Filipi 4:1 - Mauni Mamaga Iifaga

¹ Ega puo aau akiu Kristiano papiaumi, alou ko'agai animi laani aumi ke alafai maoma maisami laoma aumi ke ekefa'auagai, oi auga lau e'u alogama ke puomiai Deo lau afa felo agepeniau puo, oi Lopia fou oagu alogai, oi emi pako'ai foapa kapula laoma.

Filipi 4:1 Iomraidhean Croise

Mateo 10:22

Ke lau akau puogai papiau ma'oai alo'i ko'agai oi animi afakeani kai, kaisau agekapula lau agepako'aniau mo agelao fuagai auga kania ageisagamau.

Ioane 8:31

Egae kai Iesu Iudea papiau'i isa kepako'ania au'i epaini'i einaka, “Oi lau e'u pamalele agoafi inokania koa aisama, oi lau e'u imoi ko'ami.

Acts 11:23

Ke isa elao Antiok taoninai aisama, Deo ega gafegafe akaiki'a isa isafa epenii'i eisa, ke alo egama alogaina. Ke magogo kapula epenii'i, ma'oai alo'i gua'i fofougai Lopia fekepako'ania fekeagu felo faefuafua eoma.

Acts 14:22

Ke ega'ina taoni'iai kekoko aisama, pako'a papiau'i magogo kapula kepenii'i, Deo fekepako'ania ega iifai fekeagu felo keoma. Ke kepaini'i keinaka, “Deo ega agofa'ai amakoko aoma koa aisama, kina ma'o Iesu faugai papiau akeafi apalani'a, agakiekie kakaua kai, Deo ega agofa'ai agakoko agekaina,” keoma.

Acts 2:42

Ke pako'a papiau'i fofougai, kina ma'oai alo'i ko'agai apostolo e'i pamalele kai'iai kepea aefuafua. Ke isa alo'i aga'omogai kekaigugu Deo keau afagaina. Ke Iesu ega mae keopolaga, la'afouai fou kai'ialao keaniani ke kemegamega.

Roma 2:7

Ke papiau laomai felo kekapa alogai, isa Deo au akaiki'a akepamia, akeau afagaina, ke alo'i akeafiapia mo kapa'ina akeka aoniamo kapa'i akekapuni'i au'i, Deo isa agu pagai maunina agepeni'i.

1 Korinto 15:58

Ega kainai aau akiu Kristiano papiaumi animi laani alogaina aumi, oi emi pako'ai foapa inoka, ke kapa aga'o faepakaagainimi. Ke ifomi imaaumi Deo fopa'a penia, ke aufa kina Isa mo ega pinauga fokapa, gome oi ologo Lopia ega pinauga okapa auga, alokapa aagenia mo kai, pinauga ega'ina mai'afa.

1 Korinto 16:13

Oi aufa kina mo fofua foagu. Ke emi pako'ai foapa inoka alo kapula aumi fomia, ke ega'ina kapulagai foagu.

2 Korinto 1:14

Oi pau lai foumai afa'agamo ologo auga fofouga fologo afe'ai, ega koa Lopia Iesu agemai kinagai aisama, lai oi aina'aumi agapa'aua koa i'opoga, oi isafa lai aina'aumai fopa'aua laoma.

Kalatia 5:1

Ke Iesu Kristo i'a Moses ega iifa kai'iai fapea auga eegai epapealai'a kainai, i'a kala'afi koa Moses ega iifa papagai faagu alo opai au'a famia auga afaekaina. Ega puo oi ifomi alomi fopakapulania emi pako'ai foapa kapula, ega koa kai aga'o Moses ega iifai faegopeimi, ke kala'afi koa kai'iai fopea auga meauga faepenimi pugu.

Filipi 1:27

Ke kapa'ina fegama mo ganinagai, emi laomai auga iifa faunina Iesu Kristo fouga kapa'ina eifania auga mo fokapa. Ega aisama lau faafai faisami, o lau egae laa'i, foumi mo falogo mo ganinagai kai, lau alalogo oi alomi aga'omogai agoapa kapula, ke papiau aga'omo koa agomia kaimialao iifa faunina Iesu Kristo fouga puogai agoakekua kapula.

Filipi 1:8

Lau ega laifa oma, gome Iesu Kristo oi guakaemi ala epa'au oma koa i'opoga, lau oi ma'oai guakaemi ega lapa'au oma auga ko'a mo Deo eifafoua.

Filipi 2:16

Ke Deo ega iifa agu pagai maunina epipeni auga foafi inokania, ega koa Iesu Kristo agemai pugu kinagai aisama, lau alapiau aisoge aage mo, ke alaafipugu aage mo auga aina'auga fapa'aua laoma.

Filipi 2:26

Gome isa alafai gaoma oi ma'oai gaisami pugu eoma, ke isa eopopo alogaina, gome oi isa eisafa auga fouga ologo.

Kolose 4:12

Ke Epafras, oi emi papiau aga'o, ke Iesu Kristo ega pinauga ekapa auga, ega pamego iifa'i oi eemiai eulaisa. Isa aufa kina mo oi faumiai megamegai eafipugu, ega koa oi foapa kapula, alomi fekapula, Deo kapa'ina anina eani fokapa eoma auga fologo felo eoma.

1 Tesalonika 3:13

Ke Isa alomi kapulaga gapenimi, ega koa muni i'a a'a Lopia Iesu, ke papiau alo'i opaina au'i fou akemai aisama, oi i'a Ama'a Deo maagai laomai apala aga'o okapaisa auga puo faepenimi, ke alo opai aumi mo fomia aoma.

2 Tesalonika 2:15

Ega puo aamai akimai Kristiano aumi, emi pako'ai foapa inoka, ke pamalele apeniimi au'i akemaisai, o maleleai ma aifani'i au'i isafa ma'oai foafi inokani'i.

2 Timoti 2:1

Ega puo Timoti gauagai, oi aufa kina Iesu Kristo fou oagu aisama, ega gafegafe epakinaiso epalagainio. Ke isa ega gafegafeai, aufa kina alogai fokapula faefuafua.

Hibru 10:23

Ke Deo kapa'ina maa'aisai eifa ko'ania auga, ko'a ipauma agekapa paisa. Ega puo i'a kina apala'i agaafi'i alogai, isa i'a agepalagaini'a afia'amaga apako'ania aifafoua auga faafiapi kapulania.

Hibru 3:14

Iifa gome, i'a Iesu apako'ania mo aisama, pako'a ega'ina ko'a ipauma auga aafia, Iesu fou kai'alao aagu. I'a ega'ina pako'aga agaafiapi kapulania mo agelao fuagai aisama, Deo ega agofa'aiafugai, Iesu fou kai'alao agaagu.

Hibru 4:14

Ega puo i'a a'a Sakedote Lopia Fa'a akaiki'a e'agaukae elao ufai auga, Iesu Kristo Deo Gauga auga fau'aisai eague epinauga kainai, i'a a'a pako'a aifafoua auga faafi inokania.

2 Peto 3:17

Ega puo ekefa'auagai, oi ega'ina ologo efua kainai, oi ifomi fo'ima feloimi. Ega koa papiau Deo aina akeafia au'i e'i keleleai fakepapea me'eimi. Ke oi afumi oafi inokania auga afuga folopua'afuga.