Filipi 3:1 - Mauni Mamaga Iifaga

¹ Aau akiu Kristiano papiaumi, e'u nini'aniai kapa isa'i fou'i alaifani'i pugu. Oi Lopia fou omia kainai eegai alomi fegama. Ke lau kapa'ina laifa kakau'i au'i i'opo'i mo fapapua'i eemi fefai pugu auga, lau eeuai opopo aga'o laa'i. Ke i'ina iifa'i oi emi pako'ai agepakaisapuimi.

Filipi 3:1 Iomraidhean Croise

Mateo 5:12

Ke foalogama alomi fegama alogaina, gome afa felo ufai ekae auga akaiki'a ipauma. Ufainagai oi alomai koa kai isa profeta isafa ega keafi apala oma'i.”

Luka 1:47

Ke Deo kaniau isagamauga Auga eegai alou egama alogaina.

Roma 5:11

Ega'ina mo laa'i kai, i'a a'a Lopia Iesu Kristo faagagai Deo i'a fou epo'aisai gagao emia. Deo ega koa ekapaisa kainai, i'a Deo fou aagu auga alogama amapa'aua.

2 Korinto 13:11

Aau akiu Kristiano papiaumi, e'u nini'ani fuagai oi ma'oai foagu felo laoma. Ke alomi opaina gamia auga uniaimoimoga fopa'aua. Ke ainau foafia kapa'ina lagoinimi fokapa laoma auga fokapa. Ke alomi aga'omo femia, ke ma'oai gagaoai foagu. Ega koa aisama, Deo alo ko'agai papiau ani'i eani, ke gagao gome auga, oi fou agoagu.

Efesus 6:10

Ke aau akiu Kristiano papiaumi, pau nini'ani fuagai auga, oi Lopia fou omia faagagai ega isapu akaiki'agai fokapula.

Filipi 3:3

Gome i'a auga papiau maguae'i faaga iifalaina emia auga gouga ko'a ipauma auga aafiia. Ega'ina auga i'a Deo ega Spirituai Deo aau afagaina, ke Iesu Kristo fou amia kainai aaina'au kai, faaga'aisai kapa'ina kekapaisa auga alapako'ania.

Filipi 4:4

Ke oi auga Lopia fou omia kainai, aufa kina alomi gagama. Ke lapainimi pugu, alomi gagama!

Filipi 4:8

Aau akiu Kristiano papiaumi, nini'ani ega'ina laifani'i au'i fuagai, ina'ina mo alaifania. Kapa'ina ko'a, kapa'ina akaiki'a, kapa'ina opaina, kapa'ina ofu faagagai laa'i kai felo ipauma auga, kapa'ina papiau keisa anina keani auga, kapa'ina papiau keisa felo ipauma keoma auga, ke kapa'ina papiau keifagaina auga, oi opomi i'ina kapa'i mo ee'iai fooge.

1 Tesalonika 4:1

Aau akiu Kristiano papiaumi, emai nini'ani fuagai auga, lai oi ala foagu oma, ega koa Deo alo fopagama auga maamiai aifania, ke iifa ko'a oi ega'ina agugai oague. Ke pau auga, lai Lopia Iesu akagai agoi penimi, ke apaini kapulanimi Deo alo fopagama kapa'i au'i ma'o ma'o mo fokapa'i aoma.

1 Tesalonika 5:16

Ke oi aufa kina alomi gamagai mo folao fomai.

James 1:2

Aau akiu pako'a papiaumi, i'opo i'oi'i i'oi'i eemi akefai aisama, emi pako'a ageuki pugu auga foopolaga, alomi fegama alogaina.

1 Peto 3:8

Ke nini'ani ega'ina laifani'i fuagai auga, oi ma'oai aga'o aga'o alomi aga'omo femia. Ke aga'o aga'o emi kiekie fopua'i. Ke aami akimi koa alomi ko'agai aga'o aga'o animi foani. Ke aga'o aga'o guami foania, ke ifomi e'elemi fopamiaimi.

1 Peto 4:13

Kai Iesu Kristo ekiekie auga kiekiegai oi isafa okiekie auga alogama fopa'aua. Ega koa isa ega isapu ke eaea akaiki'a agepafokia aisama, oi alomi alogama fepogu laoma.

2 Peto 3:1

Ekefa'auagai, i'ina auga lau malele gua lapapua eemi efai auga. Lau malele aga'o lapapua kakaua auga, ke i'ina fou lapapua'i auga, oi fekepaopolanimi, alomiai laomai felo'i mo fekepa'uegeni'i foopolani'i laoma.