Filipi 4:3 - Mauni Mamaga Iifaga

³ Ke oi alomu ko'agai lau fou Iesu Kristo ega pinauga akapa aumu lagoinio, oi ega'ina papie'i lau fou apinauga kapula iifa faunina Iesu Kristo fouga apapea au'i fopalagaini'i. Ke Klement ke lau fou apinauga au'i isa'i agu pagai maunina akeafia pukagai aka'i Deo epapua au'i isafa fopalagaini'i laoma.

Filipi 4:3 Iomraidhean Croise

Luka 10:20

Kai tiapolo apala'i ainami keafia aisama, ega'ina mo alogama folopa'aua kai Deo oi akami ufai epapua auga alogama akaiki'a fopa'aua,” eoma.

Roma 12:1

Ega puo aau akiu Kristiano papiaumi, Deo ega guani akaiki'a i'a epenii'a kainai, lau lapaini kapulanimi. Oi maami mauninai oaguega kai, ifomi imaaumi Deo maagai felolofa, ke Deo alo opagama auga kapa koa fopamia isa fopa'a penia. Ega'ina auga oi alomi ko'agai Deo foau afagaina auga laoga maina.

Roma 16:12

Ke papie aka'i Trifaena, ke Trifosa Lopia faugai kepinauga alogaina papie'i, e'u pamego iifa'i fopeni'i. Ke papie i'oina aga'o aka Pesis, lau ekefa'au Lopia faugai epinauga alogaina auga, e'u pamego iifa'i fopenia.

Roma 16:9

Ke Iesu Kristo faugai fou apinauga auga aka Ubanus, ke ekefa'au aka Stakis fou e'u pamego iifa'i fopeni'i.

Filipi 1:12

Aau akiu Kristiano aumi, kapa'ina lau faagauai emia auga epipalagai, iifa faunina Iesu fouga epapea efoufa'a papiau ma'o kelogo auga, pau anina laani oi ega'ina fouga fologo laoma.

Filipi 1:16

Ke alo'i felogai Iesu fouga keinogonia au'i, alo'i ko'agai lau aniu keani kainai kekapa. Ke isa lau tipulai laague auga iifa faunina Iesu fouga iina faoge puo Deo lau inae tipulai epaaguisau auga kelogo.

Filipi 1:27

Ke kapa'ina fegama mo ganinagai, emi laomai auga iifa faunina Iesu Kristo fouga kapa'ina eifania auga mo fokapa. Ega aisama lau faafai faisami, o lau egae laa'i, foumi mo falogo mo ganinagai kai, lau alalogo oi alomi aga'omogai agoapa kapula, ke papiau aga'omo koa agomia kaimialao iifa faunina Iesu Kristo fouga puogai agoakekua kapula.

Filipi 1:5

Gome iifa faunina Iesu fouga opako'ania mo kinagai, oi lau opalagainiau iifa faunina Iesu Kristo fouga aifafoua mo emai pau kina.

Filipi 1:7

Lau alou ko'agai oi animi laani kainai, oi eemiai ega laopola oma auga ekainia. Gome lau pau tipulai laague, o iifa faunina Iesu Kristo fouga iina laogeisa ke fouga ko'a mo auga laifafoua, ega koa Deo ega gafegafe oi ma'oai fou kai'alao aafiia.

Filipi 4:2

Ke oi papie aumi Euodia, ke Sintik aunimi lagoinimi Lopia Iesu fou omia kainai, ainami aga'omo femia laoma.

Kolose 1:7

Ke oi ega'ina laoga maina Epafras lai fou Deo ega pinauga akapa auga eegai omaleleaina. Isa i'a fau'aisai alo ko'agai Iesu Kristo ega pinauga ekapa, ke lai alomai ko'agai isa anina aani auga.

Revelation 13:8

Ke agofa'ai keague au'i ma'oai a'o ega'ina akeau afagaina. Ega'ina papiau'i ma'oai aka'i auga, ufainagai Deo agofa'a aepagama koa kai, papiau agu pagai maunina fekeafia eoma pukagai aka'i aepapua'i au'i. Ke puka ega'ina auga papiau Sipi Gauga keaupugua auga apuga.

Revelation 17:8

Ifeni koa i'opoga loisa auga ufainagai eagu kai, pau auga aeagu kai, muniai Abis alogai age'agaukae agemai, agelao isa fekeauoka afe'aina auga afugai agekoko. Ke agofa'a papiau'i ifeni koa i'opoga ega'ina akeisa aisama, akeopofua. Gome isa ufainagai eagu, ke pau auga aeagu kai, muni agemai pugu. Papiau akeopofua au'i auga, aka'i Deo agofa'a epagama mo alogai, agu pagai maunina fekeafia eoma pukagai aka'i akepapua au'i.

Revelation 20:12

Ke lau papiau ma'oai, au akaiki'a'i ke e'ele'i au'i kemae au'i Isa ega aguagu afuga agogai keapa, ke Isa agogai puka keega keka laisa'i. Ke puka i'oina aga'o isafa kepaega eka. Ega'ina puka auga papiau agu pagai maunina fepeni'i auga puka. Ke kemae au'i auga isa kapa'ina kekapai'i au'i fou'i pukai kepapua'i koa i'opoga mo, afa ega koa keafiia.

Revelation 20:15

Ke aufalao aga'o aka Deo papiau agu pagai maunina fekeafia eoma pukagai laa'i auga, keafiia lo ofugaga akaiki'a alogai kepiulaisa.

Revelation 21:27

Kai ofu kapa'i aga'omo ganinagai, ega'ina taonina alogai afaekoko. Ke kaisau Deo gua kepakupua kapa'i ekapa'i auga, ke epifoge auga isafa ega'ina taoninai afaekoko. Kai kaisau aka'i Sipi Gauga mauni epipeni auga pukagai kepapua au'i mo egae akekoko.

Revelation 3:5

Kaisau ega pako'ai laomai apala'i agepalutini'i auga, ega'ina au'i koa i'opoga, ega laomai felo auga, afe tiapuga keloga koa i'opoga agei'iuka. Ke lau isa aka agu pagai maunina feafia auga pukagai kepapua auga afala'ina. Kai lau Amau, ke ega agelo fou ago'iai isa aka alaifafoua.