Filipi 3:10 - Mauni Mamaga Iifaga

¹⁰ Lau anina laani Kristo falogo, ke maeai emaunimue auga isapuga isafa falogo, ke ega kiekie gamuga faopo, ke isa lau fauai emae koa i'opoga, lau isafa isa faugai famae laoma.

Filipi 3:10 Iomraidhean Croise

Mateo 20:23

Ega aisama Iesu isa epaini'i einaka, “Ko'a, oi lau e'u kaputiai kapa'ina alainu auga agoinu kai, kaiuai o lafaniuai foagu auga lau alakapa afaekaina. Ega'ina afuga auga lau Amau papiau kapa'i afu'i epafua ekae au'i agepeni'i,” eoma.

Ioane 10:18

Lau e'u mauni kai aga'o afaeafaniau kai, lau ifou lalogoainiau ega koa alakapa. Ke lau ifou imaau fapipeni auga isapuga eeuai ekae, ke faafimue pugu auga isafa isapuga eeuai ekae. Iifa kapulaga i'ina auga lau Amau eegai laafiia,” eoma.

Ioane 17:3

Ke papiau agu pagai maunina kegaafia keoma auga iina koa; isa Oi ifomu mo Deo ipaumamu aumu fekelogonio, ke lau Iesu Kristo Oi loulaisau au isafa fekelogoniau looma.

Roma 8:17

Ke i'a Deo gauga koa aisama, Deo gauga kapa'ina akeafia eoma auga, i'a isafa agaafia. Ke Deo kapa'ina Iesu Kristo apuga eoma auga isafa Iesu fou kai'alao agaafia. Gome Iesu Kristo kapa'ina kiekie epa'aua auga koa i'opoga, i'a a'a agu alogai ega agakiekie oma koa aisama, Deo isa isapu ke eaea akaiki'a epeniia auga, i'a isafa isa fou agaafia.

Roma 8:29

Gome Deo papiau elogoni'i efua au'i, feafi'i Isa Gauga Iesu Kristo koa iisagai fepalao'i eoma. Ega koa Iesu Kristo aaga akina ma'o fekemia, ke isa epo'iai Iesu Kristo auga fa'aniau femia eoma.

2 Korinto 1:10

Isa lai mae mauni epogai alao amai auga eegai kaniamai eagamauga, ke Isa muni lai kiekie ee'iai agepapealaimai paisa. Ke lai emai afia'ama auga, Isa aufa kina mo lai ega'ina kiekie'i ee'iai agepapealaimai afaefuafua aoma.

2 Korinto 1:5

Gome Iesu Kristo ala ekiekie oma auga kiekie'i alo'aisai epogu koa i'opoga, Deo Iesu Kristo faagagai i'a kina apala'i aafi'i au'i isafa ee'iai agepaamei'a afaefuafua.

2 Korinto 13:4

Gome iifa ko'a papiau aumauni e'i apoke kainai, isa kolotiai keau'u'ua emae. Kai Deo ega isapuai isa maeai epamaunimue pau eague aoniamo. Ega koa i'opoga mo, lai isafa isa faagagai aapoke kai, Deo ega isapuai agepakapulanimai, Iesu fou agaagu faumiai agapinauga.

Kalatia 2:20

Kai lau Iesu Kristo kolotiai emae auga muninai lapea. Ega'ina auga isa kolotiai emae koa i'opoga, lau isafa kolotiai lamae. Ke pau auga lau ifou kapa'ina makapa laoma auga alakapa kai, Iesu Kristo alouai eague auga, lau kapa'ina fakapa eoma auga mo lakapa. Isa lau aniu eani alogaina kainai aeumaka ifo imaauga Deo epa'a penia kolotiai emae, kaniau eagamauga. Ega puo pau agofa'ai laague alogai, isa Deo Gauga lau epalagainiau auga alou ko'agai lapako'ania.

Kalatia 6:17

Ke e'u nini'ani fuagai auga, kaisau lau keleleai opaapaukaisau aumi ainami lapalogo folokapa pugu laoma. Gome Iesu Kristo puogai Iudea papiau'i lau keafi apalaniau auga maka'i faagauai kekae. Ke maka ega'ina lau faagauai kekae auga, lau Iesu Kristo ega kala'afi auga fouga eifania.

Efesus 4:13

Ke iifi e'a ega'ina feuki mo felao, i'a ma'oai a'a pako'ai aga'omo famia, ke ma'oai aga'omo famia Deo Gauga oko falogo felo, ke a'a pako'ai faapao, ke Iesu Kristo alo opaina alakoa auga i'opoga mo faafia alo'a opaina ipauma femia eoma.

Filipi 3:8

Ke ega'ina kapa'i mo laa'i kai, lau e'u Lopia Iesu Kristo kapa ma'oai eka'egaini'i auga lalogo aisama, kapa ma'oai isafa kapa aga'o laa'i lapamia'i. Ke ega'ina kapa'i ama'ama lapamia'i, ega koa lau Iesu Kristo faafia alouai feagu, ke Iesu alouai eague auga papiau fekeisa. Ke lau Moses ega iifa muninai lapea kainai, alou opaina aemia kai, Iesu Kristo lapako'ania kainai, alo opai au lamia. Ke alo opai ega'ina auga Deo eegai emai, ke pako'ai isafa emai.

Kolose 1:24

Ke lau Deo Gauga puogai lakiekie kai, pau oi faumiai lakiekie auga alogama lapa'aua. Ke lau kiekie ega'ina laafi'i kai, lau isa imaauga, iifi e'a faugai lakiekie auga, isa ifo kiekie epa'aua kai kiekie ega'ina aefua koa auga, lau ifou faagauai ega'ina kiekie'i lapa'au'i.

Kolose 2:13

Ke oi Iudea aumi laa'i kainai, maguaemi faaga iifalaina aemia, ke laomai apala'i okapai'i. Ke oi ega koa okapai'i auga, oi Deo maagai omae efua koa i'opoga. Kai oi Iesu Kristo opako'ania aisama, Deo oi isafa Iesu fou kaimialao epamauni mueimi koa i'opoga. Ke Isa i'a a'a laomai apala'i ma'oai e'agegeaini'i.

Kolose 3:1

Ufainagai oi Iesu Kristo alopako'ania alogai, Deo agogai auga oi omae koa i'opoga. Kai pau oi Iesu Kristo opako'ania aisama, oi isa fou kaimialao maeai omaunimue koa i'opoga. Ke ega koa oi faagamiai emia koa aisama, oi ufai Iesu Kristo Ama'a Deo kaina kainai epaagua afugai amu kapa'i mo kekae au'i fokapuni'i.

1 Peto 1:3

Deo, i'a a'a Lopia Iesu Kristo Ama auga, tenkiu akaiki'a amapenia, ke amaau afagaina! Isa ega guani akaiki'a ipaumagai i'a mauni mamaga epenii'a. Ega koa i'a Iesu Kristo maeai emaunimue auga faagagai, afia'ama ageka aoniamo auga faafia eoma.

2 Peto 1:13

Lau i'ina agofa'agai imaau i'inagai e'a koa alogai laague alogai, lau oi kapa'ina alomiai ekae auga fapa'uegenia auga laopolaga felo laoma.

1 Ioane 2:3

Ke i'a Deo ega iifa kainai agapea koa aisama, agalogo i'a Deo alogonia.

1 Ioane 2:5

Kai aufalao aga'o Deo ega iifa kai'iai epea aisama, Deo papiau ani'i eani auga laoga maina isa alo epogu. Ega puo i'a ega koa agakapa aisama, agalogo i'a auga Deo fou aague.

Revelation 1:18

Lau auga Mauni Inagome au. Lau lamae kai lamaunimue laague aoniamo moisa. Ke papiau akemae, ke ipeli akelao auga isapuga lau eeuai ekae.