Filipi 2:8 - Mauni Mamaga Iifaga

⁸ Ke isa papiau aumauni iisa'iai egama eapakina peni'a. Isa ifo e'ele epamia, ke Deo aina eafiia mo elao ega maeai. Ke kolotiai femae eoma mo ganinagai, aina eafiia kolotiai emae.

Filipi 2:8 Iomraidhean Croise

Mateo 17:2

Egae isa au'i oiso ago'iai Iesu eponi. Ke kua maaga auga kina eaga eaea koa emia, ke afe tiapuga auga eeaea ekelo alogaina, eaea keloga koa i'opoga emia.

Mateo 26:39

Egae kai isa epua'afuni'i elao afa'agamo aakai kai, e'ualai a'isaai eomu kipo kai, emegamega einaka, “Amau, afekaina koa aisama, i'ina kiekie kaputina eeuai moafi'aua. Kai lau anina laani auga faeikapa kai, oi anina loani auga gaikapa,” eoma.

Mateo 26:42

Egae kai emue kai, emegamega pugu einaka, “Amau, i'ina kiekie kaputina afoloafi'aua alainu kai kiekie ega'ina agefua koa aisama, kapa'ina anina loani auga gaikapa laoma,” eoma.

Luka 9:29

Ke Iesu egae emegamega alogai, iisa i'oina emia, ke ega tiapu kimage eafi eaea koa i'opoga emia.

Ioane 10:18

Lau e'u mauni kai aga'o afaeafaniau kai, lau ifou lalogoainiau ega koa alakapa. Ke lau ifou imaau fapipeni auga isapuga eeuai ekae, ke faafimue pugu auga isafa isapuga eeuai ekae. Iifa kapulaga i'ina auga lau Amau eegai laafiia,” eoma.

Ioane 14:31

Kai lau Amau anina laani, ke lau Amau kapa'ina fakapa eoma auga i'opoga mo lakapa auga agofa'a felogo laoma,” eoma. Iesu ega'ina iifa'i eifani'i efua aisama, ega imoi epaini'i einaka, “Omai, i'ina afuga amapua'afuga alao,” eoma.

Ioane 15:10

Ke lau Amau kapa'ina fakapa eoma eifa kapula peniau auga kai'iai lapea kainai, lau Isa alo ko'agai aniu eani auga laoga maina alogai laague, ke Isa alo ko'agai lau aniu eani. Ega koa i'opoga oi lau kapa'ina fokapa laoma auga kai'iai mo agopea koa aisama, oi lau alou ko'agai animi laani auga agugai agoagu.

Ioane 4:34

Kai Iesu isa kapa'ina keifania auga elogo puo eifa einaka, “Lau e'u fo'ama auga lau eulaisau auga kapa'ina anina eani auga fakapa ke ega pinauga fapafua.

Acts 8:33

Iifa ipakainai papiau isa kepameagaina, pifoge keifania, iifa ipakaina ko'agai akepea. Agofa'ai papiau isa kepamaea efua, kai aga'o aeagu puo, kai aga'o isa okogai akemai au'i fou'i ageifania afaekaina.” Aisaea 53:7-8

Roma 5:19

Gome Adamo ifogamo Deo aina aeafia faagagai, papiau aumauni ma'oai apala ikapa au'i kemia. Ega koa i'opoga, Iesu Kristo isafa ifogamo Deo aina eafiia faagagai, Deo papiau ma'o Isa maagai alo opai au'i agepamia'i.

2 Korinto 8:9

Gome oi i'a a'a Lopia Iesu Kristo ega gafegafe akaiki'a auga ologo. Ega'ina auga isa gafegafe eegai epa'amu'amu alogaina mo ganinagai, oi faumiai ulalu auga emia. Ega koa isa ega ulaluai oi pa'amu'amu aumi fomia eoma.

Kalatia 3:13

Kai i'a Moses ega iifa ma'oai kai'iai agapea afaekaina, ke ma'oai kai'iai afalapea. Ega mo ganinagai Isa i'a aoniamo afa apala aepeni'a kai, a'a laomai apala afa Iesu epeniia, isa kolotiai emae afa'a eogeisa. Gome kolotiai kemae au'i fou'i Deo ega iifa pukagai iina kepapua oma: “Kaisau kolotiai emae auga, Deo isa ega laomai apala afa epenia aoniamo.”

Taitus 2:14

Ke Iesu Kristo, i'a a'ima auga anina eani i'a alo'a ofuga feiku'i, i'a isa ifo ega papiau ipauma'a famia, ke alo'a ko'agai laomai felo'i mo Deo maagai fakapa'i eoma. Ega kainai isa ifo imaauga elogoaina fau'aisai emae, a'a laomai apala'i ma'oai afa'i eogei'i.

Hibru 12:2

Iesu auga i'a a'a pako'a inagome, ke Deo maagai alo'a opaina ipauma fepamiai'a auga. Kai Deo ega logoai muni alogama feafia eoma puogai, kolotiai emae kiekiega auga eafiapia mo, ke meagaina aepa'aua. Ke isa Deo eaguagu afuga kaina kainai eague. Ega kainai i'a a'a pako'a Iesu mo eegai faoge.

Hibru 12:4

Kai papiau laomai apala'i kekapa au'i oi Iesu fomunia, isa fou laomai apala'i fokapa'i keoma. Kai oi isa aina'i aloafia kainai keafi apalanimi. Kai oi founiaimoimo laomai apala'i ega'ina foumakalaini'i felao faagamiai ifa aga'o feake fomae auga aekainia.

1 Peto 2:24

Isa ifo imaaugai kolotiai i'a a'a laomai apala'i epuai'i. Ega koa i'a laomai apala'i ee'iai famae kai, alo opai agugai faagu eoma. Ke isa faaga keau kanini'i auga kainai oi Deo maagai felomi omia.

1 Peto 3:18

Gome Iesu Kristo alo opaina auga, oi alomi opaina laa'i aumi emi laomai apala'i fau'iai emae aga'onia mo, ega koa isa oi Deo eega felaoainimi eoma. Isa imaauga auga keaupugua kai, Deo ega Spiritu ega isapuai isa emaunimue pugu.