Filipi 3:5 - Mauni Mamaga Iifaga

⁵ Lau lamauni kina imagea oiso aisama, ega'ina gouga faagauai kekapaisa. Ke lau auga Israel papiau aga'o, ke Israel ikupu'i aga'o aka Benjamin ikupuga au. Ke lau Hibru au ko'a ipaumau, ke Moses ega iifa kainai auga, lau Faliseo au aga'o.

Filipi 3:5 Iomraidhean Croise

Luka 1:59

Ke imoi emauni kina imagea kuagai oiso aisama, Iudea papiau'i e'i kagakaga kainai, imoi kelaoaina maguaega faaga iifalaina gouga faagagai kekapaisa. Ke imoi ama akagai kegapafaala Sakaraia kegaoma keoma.

Luka 2:21

Imoi ega'ina emauni kina imagea oiso aisama, Iudea papiau'i e'i kagakaga kainai, au maguae'i faaga iifalaina gouga kina emai ekainia aisama, imoi faagagai ega'ina gouga kekapaisa. Ke Maria guagai imoi aegama koa kai, agelo imoi aka epeniia auga kepeniia kepafaala Iesu keoma.

Luka 5:38

Ega kainai fino mamaga auga fino pute mamagai fouka, ega koa auni'i kai'ialao afakelifu.

Acts 22:3

Ke Paulo isa epaini'i pugu einaka, “Lau Iudea au, Tarsus taonina, Silisia agogai lamauni kai, lamai inae Ierusaleme taoninai lafa'a. Egae kai lau pamalele auga au akaiki'a aka Kamaliel epamaleleniau. Isa lau i'a ufu'a apa'a Moses ega iifa ma'oai fofougai epamaleleniau. Ega puo pau inae ma'oai oapae koa i'opoga mo, lau isafa alou ko'a ipaumagai Deo ega iifa kainai lapea.

Acts 23:6

Ega'ina alogai Paulo iifa ipakaina e'a alogai papiau isa'i Saduseo ikupuga au'i, ke isa'i Faliseo ikupuga au'i eisa'i. Ega aisama Paulo eagaga einaka, “Aau akiu, lau Faliseo au. Lau inau amau isafa Faliseo papiau'i. Lau inae iifa lapakaisa, gome Deo papiau maeai agepamaunimue'i auga lapako'ania la'ima,” eoma.

Acts 6:1

Ega'ina kina'iai Iesu kepako'ania papiau'i au'i ma'o emia elaoaina. Ega aisama Iudea papiau'i Grik malagai kenini'ani au'i, ke Hibru mala ipaumagai kenini'ani au'i, epo'iai akekua emia. Hibru mala papiau'i kina ma'oai fo'ama kefakeisa aisama, Grik mala afuafu'i akeopolani'i akepeni'i puo, Grik mala papiau'i keifa mugumugu.

Roma 11:1

Ega koa aisama, lau lapa'ani pugu. Deo isa ega papiau, Israel papiau'i eumakalaini'i efua ma? Laa'i! Gome lau ifou isafa Israel papiau'i aga'o. Lau Abraham okogai lamai, ke lau Israel ikupu'i epo'iai ikupu aka Benjamin keoma auga ikupuga au.

2 Korinto 11:22

Ke isa Hibru au'i ma? Lau isafa Hibru au. Ke isa Israel papiau'i ma? Lau isafa Israel au. Ke isa Abraham ufuga apa ma? Lau isafa Abraham ufuga apa.