Filipi 2:3 - Mauni Mamaga Iifaga

³ Ke oi ifomi mo foloopolanimi kapa aga'o folokapa, o ifomi foloau afagai aagenimi mo kai kapa aga'o folokapa. Kai ifomi e'elemi fopamiaimi kai, papiau isa'i oi keka'egainimi auga foopolaga.

Filipi 2:3 Iomraidhean Croise

Luka 18:14

Iesu palapole ega'ina eifania afegai, iina eifa oma einaka, “Iifa gome maamiai laifania. Kaisau ifo eau afagaina auga e'ele agemia. Ke kaisau ifo e'ele epamia auga akaiki'a agemia. Ega puo ega'ina au'i auni'i epo'iai tax eafia auga Deo maagai alo opaina emia emue ega e'a elao. Kai Faliseo auga auga Deo maagai alo opaina aemia,” eoma.

Roma 12:10

Ke Iesu Kristo akagai aami akimi ko'a ipaumami koa fopamiaimi, alomi ko'agai animi foani. Ke epomiai aga'o aga'o fopalopia kakaumi.

Roma 13:13

Ke kinai apea koa i'opoga, laomai felo'i isafa mo amakapa'i. Kai a'oa'o akaiki'a'i akapa'i, ke inuinu auga miamia'i falakapa'i. Ke papiau fou akeamage kai fou kefeu amage koa lao'i mai'i apala'i i'oi'i i'oi'i isafa falakapa'i. Ke ifo'a mo epo'aisai falaakekua, ke falapikupa.

Roma 2:8

Kai kaisau ifo'i mo keopolani'i, ke Deo ega iifa ko'a auga keumakalaina, ke Deo maagai laomai apala'i ipauma'i muni'iai kepea au'i, Deo ega guakupu akaiki'a ipauma akeafia.

1 Korinto 15:9

Gome apostolo epo'iai lau auga e'eleu ipaumau. Ke papiau lau apostolo fekeomaisau auga afaekaina, gome lau Deo ega iifi e'a papiau'i laafi apalani'i.

1 Korinto 3:3

Lau oi foumi ega laifa oma, gome oi auga agofa'a lao'i mai'i mo oapae okapa'i paisa. Oi epomiai piapu, ke akekua emia auga, oi agofa'a lao'i mai'i alokapa'i ma ooma? Ke oi papiau aumauni koa alokagakaga ma ooma?

2 Korinto 12:20

Gome lau oi eemi alafai aisama, anina laani oi ala fomia oma faisami laoma auga koa afolomia, ke oi anina oani lau ala famia oma foisau ooma auga koa afalamia afoloisau auga mani'ina lapa'aua. Ke lau e'u mani'i auga, lau oi epomiai, akekua, pikupa, guakupu, lo'u, pikafa, nini i'ani, kai aga'o gefa aloauga, ke kapa aga'o okogai mo alopakaisa afaisami laoma.

Kalatia 5:15

Kai a'o a'i'i ifo'i mo kepiaga aisama, faaga'i kea kanini'i, ke ifo'i ke'i'ini'i koa i'opoga agokapa aisama, foisa felo, o laa'i koa aisama, ifomi mo agoauoka afe'ainimi.

Kalatia 5:26

Ke ifo'a falaau afagaini'a, ke papiau isafa gua'i falapakupua. Ke papiau ee'iai falapikupa.

Efesus 4:2

Ke ega'ina agugai agoagu alogai, ifomi e'elemi ipaumami fopamiaimi, ke papiau ma'oai gagafe'i mo foafia. Ke kapa'ina eemiai fekemia fokiekie alogaina mo ganinagai, gamuga mo foopo foafiapia mo. Ke alomi ko'agai aga'o aga'o animi foani, ke ega'ina laoga mainai aga'o aga'o emi meau fopua.

Efesus 5:21

Ke oi Iesu Kristo omani'iaina, au akaiki'a opamia koa i'opoga, aga'o aga'o kapa'ina agoifania auga ainami foafia.

Filipi 2:14

Ke kapa ma'oai agokapa'i aisama, iifa folopalifua ke foloakekua.

Kolose 3:12

Ega puo oi auga Deo oi animi eani alogaina, ke ekinanimi ega papiau epamiaimi aumi, ke Isa maagai alo lolofa aumi omia koa i'opoga, oi guani ke gafegafe laoga maina, ke ifomi e'elemi fopamiaimi auga laoga maina, ke papiau gagafe'i mo foafia auga laoga maina, ke kapa'ina eemiai fekemia fokiekie alogaina mo ganinagai, gamuga mo foopo, foafiapia mo auga lao'i mai'i ma'oai tiapu koa fopamia'i foi'iuka'i.

Kolose 3:8

Kai pau auga oi ifomi emi laomai iina koa'i au'i ma'oai fopuake'i: guakupu, e'efa, alomi ko'agai papiau ani'i aga'o aloani auga laoga maina, papiau ma'oai ee'iai oifa apala, papiau okafa'i.

1 Timoti 6:4

I'ina auga kapa aga'o aelogo kai ifo eau afagaina elogo eoma. Isa ega pa'ani auga ko'a laa'i kai, aufa kina mo epa'ani aefuafua. Isa iifa ko'a auga aelogo kai papiau epaakekua aageni'i mo. Ega kainai papiau isa aina kelogo aisama, ifo'i mo epo'iai kepikupa, ifo'i keifa apala peni'i, ke opola apala'i keafi'i, ke kapa aga'o akepako'ania.

1 Peto 3:8

Ke nini'ani ega'ina laifani'i fuagai auga, oi ma'oai aga'o aga'o alomi aga'omo femia. Ke aga'o aga'o emi kiekie fopua'i. Ke aami akimi koa alomi ko'agai aga'o aga'o animi foani. Ke aga'o aga'o guami foania, ke ifomi e'elemi fopamiaimi.

1 Peto 5:5

Ke oi au agu'ami aumi isafa, oi iifi e'a au akaiki'a'i au'i aina'i foafia. Ke oi ma'oai auga ifomi e'elemi fopamiaimi laoga maina auga foafi inokania, papiau aga'o aga'o ee'iai fokapa. Gome “Deo kaisau ifo'i au akaiki'a'i kepamia'i au'i ee'iai eapa emuni. Kai kaisau ifo'i e'ele'i kepamia'i au'i ega gafegafe akaiki'a epeni'i.” Proverbs 3:34