelogo ma? Ko'a ipauma, kaisau Isa eega kelao keagaga penia au'i aina'i agelogo paisa!

1 Korinto 7:21

Ke oi kala'afi omia alogai Deo eifanimi koa aisama, oi ega'ina opopo folopa'aua. Kai kala'afi pinaugaga ega'ina oi egopeimi koa auga eegai agopealai agekaina koa aisama, fopealai.

1 Korinto 7:32

Ke lau anina laani oi kapa aga'o opopo folopa'aua laoma. Au aga'o aeamage auga, Lopia alo ala agepagama oma auga mo opopo epa'aua, ke isa mo ega pinauga ekapa.

2 Korinto 1:11

Ke oi isafa emi megamegai lai opalagainimai. Ega'ina auga, Deo papiau ma'o lai faumaisai kemegamega auga, aina'i agelogo afa agepeni'i. Ke Deo lai pipeni felo'i agepenimai faagagai, papiau ma'o lai faumaisai Deo tenkiu akaiki'a akepenia.

Efesus 5:20

Ke aufa kina Lopia Iesu Kristo akagai, kapa ma'oai fau'iai Ama'a Deo tenkiu fopenia faefuafua.

Efesus 6:18

Ke emi megamegai kapa i'oi'i i'oi'i megamega'i fopa'aua ke fogoi kapulania. Ke agomegamega alogai, Deo ega Spiritu kapa'ina epalogonimi faugai amomegamega eoma auga mo faugai fomegamega faefuafua. Ke ega'ina minomiai ekaega kai, aufa kina fofua foagu, ke Deo ega papiau ma'oai isafa fau'iai fomegamega faefuafua.

Kolose 3:15

Ke Iesu Kristo ega gagao oi alomiai feka fe'imaimi, gome oi ma'oai famili aga'omogai omai koa i'opoga, Deo oi eifanimi gagaoai foagu eoma. Ke Deo tenkiu fopenia faefuafua.

Kolose 3:17

Ke kapa'ina agoifania o agokapa alogai, ega'ina kapa'i ma'oai Lopia Iesu Kristo akagai fokapa'i. Ke ega'ina agokapa alogai, Iesu Kristo akagai Ama'a Deo tenkiu fopenia.

Kolose 4:2

Ke oi ma'oai fomegamega faefuafua, ke emi megamega alogai maami fekiakae foagu, ke Deo tenkiu fopenia faefuafua.

1 Timoti 2:1

Lau anina laani pako'a papiau'a agofa'ai aague alogai, ma'oai alo'a ko'agai Deo faau afagaina. Ke Deo ega iifa ko'a'i mo kai'iai fapea. Ega koa i'a a'a laomai felo mo agakapa, ke papiau i'a a'a laomai felo mo akeisa aisama, isa isafa e'i laomai felo agemia. Ke agofa'ai aague alogai isafa gagaoai faagu. Ke Deo ega pinauga akapa alogai, kaisau kelele agekapa pinauga agepalifua auga anina falaani laoma. Ega puo i'a a'a pinauga akaiki'a ipauma auga, kin fau'iai ke ago aga'o aga'o papiau'i ke'ima'i lopia'i ma'oai fau'iai famegamega. Ke papiau ma'oai isafa fau'iai famegamega. I'a a'a megamegai Deo fagoina fe'imai'a, ke famegamega kapula kapa ma'oai ani'i aani au'i fepeni'a. Ke papiau aga'o aga'o isafa fau'iai Deo famegamega penia, e'i opopo akaiki'a emeau auga eegai fepalagaini'i fepa'ilikaea. Ke Deo papiau fau'iai, kapa ma'oai isafa ekapai'i kainai tenkiu akaiki'a fapenia.

1 Timoti 5:5

Kai afuafu kapa'i gau'i o ufu'i aga'o laa'i afakepalagaini'i au'i, Deo isa agepalagaini'i auga fekepako'ania feke'ima. Ke aufa kina fekemegamega kapula fakeapakipo, ke Deo fekegoina kapa ma'oai ani'i keani au'i fepeni'i.

1 Peto 4:7

Kai pau kapa ma'oai fekefua laa'i fekemia auga kina emai kainagai. Ega puo oi alomi fo'ima felo, ke opolami felogai foagu. Ega koa oi fomegamega fekaina.

1 Peto 5:7

Ke Deo oi eopopolainimi puo, oi emi opopo ma'oai amopiuni'i Isa eega kegalao.