Filipi 3:8 - Mauni Mamaga Iifaga

^8-9 Ke ega'ina kapa'i mo laa'i kai, lau e'u Lopia Iesu Kristo kapa ma'oai eka'egaini'i auga lalogo aisama, kapa ma'oai isafa kapa aga'o laa'i lapamia'i. Ke ega'ina kapa'i ama'ama lapamia'i, ega koa lau Iesu Kristo faafia alouai feagu, ke Iesu alouai eague auga papiau fekeisa. Ke lau Moses ega iifa muninai lapea kainai, alou opaina aemia kai, Iesu Kristo lapako'ania kainai, alo opai au lamia. Ke alo opai ega'ina auga Deo eegai emai, ke pako'ai isafa emai.

Filipi 3:8 Iomraidhean Croise

Luka 1:43

Kai kapa puo lau papie akaiki'au koa i'opoga lamia, e'u Lopia ina emai eisau?

Luka 11:20

Kai lau Deo ima isapugai tiapolo lapapealai'i koa aisama, Deo ega agofa'a emai oi eemiai efua.

Ioane 14:20

Ke ega kinagai Deo ega Spiritu ageake penimi aisama, lau Amau alogai laague, ke oi lau alouai oague, ke lau oi alomiai laague auga agologo.

Ioane 14:7

Oi lau amologoniau koa aisama, lau Amau isafa fologo. Ke pau lau ologoniau ke oisau kainai, lau Amau isafa ologonia ke oisa,” eoma.

Ioane 16:3

Isa lau Amau ke lau fou akelogonimai puo, i'ina kapa'i oi faagamiai akekapa'i.

Ioane 17:3

Ke papiau agu pagai maunina kegaafia keoma auga iina koa; isa Oi ifomu mo Deo ipaumamu aumu fekelogonio, ke lau Iesu Kristo Oi loulaisau au isafa fekelogoniau looma.

Ioane 17:8

Gome Oi iifa lau lopeniiau au'i isa lapenii'i, ke isa ega'ina iifa'i keafii'i kai'iai kepea. Ke lau Oi eemuai lamai auga isa kelogo felo, ke Oi lau loulaisau auga kepako'ania.

Ioane 20:13

Ke agelo isa kepa'ani penia keinaka, “Papie, kapa puo loapepe?” keoma. Ke isa einaka, “Lau e'u Lopia keafiia kai kapai keogeisa auga alalogo,” eoma.

Ioane 20:28

Ega aisama Tomas Iesu epainia einaka, “E'u Lopia, e'u Deo,” eoma.

Acts 20:24

Kai lau ifou e'u agu maunina auga lau eeuai kapa aga'o laa'i koa lapamia. Ega koa lau alogamai e'u pinauga fapafua laoma. Ke Lopia Iesu pinauga epeniiau auga, iifa faunina Deo ega gafegafe fouga papiau maa'iai faifafou ko'ania eoma auga fapafua laoma.

Roma 8:18

Lau ega laifa oma, gome lau e'u opola auga pau kapa'ina kiekie'i apa'aua au'i, muni Deo isapu akaiki'a ke eaea i'a agepakinai'a auga kapa akaiki'a ipauma puo, ega'ina kiekie'i fou agaoge opo'i afaekaina.

1 Korinto 2:2

Gome lau oi fou aagu alogai, kapa ma'oai fa'agegeaini'i kai Iesu Kristo kolotiai emae, oi kaniami eagamauga auga mo fouga, alou ko'agai maamiai faifafoua laoma.

1 Korinto 9:10

Deo ega'ina iifaga eifania auga, i'a fau'aisai aeifania ma? Ko'a ipauma ega'ina iifaga auga i'a fau'aisai ipapua emia. Gome fani auga efani, ke au laiti faaga eau'ikia auga auni'i, ega'ina laitina afa akeania auga afia'amaga kepa'aua puo, e'i pinauga kekapa.

2 Korinto 4:4

Ke pau i'ina agofa'a deoga, ega'ina papiau'i Iesu akepako'ania au'i alo'i ekupunia maa'i epakimi'inia, ega koa iifa faunina Iesu Kristo, Deo iisagai emai auga, ega isapu ke eaea akaiki'a fouga eaea afakeisa.

2 Korinto 4:6

Gome Deo iina eifa oma, “uminagai eaea gagefalai,” eoma auga ega eaea lai alomaisai epagefauka. Ega koa Isa ega isapu ke eaea akaiki'a logo Iesu Kristo kua maagai eeaea auga, lai fepenimai eoma.

Kalatia 1:16

Ke Deo alo ko'agai anina eani, Gauga lau epakinaisau, ega koa lau Iudea papiau'i laa'i au'i maa'iai iifa faunina Iesu fouga faifafoua eoma. Ega kainai lau kapa'ina faifania auga fouga kai aga'o maauai aeifania alaifafoua.

Efesus 4:13

Ke iifi e'a ega'ina feuki mo felao, i'a ma'oai a'a pako'ai aga'omo famia, ke ma'oai aga'omo famia Deo Gauga oko falogo felo, ke a'a pako'ai faapao, ke Iesu Kristo alo opaina alakoa auga i'opoga mo faafia alo'a opaina ipauma femia eoma.

Filipi 1:1

Lau Paulo i'ina malelega lapapua. Ke lau Timoti aunimai auga Iesu Kristo ega pinauga ikapa aumai. Isa lau aunimai akamaisai i'ina malelega laulaisa oi Filipi taonina papiaumi Iesu Kristo fou omia kainai Deo ega papiau omia aumi, ke iifi e'a o'ima aumi ke opipalagai aumi fou eemi efai.

Filipi 3:10

Lau anina laani Kristo falogo, ke maeai emaunimue auga isapuga isafa falogo, ke ega kiekie gamuga faopo, ke isa lau fauai emae koa i'opoga, lau isafa isa faugai famae laoma.

Filipi 3:12

Kai lau ega'ina kapa'i ma'oai faagauai akemia koa, o lau alou opaina aemia koa. Kai lau launiaimoimo lalao paisa, ega koa Iesu Kristo lau eafiiau kinagai, isa lau kapa'ina faafia eoma auga faafia laoma.

Filipi 3:7

Kai lau ufainagai kapa'ina laopolaga felo'i laoma kai'iai lapea au'i, pau Iesu Kristo faugai ega'ina kapa'i auga kapa aga'o laa'i lapamia'i.

2 Timoti 4:6

Kai lau e'u pinauga auga lapafua efua. Iifa gome lau auga a'o keaupugu'i Deo kepa'a penia koa lamia puo, akeaupuguisau alamae. Kai lau gaika alamae auga alalogo kai, lau lalogo auga, e'u mae kina emai efua.

Hibru 3:14

Iifa gome, i'a Iesu apako'ania mo aisama, pako'a ega'ina ko'a ipauma auga aafia, Iesu fou kai'alao aagu. I'a ega'ina pako'aga agaafiapi kapulania mo agelao fuagai aisama, Deo ega agofa'aiafugai, Iesu fou kai'alao agaagu.

1 Peto 2:7

Ega puo oi kepo ega'ina opako'ania aumi, kepo ega'ina oi eemiai auga kapa akaiki'a. Ega'ina auga Deo ega iifa pukagai iina eifa oma koa i'opoga mo emia: “E'a ipaapa au'i kepo keumakalaina auga, kepo ega'ina pau e'a ega'inagai kiuga uu'uga kapula ipauma emia,” eoma. Sam 118:22 Kai kaisau kepo ega'ina akepako'ania au'i fou'i Deo ega iifa pukagai iina eifa oma. Ega'ina kepo auga: “Kepo aga'o papiau e'i keaga ekaisapua ife'i ke'anina auga, ke fopa aga'o papiau epa'ualai'i auga,” eoma. Aisaea 8:14 Deo ega iifa pukagai eifania koa i'opoga, isa ega'ina kepogai ife'i ke'anina, gome isa Deo ega iifa muninai akepea. Ega'ina auga Deo isa fau'iai kapa'ina ekapaisa ekae auga, isa faaga'iai emia.

2 Peto 1:2

Lau lamegamega ega koa oi Deo, ke i'a a'a Lopia Iesu Kristo fou ologo felo'i auga faagagai, Deo ega gafegafe akaiki'a ke gagao fou fepenimi akaiki'a femia felaoaina laoma.

2 Peto 1:3

Ke Deo ifo ega isapu akaiki'a ipaumagai i'a a'a agu alogai, i'a Isa alogo felo auga kainai, kapa ma'oai ani'i aani au'i epenii'a, ega koa Isa anina eani auga agugai faagu eoma. Ke Deo auga Isa ifo ega isapu, eaea akaiki'a, ke ega felo fou i'a faafia eoma puo eifani'a.

2 Peto 1:8

Gome oi i'ina lao'i mai'i alomiai agepogu koa aisama, ega'ina lao'i mai'i akepalagai feloimi, ke faagamiai kapa felo'i mo akepagama'i, oi i'a a'a Lopia Iesu Kristo agologo felo.

2 Peto 3:18

Kai oi i'a a'a Lopia, ke kania'a eagamauga Auga Iesu Kristo ega gafegafe akaiki'a ke logoai fouki. Lau lamegamega ega koa oi isa isapu akaiki'a, ke eaea akaiki'a auga pau fopamia ke aoniamo ega koa fokapa laoma. Amen.

1 Ioane 1:3

Ke lai kapa'ina aisa, ke a'o alogonia auga pau oi maamiai aifafoua. Ega koa oi isafa lai fou aga'omo famia aoma. Ke lai auga Ama'a Deo, ke Gauga Iesu Kristo fou aga'omo amia.

1 Ioane 2:19

Ke Iesu ega ou au'i ega'ina au'i, i'a ee'aisai kepealai kelao mo ganinagai, isa auga i'a fou laa'i. Gome i'a isa fou amamia koa aisama, isa i'a fou faagu mo. Kai isa kelao auga, isa i'a fou laa'i auga epakinai'a.

1 Ioane 5:20

Ke Deo Gauga emai agofa'ai ikifa epenii'a, ega koa Deo ko'a auga isafa alogo. Ke pau i'a auga Deo ko'a auga, ke Gauga Iesu Kristo fou e'i papiau. Ke Iesu Kristo ega'ina auga, Deo ko'a, ke agu pagai maunina gome auga.