Filipi 3:11 - Mauni Mamaga Iifaga

¹¹ Ke ega koa fakapa afekaina koa aisama, Iesu emae emaunimue koa i'opoga, lau isafa maeai famaunimue laoma.

Filipi 3:11 Iomraidhean Croise

Luka 14:14

Ega alokapa oma aisama, isa oi imamu afa afakeoge mo ganinagai, Deo eegai kapa felo'i oi agepenio, ke pako'a papiau'i Deo maagai alo'i opaina kemia au'i akemaunimue kinagai afa felo aloafia,” eoma.

Ioane 11:24

Ke Marta einaka, “Lau lalogo kina fuagai papiau ma'oai maeai akemaunimue aisama, isa isafa agemaunimue,” eoma.

Acts 23:6

Ega'ina alogai Paulo iifa ipakaina e'a alogai papiau isa'i Saduseo ikupuga au'i, ke isa'i Faliseo ikupuga au'i eisa'i. Ega aisama Paulo eagaga einaka, “Aau akiu, lau Faliseo au. Lau inau amau isafa Faliseo papiau'i. Lau inae iifa lapakaisa, gome Deo papiau maeai agepamaunimue'i auga lapako'ania la'ima,” eoma.

Acts 27:12

Ke ‘Ufapo Felo Ipaumagai’ faagu, inipo aupu felao fefua auga aekainia. Ega puo papiau ma'o iifa kepaapa keafia'ama, lontiai falao, Feniks ufapogai, egae faagu inipo aupu fepagai keoma. Feniks ufapoga auga Krete keleipuagai eka, apie South-west elao, ke apie auga North-west elao.

Roma 11:14

Lau ega lakapa oma auga, lau ifou e'u papiau Deo Iudea papiau'i laa'i au'i kania'i eagamauga auga fekeisa fekepikupa, ega koa isa Iudea papiau'i laa'i au'i koa kegamia akeoma aisama, Deo isa epo'iai papiau isa'i kania'i feagamauga laoma.

1 Korinto 15:23

Kai ma'oai aua mo a'a kina maagai agamaunimue. Kai Iesu Kristo auga eufai emaunimue efua. Ke agemue agemai pugu aisama, kaisau isa kepako'ania kainai, apuga kemia au'i isafa akemaunimue.

1 Korinto 9:22

Ke lau papiau e'i pako'ai keapoke au'i ee'i lalao aisama, isa fala'a pagaini'i laoma puo isa koa lakagakaga, ifou apoke au koa lapamiaisau. Ke kapa ma'oai la'opo afe'aini'i, ega koa afekaina koa aisama, papiau isa'i fala'a pagaini'i Iesu fekepako'ania, ke kania'i feisagamau laoma.

1 Korinto 9:27

Ke lau imaau ae'imaisau kai, lau imaau la'ima e'u kala'afi lapamia, ega koa papiau ma'oai maa'iai iifa faunina Iesu fouga alainogonia afegai, Deo lau afa fepeniau eoma auga fepeniau laoma.

2 Korinto 11:3

Kai ufainagai kaapa ega pifoge ikifagai Efa efogeisa koa i'opoga, kapa aga'o afemia alomi ko'agai ke alomi opainai Iesu Kristo muninai opea auga keagagai afepapea me'eimi i'oina afolao auga mani'ina lapa'aua.

1 Tesalonika 3:5

Ega kainai lau oi ala oagu oma auga fouga alalogo epo emaefa aisama, faagu auga aekainia. Ega puo Timoti laulaisa efai ega koa oi Iesu opako'ania paisa ma auga malogo laoma. Lau ega koa lakapaisa auga, i'opo papiauga afefai keaga aga'ogai afe'opoimi, ke lai egae emai pinauga akapaisa auga, kapa aga'o laa'i afemia auga mani'ina lapa'aua puo ega lakapa oma.

2 Tesalonika 2:3

Ke oi aufalao aga'o kapa'ina feifania, o ala fenini'ani oma mo ganinagai faefogeimi. Gome ega'ina kina auga afaemai agelao papiau ma'o Deo anina afakeani akeumakalaina, ke laomai apala gome auga, Deo ega logoai isa ageauoka agepalifu afe'aina auga, ifo ageapafoki afegai kai, ega'ina kina agemai.

2 Timoti 4:8

Ke lau e'u pinauga lakapa felo auga afa felo Deo lau apu eoma auga agepeniau. Ke Lopia Iesu Kristo papiau e'i laomai afa epeni felo'i auga agemai papiau e'i laomai felo o apala afa agepeni'i aisama, isa lau e'u pinauga afa, ega'ina kinagai agepeniau. Ega'ina kinagai isa lau mo afa felo afaepeniau kai, papiau kapa'i alo'i ko'agai isa ega mai pugu ke'ima au'i isafa afa felo agepeni'i.

Hibru 11:35

Ke papie isa'i isafa gau'i kemae kai, Deo kepako'ania kainai, gau'i kemaunimue kemue ee'i kemai pugu. Papiau isa'i ega koa faaga'iai kemia. Kai papiau, pako'a papiau'i isa'i Deo fekepuniaiaina fakepako'ania keoma kai, isa fou fekepea fekeagu aage mo auga keumakalaina. Ega puo faaga'i kepakiekie alogaina fekemae koa i'opoga. Kai isa muni fekemaunimue agu felo fekeafia keoma puo, kepamafua Deo akemunia.

Revelation 20:5

Ega'ina auga maeai maunimue eufai auga. (Kai papiau isa'i kemae au'i auga, akemaunimue mo elao inipo 1000 efua afegai kai.)