Filipi 2:7 - Mauni Mamaga Iifaga

⁷ Kai ifo kapa aga'o laa'i koa epamia, papiau aumauni imaau'i eafiia, ke ifo pinauga au'i aga'o koa epamia.

Filipi 2:7 Iomraidhean Croise

Mateo 12:18

“Amoisa! Lau e'u pinauga auga lakinaga auga inamo'e, Lau alou ko'agai isa anina laani, ke eegai alou egama alogaina. Lau e'u Spiritu isa alapenia, ke isa agofa'a papiau'i e'i laomai felo, o apala auga fouga maa'iai ageifafoua.

Mateo 20:28

Ke Papiau Aumauni Gauga isafa papiau isa ega pinauga fekekapa eoma aemai kai, fepalagaini'i ifo imaauga fepipeni papiau ma'o e'i laomai apala'i afa'i feoge eoma puo emai.”

Mako 9:12

Ke isa einaka, “Elaija femai kaukau auga iifa ko'a, ke kapa ma'oai fepa'uegeni'i pugu. Kai kapa puo Papiau Aumauni Gauga kapa ma'o mo fau'iai fekiekie alogaina, ke papiau isa fekeumakalaina auga profeta Deo ega iifa pukagai kepapua?

Luka 22:27

Amoisa! I'ina papiau'i epo'iai kaisau auga au akaiki'a ooma? Eagukipo eaniani auga, o fo'ama e'ea auga? Iifa gome eagukipo eaniani auga au akaiki'a. Kai lau oi epomiai fo'ama i'ea auga koa i'opoga lamia oi faumiai lapinauga.

Ioane 1:14

Iifa ega'ina papiau aumauni emia emai aagoai epo'aisai eagu. I'a isa ega eaea ke ega isapu akaiki'a aisa. Ega'ina eaea ke isapuga akaiki'a auga Ama Deo Gauga aga'omo mo auga eegai emai. Ke isa gafegafe akaiki'a alo epogu ke Deo ega iifa ko'a ipauma auga.

Roma 1:3

Ega'ina puka alogai Deo Gauga fouga eifania. Ke ega'ina auga papiau aumauni aga'o Davide okogai agemai auga fouga eifania.

Roma 15:3

Gome Deo ega iifa pukagai Iesu Kristo fouga iina kepapua oma: “Kaisau oi eemiai keifa apala au'i e'i iifa apala'i lau faagauai kemia.” Iifa ega'ina koa i'opoga Iesu Kristo ganinagai, ifo alo aepagama.

Roma 15:8

Gome lau lapainimi, Iesu Kristo Deo ega iifa ko'a auga faugai Iudea papiau'i e'i pinauga auga emia. Ega koa Deo Iudea papiau'i ufu'i apa'i maa'iai iifa kapula ekapaisa auga ko'a fepamia eoma.

Roma 8:3

Gome i'a papiau aumauni a'a laomai apala kainai Moses ega iifa ega isapuai kapa'ina fekapa aekainia auga Deo ekapaisa. Ega'ina auga Isa ifo Gauga papiau aumauni a'a laomai apala au'a iisa'aisai eulaisa emai, laomai apala'i fau'iai ifo imaauga Deo fepa'a penia eoma. Ke ega kainai Deo papiau e'i laomai apala kainai afa fekemae eoma auga Iesu Kristo epeniia.

2 Korinto 13:4

Gome iifa ko'a papiau aumauni e'i apoke kainai, isa kolotiai keau'u'ua emae. Kai Deo ega isapuai isa maeai epamaunimue pau eague aoniamo. Ega koa i'opoga mo, lai isafa isa faagagai aapoke kai, Deo ega isapuai agepakapulanimai, Iesu fou agaagu faumiai agapinauga.

2 Korinto 8:9

Gome oi i'a a'a Lopia Iesu Kristo ega gafegafe akaiki'a auga ologo. Ega'ina auga isa gafegafe eegai epa'amu'amu alogaina mo ganinagai, oi faumiai ulalu auga emia. Ega koa isa ega ulaluai oi pa'amu'amu aumi fomia eoma.

Kalatia 4:4

Kai Deo kina epaapa auga kina ekainia aisama, Gauga eulaisa emai i'ina agofa'agai. Ke papiau ma'oai ina'i gua'iai kemauni koa i'opoga, isa isafa ina guagai emauni. Ke isa Iudea papiau'i koa, Moses ega iifa papagai emauni.

Filipi 2:6

Isa auga Ama Deo ala koa auga i'opoga mo. Ega mo ganinagai isa ifo fepa'agaua Deo auni'i i'opo'i mo fekemia auga opolaga aeafia, ke isa ifo ega isapuai kapa ma'oai feafi afe'aini'i auga isafa opolaga aeafia.

Hibru 12:2

Iesu auga i'a a'a pako'a inagome, ke Deo maagai alo'a opaina ipauma fepamiai'a auga. Kai Deo ega logoai muni alogama feafia eoma puogai, kolotiai emae kiekiega auga eafiapia mo, ke meagaina aepa'aua. Ke isa Deo eaguagu afuga kaina kainai eague. Ega kainai i'a a'a pako'a Iesu mo eegai faoge.

Hibru 13:3

Ke pako'a papiau'i tipulai keague au'i, oi isafa egae isa fou oaguega okiekie koa i'opoga auga foopolaga. Ke pako'a papiau'i keafi apalani'i au'i, oi ifomi isafa isa fou keafi apalanimi koa i'opoga auga foopolaga.

Hibru 4:15

Gome Iesu aagoai eagu alogai, isa i'a koa i'opo'a papiau aumauni emia. Ke i'opo ma'oai i'a aafi'i au'i i'opo'i mo eafii'i. Ega mo ganinagai, isa laomai apala aga'o aekapaisa.