Filipi 2:6 - Mauni Mamaga Iifaga

⁶ Isa auga Ama Deo ala koa auga i'opoga mo. Ega mo ganinagai isa ifo fepa'agaua Deo auni'i i'opo'i mo fekemia auga opolaga aeafia, ke isa ifo ega isapuai kapa ma'oai feafi afe'aini'i auga isafa opolaga aeafia.

Filipi 2:6 Iomraidhean Croise

Mateo 1:23

Ega'ina kapa'i aga'o auga fouga profeta Aisaea iina epapua oma: “Ifiao agu'a faaga fofouga, au aga'o fou akefeufeu auga, ageinae imoi maguaega agepamauga. Ke papiau isa aka Immanuel akeoma.” Immanuel i'a mala'aisai auga, “Deo i'a fou aague,” auga eifania.

Ioane 1:18

Ke kai aga'o Deo aeisaisa kai, Deo Gauga aga'omo, ifo isafa Deo, ke Ama kaina kainai eague auga Ama kaisau auga i'a epalogoni'a.

Ioane 10:30

Gome lau ke lau Amau fou aga'omomai.”

Ioane 10:33

Kai Iudea papiau'i iifa kepamue keinaka, “Lai ega'ina mirakulo'i puo'iai amafounio alaoma. Kai oi papiau aumauni mainimu kai, ifomu Deo loomaiso auga, Deo eegai loifa apala puo amafounio aoma,” keoma.

Ioane 10:38

Kai lau Amau ekapa auga lakapa koa aisama, oi lau afolopako'aniau mo ganinagai, mirakulo lakapa'i au'i fopako'ani'i, ega koa Amau lau alouai eague, ke lau Isa alogai laague auga agologo felo afaefuafua,” eoma.

Ioane 14:28

“Lau alalao ke alamue eemi alamai auga fouga laifania ainau ologonia. Oi alomi ko'agai lau aniu oani koa aisama, lau Amau eka'egainiau auga eega alalao puo alogama fopa'aua.

Ioane 14:9

Ke Iesu einaka, “Filip, pau laa'i epomiai fou alao amai mo ganinagai, oi lau alologoniau koa ma? Kaisau lau eisau auga Amau isafa eisa. Ega puo kapa puo Amau mapakinaimi looma?

Ioane 17:5

Ke Amau, agofa'a aegama koa kai lau Oi fou aagu kinagai emu akaiki'a, ke emu isapu fou aafiia. Ke pau Oi loague agomuai emu akaiki'a, ke emu isapu ega'ina fou mopakina'i laoma.

Ioane 20:28

Ega aisama Tomas Iesu epainia einaka, “E'u Lopia, e'u Deo,” eoma.

Ioane 5:18

Ega'ina kainai Iudea papiau'i guakupuai keuniaimoimo keaga aga'o kekapunia isa kegaaupugua keoma. Gome isa Moses ega iifa kainai Deo isau afagaina kinagai papiau pinauga aga'o fakekapa eoma auga mo iifaga aeaupea kai, Deo isafa eifaga isa Ama eoma. Ega koa ekapaisa Deo auga isa fou i'opo'i mo epamia.

Ioane 5:23

Ega koa papiau ma'oai Ama au akaiki'a kepamia koa i'opoga, Gauga isafa au akaiki'a fekepamia eoma. Kai kaisau Gauga au akaiki'a aepamia auga Ama, Gauga eulaisa auga au akaiki'a aepamia.

Roma 9:5

Isa auga Abraham, ufuga apa fou oko'iai kemai au'i. Ke Iesu Kristo papiau aumauni emia auga, isa oko'iai emai. Ke isa auga Deo kapa ma'oai eka'egaini'i auga, amaau afagaina aoniamo. Amen.

2 Korinto 4:4

Ke pau i'ina agofa'a deoga, ega'ina papiau'i Iesu akepako'ania au'i alo'i ekupunia maa'i epakimi'inia, ega koa iifa faunina Iesu Kristo, Deo iisagai emai auga, ega isapu ke eaea akaiki'a fouga eaea afakeisa.

2 Korinto 8:9

Gome oi i'a a'a Lopia Iesu Kristo ega gafegafe akaiki'a auga ologo. Ega'ina auga isa gafegafe eegai epa'amu'amu alogaina mo ganinagai, oi faumiai ulalu auga emia. Ega koa isa ega ulaluai oi pa'amu'amu aumi fomia eoma.

1 Timoti 1:17

Deo Iesu eulaisa iina koa ekapaisa puo, iifa gome Isa Kin ipauma. Ke Isa mauni gome auga kainai afaemaemae. Isa papiau aumauni maa'aisai afalaisa kai Isa ifogamo Deo ipauma. Lau alou ko'agai ke guau fofougai lamegamega ega koa i'a Deo akaiki'a fapamia ke faau afagaina faefuafua laoma. Amen.

1 Timoti 3:16

Ke i'ina iifaga kapula ipauma: Deo papiau aumauni ipauma emia, aagoai eake papiau epo'iai elao emai, Isa Deo ipauma auga epakinai'i. Ega'ina auga Iesu Kristo. Isa isafa Deo Gauga auga agelo papiau epakina'i. Isa Deo maagai alo opai auga, Deo ega Spiritu papiau epakina'i. Pau Deo isa ufai e'agauaina, Deo ega isapu akaiki'a afugai ekoko, kaina kainai fou keague. Papiau i'ina iifaga Iesu fouga keifafoua. Ke agofa'ai papiau isa kepako'ania. Ufainagai i'ina iifaga papiau akelogo felo kai, pau Deo papiau epakina'i. Ke Deo maagai i'a ala faau afagai oma, ke ala faagu oma a'a laomai felo femia auga epakinai'a. Papiau ma'oai i'ina iifaga kapula ipauma puo, alo'i ko'agai fekepako'ania, ke kai aga'o agepuniai afaekaina.

Hibru 1:3

Deo Gauga auga Deo iisa i'opoga mo, ke Deo ega Akaiki'a ala koa auga Gauga faagagai aisa. Ke Deo eifa mo aagoa ufa fou kegama. Iesu pau ega'ina isapugai kapa ma'oai eafiapi'i e'ima'i. Isa emai fau'aisai emae, a'a laomai apala'i eikui'i kai ufai e'agaukae, au'oniai Au Akaiki'a eagu afuga kaina kainai eague.

Hibru 1:6

Kai Deo Gauga fa'aniauga gamaiseina agofa'ai eoma aisama, isa faagagai kapa'ina agemia auga fouga ega iifa pukagai iina eifa oma: “Lau Deo e'u agelo ma'oai isa kegaau afagaina,” eoma. Deuteronomy 32:43

Hibru 1:8

Kai Deo Isa Gauga auga fouga ega iifa pukagai iina eifa oma: “Deo, Oi emu isapuai afu lo'ima'i au'i ma'oai afakefuafua akeka aoniamo, Oi Alomu opaina ipaumagai emu agofa'a lo'ima.

Hibru 13:8

Iifa gome Iesu ega'ina isa kepako'ania auga i'opoga mo, faai pau, ke aoniamo eague.

Revelation 21:6

Ke Isa lau epainiau pugu einaka, “Kapa ma'oai lakapai'i efua. Lau Alfa, ke Omeka. La'ina, ke Fua au. Kaisau aiso ekupu auga, lau isa fei gome mauni mamaga epipeni auga feina, afa laa'i, alapeni aagenia mo ageinu.