Biblia Todo Logo
Bìoball air-loidhne

- Sanasan -




Filipi 2:16 - Mauni Mamaga Iifaga

16 Ke Deo ega iifa agu pagai maunina epipeni auga foafi inokania, ega koa Iesu Kristo agemai pugu kinagai aisama, lau alapiau aisoge aage mo, ke alaafipugu aage mo auga aina'auga fapa'aua laoma.

Faic an caibideil Dèan lethbhreac




Filipi 2:16
24 Iomraidhean Croise  

Ke kapa'ina uminagai maamiai laifania auga, kinai foifafoua, ke kapa'ina ainamiai laifa kekefa mo auga, ofaofai foapa foifafoua.


Iesu ega'ina eifani'i efua aisama, epaini'i pugu einaka, “Iifa gome maamiai laifania. Kaisau papiau maa'iai eifa isa lau e'u imoi eoma auga, lau isafa muni Deo ega agelo ago'iai isa lau Papiau Aumauni Gauga au, e'u imoi alaoma.


Deo ega Spiritu auga mauni mamaga epipeni. Kai agofa'ai papiau aumauni imaauga auga kapa aga'o afaepagama. Ke iifa oi maamiai laifani'i au'i Deo ega Spiritu ega iifa, ke ega'ina iifa'i mauni mamaga kepipeni.


Kai Saimon Peto keoma auga einaka, “Lopia, lai kai eega agalao? Agu pagai iifa'i oi eemuai kekae.


“Aau akiu, Abraham okogai omai aumi, ke Iudea papiaumi laa'i kai Deo oau afagaina, ega iifa kainai opea aumi, Deo i'a kania'a isagamauga iifaga eulaisa oi eemi emai.


Ke Deo oi agepakapulanimi kainai, Iesu agopako'ania mo agelao kina fuagai, ega koa Iesu Kristo agemai pugu aisama, oi kapa apala aga'o okapaisa auga puo afaepenimi.


Ega puo lau auga, au aga'o kapa aga'o afaeafia kai, epipalau aage mo koa alakapa kai, e'u pipalau ega'ina fua laisa. Ega koa i'opoga mo, lau au aga'o epipaini aisama, ima e'afo aagenia mo koa alakapa kai, pipaini okogai mo lapakaisa.


Oi pau lai foumai afa'agamo ologo auga fofouga fologo afe'ai, ega koa Lopia Iesu agemai kinagai aisama, lai oi aina'aumi agapa'aua koa i'opoga, oi isafa lai aina'aumai fopa'aua laoma.


Ke lau ega lalao auga kai aga'o aepainiau malao aeoma kai, Deo ifo lau epalogoniau ega falao eoma puo lalao. Ke lalao egae alogai, papiau keopolaga iifi e'a au akaiki'a'i keoma au'i mo maa'iai lau Iudea papiau'i laa'i au'i maa'iai iifa faunina Iesu fouga lainogonia auga, ogefakeai isa mo maa'iai laifafoua. Gome aufalao aga'o i'ina fouga afelogo aisama, e'u pinauga lakapa kakaua auga, ke pau lakapa auga fou ani'i afaeani puo afekaisapua, ke e'u pinauga ega'ina auga kapa aga'o laa'i koa afemia auga mani'ina lapa'aua. Ega kainai ega lakapa oma.


Lau oi kapa ma'oai maamiai laifa ofakae felo alogaina. Kai pau oi kapa'ina okapa auga laisa lamani'i, gome e'u pinauga egae lakapaisa auga lakapa aagenia mo koa laisa.


Ega koa kapa'ina felo auga foisa fologo, ke alomi felolofa, ke kapa apala aga'o folokapa, puo foloafia mo felao Iesu Kristo femai pugu kinagai kai laoma.


Ke Deo oi eemiai pinauga felo e'inaisa auga, eemiai pinauga ega'ina agekapa mo agelao Iesu Kristo agemai pugu kinagai aisama, pinauga ega'ina agefua auga lau alou ko'agai lapako'ania.


Gome lai emai afia'ama kapa'ina, ke emai alogama kapa'ina, ke kapa'ina felo akapaisa, ega koa muni Deo eegai afa felo agaafia, ke i'a a'a Lopia Iesu Kristo agemai aisama againa'au? Ega'ina auga oi laa'i ma? E, ega'ina auga oi paisa.


Ega kainai lau oi ala oagu oma auga fouga alalogo epo emaefa aisama, faagu auga aekainia. Ega puo Timoti laulaisa efai ega koa oi Iesu opako'ania paisa ma auga malogo laoma. Lau ega koa lakapaisa auga, i'opo papiauga afefai keaga aga'ogai afe'opoimi, ke lai egae emai pinauga akapaisa auga, kapa aga'o laa'i afemia auga mani'ina lapa'aua puo ega lakapa oma.


Gome Deo ega iifa auga papiau aumauni e'i iifa koa laa'i. Deo ega iifa auga maaga maunina ekae epinauga. Ega'ina iifaga auga ifani a'ifaga maaga apie apie eako auga eka'egaina. Ega puo isa papiau aumauni imaau'i, unia'i, ke gua'i alo fofouga, ke lalau'i isafa alo'iai ekoko. Egae e'i laomai ala koa, ke gua'i alogai kapa'ina keopolaga auga felo, o apala auga epafokia.


Gome oi mauni mamaga oafiia auga, au oga emae auga faagagai aloafia. Kai Deo ega iifa, au oga maaga mauni ekae afaemaemae, ageka aoniamo auga faagagai mauni mamaga oafiia.


Ufainagai aagoa ufa fou akegama koa kai, aufalao aga'o agu pagai maunina iifaga epipeni auga eagu. Isa eake emai agofa'ai aisama, lai i'ina iifaga isa eegai a'o alogonia, ke ifomai maamaisai aisa. Ke ifomai imamaisai isafa isa aafi opogaina. Pau lai ega'ina auga fouga aifafoua.


Ke Deo ega Spiritu, ke ifiao Sipi Gauga ageakafania auga fou keifa keinaka, “Mai,” keoma. Ke kaisau aina epaaua isa aina'i elogo auga feifa, “Mai,” feoma. Ke kaisau aiso ekupu auga femai. Ke kaisau anina eani auga, femai fei mauni epipeni auga afa laa'i, feafi aagenia mo.


Lean sinn:

Sanasan


Sanasan