Filipi 3:2 - Mauni Mamaga Iifaga

² Ke maami fogoa kaisau amu'e koa kekagakaga, laomai apala'i kekapa'i, au maguae'i faaga iifalaina gamia paisa keoma au'i foisa felo'i.

Filipi 3:2 Iomraidhean Croise

Mateo 24:10

Ega'ina agemia kinagai, papiau ma'o e'i pako'a akepua'afuga, ke isa ifo'i mo epo'iai aga'o aga'o ake'afa'afalaini'i, ke alo'i ko'agai ani'i afakeani.

Mateo 7:15

Ke Iesu eifa pugu einaka, “Profeta pifoge'i eemi kefai au'i foisa felo'i. Isa faaga'i afe auga sipi koa i'opoga kai alo'i auga, ago alo amu'e'i a'i'i koa i'opo'i.

Mateo 7:6

“Ke Deo maagai kapa'ina elolofa ooma ooge me'e auga, oafia amu'e folopeni'i. Ke kapa aga'o afa akaiki'agai o'afa auga oafia uma folopiu peni'i. Kai ega agokapa oma koa aisama, uma kapa felo ega'ina auga ife'iai akegafamu'a kai, ake'afoaipini oi eemi akefai ake'i'iokaimi,” eoma.

Roma 2:28

Gome au aga'o alo laagai mo Iudea auga emia, o faagagai mo maguaega faaga iifalaina emia koa aisama, isa auga Iudea papiauga laa'i ke Deo isafa ega papiau ko'a laa'i.

2 Korinto 11:13

Gome papiau ega koa'i au'i apostolo fogefoge'i, ke pinauga pifoge au'i. Ke isa apostolo ko'a'i laa'i kai, keafi kagakaga Iesu Kristo ega apostolo koa kemia.

Kalatia 5:13

Aau akiu Kristiano papiaumi, Deo eifalaimi Moses ega iifa papagai epapealaimi ega papiau epamiaimi. Kai oi alomiai foloopolaga papiau aumauni e'i laomai apala auga agokapa agekaina folooma. Kai pau auga oi alomi ko'agai aga'o aga'o animi foani. Ke animi agoani alogai, alomi ko'agai aga'o aga'o fopalagainimi.

Kalatia 5:15

Kai a'o a'i'i ifo'i mo kepiaga aisama, faaga'i kea kanini'i, ke ifo'i ke'i'ini'i koa i'opoga agokapa aisama, foisa felo, o laa'i koa aisama, ifomi mo agoauoka afe'ainimi.

Kalatia 5:6

Gome Iesu Kristo apako'ania aisama, au kapa maguaega faaga iifalaina emia, o aemia mo ganinagai, Deo maagai auga kapa aga'o laa'i. Kai kapa akaiki'a auga, oi emi pako'a fofouga Iesu Kristo mo eegai fooge. Ke alomi ko'agai papiau isafa ani'i foani.

Filipi 3:19

Ega'ina papiau'i e'i agu fuagai auga, kapa ma'oai kelifu afe'ai afugai akeagu aoniamo. Ke isa gua'i alogai kapa'ina anina keani auga isa e'i deo kepamia muninai kepea. Ke isa kapa isa'i meagai'i fekepa'au'i au'i aina'au'i kepa'au'i. Ke isa opo'iai auga aagoa kapa'i mo keopolani'i.

Filipi 3:3

Gome i'a auga papiau maguae'i faaga iifalaina emia auga gouga ko'a ipauma auga aafiia. Ega'ina auga i'a Deo ega Spirituai Deo aau afagaina, ke Iesu Kristo fou amia kainai aaina'au kai, faaga'aisai kapa'ina kekapaisa auga alapako'ania.

1 Timoti 1:19

I'ina alokapa aisama, Deo ega iifa alomu ko'agai fopako'ania, ke Deo maagai kapa'ina apala auga folokapa kai felo mo fokapa. Kai papiau isa'i Deo maagai kapa'ina felo mo fekekapa auga keumakalaina, Deo akepako'ania kai pifoge pamalele'i mo kepako'ani'i. Ega koa kekapa puo, kapa aga'o ee'iai laa'i kai pifoge pamalele'i mo ee'iai kekae. Ega'ina auga a'uai lonti fopai e'animu'a, amu ma'oai kekogo afe'ai kapa aga'o aeka koa i'opoga, isa e'i pako'a auga ekani okaoka.

Taitus 1:16

Isa keifa Deo kelogonia keoma kai e'i laomaisai auga Deo kepuniaiaina. Ega koa kekapa puo, e'i laomaisai Deo gua kepakupua, ke Deo aina akeafia. Ega kainai isa Deo maagai kapa felo aga'o akekapa afaekaina.

2 Peto 2:22

Ke isa fou'i paikifa iifaga alogai iina keifa oma auga ko'a: “Amu'e emue elao, kapa'ina eugalaisa auga eania,” ke “Uma kepauepia efua auga, emue elao ougoai e'ougo pugu,” keoma

Jude 1:4

Gome au isa'i ufainagai Deo ega iifa pukagai fou'i kepapua, Deo isa afa apala agepeni'i keoma au'i, pau ogefakeai kefai oi epomiai kekoko. Isa auga Deo aina kainai akepea, ke i'a a'a Deo ega gafegafe keafi aipopo, ega'ina gafegafegai amage koa lao'i mai'i apala'i kekapa'i, ke i'a a'a Lopia aga'omo Isapu Akaiki'a Gome Auga, Iesu Kristo kepuniaiaina.

Revelation 2:9

Lau oi emu kiekie ke ulalu fou lalogo. Kai lau laopolaga oi pa'amu'amu aumu laoma. Papiau isa'i ifo'i Iudea papiau'i keoma'i au'i, oi eemuai keifa apala auga lalogo. Isa auga Iudea papiau'i laa'i kai, Satani ega la'afou papiau'i.

Revelation 21:8

Kai kemani'i au'i, pako'a laa'i au'i, Deo gua kepakupua au'i, auau au'i, amage koa lao'i mai'i kekapa'i au'i, ugauga au'i, deo pifoge'i keau afagaini'i au'i, ke pifoge au'i ma'oai auga afu'i, mulamula laofaga isapuga ipauma ofugaga akaiki'a auga,” eoma.

Revelation 22:15

Kai papiau ugauga kekapa au'i, amage koa lao'i mai'i kekapa'i au'i, auau au'i, deo pifoge'i keau afagaini'i au'i, ke pifoge anina keani ke kekapa'i au'i ma'oai auga taoni ega'ina afegai keague. Ega'ina papiau'i auga amu'e koa i'opo'i.

Revelation 3:9

Satani ega la'afou papiau'i isa'i, Iudea papiau'i laa'i kai kepifoge ifo'i Iudea papiau'i keoma'i au'i oi alapenio. Moisa, lau isa alapapea'i ega koa akefai oi ifemu fo'inai fekeomukipo, ke lau alou ko'agai oi animu laani auga isa fekelogo laoma.