Filipi 2:9 - Mauni Mamaga Iifaga

⁹ Ega kainai Deo isa eafiia afu au'oni ipaumagai epaagua. Ke aka isafa aka ma'oai laa'iai auga aka epeniia.

Filipi 2:9 Iomraidhean Croise

Mateo 11:27

“Lau Amau kapa ma'oai lau imauai epaaua. Ke kai aga'o Gauga aelogonia kai Ama auga mo Gauga elogonia. Ke kai aga'o Ama aelogonia kai, Gauga auga mo Ama elogonia. Ke Gauga Ama kaisau fepakina'i eoma au'i mo, Ama kaisau auga epalogoni'i.

Mateo 28:18

Ega aisama Iesu emai ee'iai eapa kai epaini'i einaka, “Deo, ufai ke aagoai isapu ma'oai lau epeniiau.

Luka 10:22

Iesu Ama Deo eau afagaina efua aisama, eifa pugu einaka, “Lau Amau kapa ma'oai lau imauai epaaua. Ke kai aga'o Gauga kaisau auga aelogo kai, Ama auga mo elogo. Ke kai aga'o Ama kaisau auga aelogo kai, Gauga auga mo elogo. Ke Gauga kaisau ekinani'i au'i mo Ama kaisau auga epalogoni'i.”

Ioane 13:3

Iesu isa Ama kapa ma'oai isa ega isapu papagai epamia'i e'ima'i auga elogo. Ke isa Deo eegai emai ke agemue Deo eega agelao pugu auga isafa elogo.

Ioane 17:11

Lau Oi eemu lafai puo, agofa'ai afalaagu mo afaelao kai isa auga i'ina agofa'agai akeagu mo agelao. Ega puo Amau, Alo lolofa Aumu, Oi akamu isapuga lau lopeniau auga isapugai isa kapa apala'i ee'iai mopakaisapu'i, ega koa Oi lau fou aga'omo amia koa i'opoga, isa isafa aga'omo kegamia laoma.

Ioane 17:12

Lau isa fou aague alogai lau aka lopeniau auga isapugai isa kapa apala'i ee'iai lapakaisapu'i ke kania'i laagamauga. Ke isa epo'iai kai aga'o aegea kai Oi emu iifa ko'a femia kainai au ipeliai emai auga mo egea.

Ioane 17:5

Ke Amau, agofa'a aegama koa kai lau Oi fou aagu kinagai emu akaiki'a, ke emu isapu fou aafiia. Ke pau Oi loague agomuai emu akaiki'a, ke emu isapu ega'ina fou mopakina'i laoma.

Acts 5:31

Israel papiau'i e'i laomai apala'i fekeumakalaini'i auga Deo anina eani alogaina. Egae kai Deo isa e'i laomai apala age'agegeaini'i eoma. Ega puo Deo Iesu ufai e'agauaina kaina kainai epaagua, Lopia isapuga epeniia, ke kania'a isagamauga Lopiaga epamia.

Efesus 1:10

Deo ega koa ekapaisa, ega koa Isa kina epaapa auga kina agekaina aisama, kapa ma'oai ufai kekae au'i, ke aagoai kekae au'i fou femaiseini'i kania aga'omo, Iesu Kristo papagai fekemia eoma.

Kolose 1:18

Ke iifi e'a auga isa imaauga, ke isa auga iifi e'a ega'ina kaniagai. Ke kapa ma'oai auga isa faagagai ke'ina, ke eufai maeai emaunimue, ega koa isa kapa ma'oai feka'egaini'i ufaimaaga femia eoma.

2 Tesalonika 1:12

Ke lai ega amegamega oma, ega koa Ama'a Deo ke a'a Lopia Iesu Kristo fou e'i gafegafeai Lopia Iesu Kristo aka oi eemiai akaiki'a femia aoma. Ke oi Iesu fou oagu kainai, Iesu ega akaiki'a oi fou kaimialao foafia aoma.

Hibru 1:4

Iesu ega koa ekapaisa, agelo kekapa auga eka'egaina. Ega kainai isa aka Deo maagai akaiki'a ipauma, agelo aka'i eka'egaina.

Hibru 1:9

Oi laomai apala'i ani'i aloani kai alo opai lao'i mai'i mo alomu ko'agai ani'i loani alogaina. Ega kainai Lau Oi emu Deo, oi kin fomia laoma, oiliai kaniamu la'efaisa puo, alomu egama alogaina, ke agelo au'i epo'iai oi auga au akaiki'a ipaumamu lapamiaiso,” eoma. Sam 45:6-7

Hibru 12:2

Iesu auga i'a a'a pako'a inagome, ke Deo maagai alo'a opaina ipauma fepamiai'a auga. Kai Deo ega logoai muni alogama feafia eoma puogai, kolotiai emae kiekiega auga eafiapia mo, ke meagaina aepa'aua. Ke isa Deo eaguagu afuga kaina kainai eague. Ega kainai i'a a'a pako'a Iesu mo eegai faoge.

Hibru 2:9

Kai Deo ega gafegafe akaiki'agai Iesu i'a ma'oai fau'aisai fekiekie femae, ega koa mae gamuga ala koa auga feopo eoma. Ega puo epaake agelo papa'iai epamia kai isa egae mo aeagu epo aemaefa. Iesu i'a fau'aisai emae afegai, e'agaukae Deo kaina kainai eague Isa koa i'opoga epalopiania, ke ega isapu akaiki'a epeniia auga aisa.

1 Peto 3:22

Ke Iesu Kristo auga, e'agaukae elao ufai Deo kaina kainai eaguega. Ke agelo ke ufai isapu keafia au'i, ke ufai isapu ma'oai fou isa papagai kemia.

2 Peto 1:17

Gome Deo isapu, ke eaea akaiki'a ipauma Auga afugai, ufai aufalao aga'o aina eake emai Iesu epainia einaka, “I'ina auga lau Gau, alou ko'agai anina laani, ke isa eegai Lau alou egama alogaina,” eoma. Ega aisama Iesu i'a Ama'a Deo eegai au akaiki'a isapuga, ke isapu akaiki'a ke eaea fou eafii'i.

3 Ioane 1:7

Gome isa Iesu aka kainai kepealai kepinauga mo ganinagai, Iesu akepako'ania papiau'i ee'iai pipalagai aga'o akeafia.

Revelation 1:5

Ke Iesu Kristo alo ko'agai Deo faugai ko'a mo eifafoua, ke eufai maeai emaunimue auga, ke i'ina agofa'a kini'i elopialaini'i auga isafa gafegafe akaiki'a, ke gagao fou fepenimi foagu felo laoma. Isa auga alo ko'agai i'a ani'a eani, ke ifagai i'a a'a laomai apala'i ee'iai epapealai'a.

Revelation 11:15

Egae kai agelo imagea gua auga ega fi'i eipinia. Ega aisama ufai papiau ma'o koa aina'i akaiki'a eake emai eifa einaka: “Kapa'ina i'ina agofa'a apuga auga, i'a a'a Lopia ke ega Kristo fou apu'i emia. Ke Lopia ega'ina afuga age'ima aoniamo,” eoma.

Revelation 19:16

Ke afe tiapugai, ke a'agagai isa aka iina kepapua oma: KIN MA'OAI E'I KIN, KE LOPIA MA'OAI E'I LOPIA.

Revelation 3:21

Kaisau ega pako'ai laomai apala'i agepalutini'i auga, lau isa isapu alapenia fou kaimaisalao e'u aguagu afugai agaagu. Ega'ina auga lau laomai apala'i lapalutini'i, Amau ega aguagu afugai laaguega koa i'opoga mo agemia.

Revelation 5:12

Ke agelo ega'ina au'i keagaga keinaka: “Sipi Gauga keaupugua auga, isapu, pa'amu'amu, ikifa ke kapula feafia auga ekainia. Ke papiau isa kepalopiania, ke au akaiki'a kepamia, ke keifagaina auga ekainia!”