Filipi 2:4 - Mauni Mamaga Iifaga

⁴ Ke aga'o aga'o ifomi mo kapa'ina anina oani auga foloisa folokapa kai, papiau isa'i isafa kapa'ina anina keani auga foisa kai fokapa.

Filipi 2:4 Iomraidhean Croise

Mateo 18:6

“Kai kaisau i'ina imoina e'ele aga'o lau epako'aniau auga laomai apala agepakina agekapa koa aisama, felo auga isa aisogai fo'ama kepaikumu'a kepo akaiki'a feipaaukopa kai, a'u moaina ipaumagai fei'afolai fekogo,” eoma.

Roma 12:15

Ke papiau kapa'i alo'i egama au'i fou alomi fegama. Ke kapa'i keapepe au'i fou foapepe.

Roma 15:1

Ega koa aisama, i'a a'a pako'ai akapula au'a, kaisau e'i pako'a aekapula au'i, e'i apoke fapua fou kai'alao faagu. Kai i'a ifo'a mo alo'a falapagama.

1 Korinto 10:24

Ke oi ifomi mo emi agu felo foloopolaga kapa aga'o folokapa kai, aami akimi Kristiano papiau'i isafa e'i agu felo foopolaga kai, kapa aga'o fokapa.

2 Korinto 11:29

Ke kaisau eapoke kai lau ega'ina apokega gamuga alaopo? Ke kaisau laomai apala ekapa kai, lau ega'ina guakupuga guau alogai lo koa gamuga alaopo? Iifa gome lau ega'ina gamu'i ma'oai laoponi'i.

2 Korinto 6:3

Ke lai aufalao aga'o ife fe'anina fe'ualai auga kapa aga'o keagai alaoge, ega koa kai aga'o lai emai pinauga akapa apalania faeoma aoma.

Filipi 2:21

Gome papiau ma'oai auga isa ifo'i mo kapa'ina anina keani auga mo kainai kepea kai, Iesu Kristo kapa'ina anina eani auga kainai akepea.

James 2:8

Ega kainai papiau iisagai mo oisa folomaaga. Kai Deo ega iifa pukagai iina kepapua oma auga foopolaga: Kaisau oi fou oagu au'i, oi ifomu animu loani koa i'opoga, isa isafa alomu ko'agai ani'i foani. Deo ega iifa epo'iai i'ina iifaga auga akaiki'a ipauma, Deo ifo epenii'a fakapa eoma. Ega puo oi i'ina iifaga kainai agopea koa aisama, laomai felo ipauma agokapa.