Filipi 3:3 - Mauni Mamaga Iifaga

³ Gome i'a auga papiau maguae'i faaga iifalaina emia auga gouga ko'a ipauma auga aafiia. Ega'ina auga i'a Deo ega Spirituai Deo aau afagaina, ke Iesu Kristo fou amia kainai aaina'au kai, faaga'aisai kapa'ina kekapaisa auga alapako'ania.

Filipi 3:3 Iomraidhean Croise

Roma 1:9

Lau ega laifa oma, gome lau aufa kina e'u megamegai oi ala laopola omaimi auga Deo ko'a mo eoma. Lau iifa faunina Deo Gauga Iesu Kristo fouga lainogonia alogai, alou ko'agai Isa faugai lapinauga. Ke lau lamegamega ega koa pau fuagai Deo ega logoai keaga fepaagalaisa oi eemi faafai laoma.

Roma 15:17

Ega puo lau Iesu Kristo fou amia kainai, lau Deo faugai lapinauga auga aina'auga lapa'aua.

Roma 7:6

Kai pau auga, Moses ega iifa ufainagai egopei'a auga eegai amae, ke papagai apealai. Ega koa i'a Deo ega Spiritu ega keaga mamagai aapauka apinauga. Kai keaga ufaina, Moses ega iifa papiau fouga kepapua auga keagagai alaapa alapinauga.

Roma 8:15

Lau ega laifa oma, gome oi auga, laomai apala ega kala'afi koa fomia, Deo oi afa apala agepenimi auga, mani'ina fopa'aua pugu auga spirituga aloafia. Kai oi Spiritu Deo gauga epamiaimi auga Spirituga oafiia. Ke Spiritu ega'inagai i'a aagaga, “Abba, Amamai,” aoma.

Roma 9:6

Ega mo ganinagai, Israel papiau'i Iesu akepako'ania puo, Deo ega pako'a iifaga isa ee'iai ekapaisa auga ko'a aemia alaoma. Gome Israel papiau'i keoma'i au'i ma'oai epo'iai isa'i mo Deo ega papiau kemia.

2 Korinto 11:18

Ke papiau ma'o papiau aumauni ala keaina'au oma koa keaina'au kainai, lau isafa alaaina'au.

Kalatia 5:25

Ke i'a Deo ega Spiritu kapa'ina eifania auga mo agugai aagu kainai, Deo ega Spiritu fou kai'alao falao famai.

Kalatia 6:16

Ke papiau mauni mamaga ega'ina keafia au'i fau'iai alou ko'agai Deo lamegamega penia, ega koa Deo ega gagao fepeni'i, ke gua'i feania laoma. Ke lamegamega ega koa papiau ma'oai Isa ega papiau kemia au'i isafa ega gagao fepeni'i, ke gua'i feania laoma.

Efesus 6:18

Ke emi megamegai kapa i'oi'i i'oi'i megamega'i fopa'aua ke fogoi kapulania. Ke agomegamega alogai, Deo ega Spiritu kapa'ina epalogonimi faugai amomegamega eoma auga mo faugai fomegamega faefuafua. Ke ega'ina minomiai ekaega kai, aufa kina fofua foagu, ke Deo ega papiau ma'oai isafa fau'iai fomegamega faefuafua.

Filipi 1:1

Lau Paulo i'ina malelega lapapua. Ke lau Timoti aunimai auga Iesu Kristo ega pinauga ikapa aumai. Isa lau aunimai akamaisai i'ina malelega laulaisa oi Filipi taonina papiaumi Iesu Kristo fou omia kainai Deo ega papiau omia aumi, ke iifi e'a o'ima aumi ke opipalagai aumi fou eemi efai.

Filipi 3:12

Kai lau ega'ina kapa'i ma'oai faagauai akemia koa, o lau alou opaina aemia koa. Kai lau launiaimoimo lalao paisa, ega koa Iesu Kristo lau eafiiau kinagai, isa lau kapa'ina faafia eoma auga faafia laoma.

Filipi 3:14

Ke Iesu Kristo kainai Deo lau eifaniau, ke lau opou fofougai Deo kapa'ina ufai alaafia eoma auga eega lalao, ega koa ega'ina afa faafia laoma.

Kolose 2:11

Ke oi ologo koa i'opoga, kaisau maguae'i faaga iifalaina emia au'i Deo ega papiau kemia. Ke oi Iesu opako'ania kainai, maguaemi iifalaina laoga maina faagamiai emia efua. Kai oi auga papiau ima'iai au aga'o maguaega faaga iifalaina emia auga koa i'opoga faagamiai aemia kai, oi Iesu opako'ania aisama, ega'ina laoga maina ko'a ipauma auga faagamiai ekapaisa. Ega koa ekapaisa, oi papiau aumauni laoga maina apala ega kagakaga kai'iai fopea auga kagakaga'i ee'iai epapealaimi.

Jude 1:20

Kai ekefa'auagai, oi emi pako'a kapa akaiki'a ipauma Deo anina eani koa i'opoga, alomi ko'agai ega'ina pako'aga foafiapia, ke ega'ina pako'agai fouki, ke emi megamegai Deo ega Spiritu kapa'ina epalogonimi auga mo megamega fopa'aua.