Filipi 2:12 - Mauni Mamaga Iifaga

¹² Ega puo ekefa'auagai, lau egae oi fou aagu alogai kapa'ina lapamalelenimi auga aufa kina ainau oafiia kai, pau lau egae laa'i ganinagai ainau oafi alogaina aefua koa i'opoga, oi maimani'imi mo, ke maipigugumi mo Deo kaniami ageagamauga auga pinaugaga fokapa faefua.

Filipi 2:12 Iomraidhean Croise

Mateo 11:12

Ke Ioane Baptista Deo ega iifa eifafoua mo emai pau i'ina kina alogai lau iifa faunina Deo ega agofa'a fouga papiau maa'iai laifafoua. Ke papiau kefa'i'i keuniaimoimo, Deo ega agofa'ai kegakoko keoma au'i ega'ina afuga keafia.

Mateo 11:29

Lau alou gagafe, ke lau ifou e'eleu lapamiaisau puo, lau fou alao alogai eeuai fomalele. Ke oi lau eeuai lalaumi ega laagai afuga agokapulaisa.

Acts 16:29

Ke afu e'umina puo tipula e'ima auga eaea gamai agagaga epa'aua. Ke eaea kemaiseina aisama, eafiia tipula e'a alogai epiaukoko, ke maipiguguga mo Paulo, Silas auni'i ife'i fo'inai eomukipo.

Acts 9:6

Pau mo'ue Damaskus taonina alogai mokoko. Egae oi kapa'ina fokapa auga maamuai akeifania,” eoma.

Roma 2:7

Ke papiau laomai felo kekapa alogai, isa Deo au akaiki'a akepamia, akeau afagaina, ke alo'i akeafiapia mo kapa'ina akeka aoniamo kapa'i akekapuni'i au'i, Deo isa agu pagai maunina agepeni'i.

1 Korinto 15:58

Ega kainai aau akiu Kristiano papiaumi animi laani alogaina aumi, oi emi pako'ai foapa inoka, ke kapa aga'o faepakaagainimi. Ke ifomi imaaumi Deo fopa'a penia, ke aufa kina Isa mo ega pinauga fokapa, gome oi ologo Lopia ega pinauga okapa auga, alokapa aagenia mo kai, pinauga ega'ina mai'afa.

1 Korinto 2:3

Ke lau oi fou aagu lapinauga alogai, faagau eapoke lamani'i, ke lapigugu alogaina.

1 Korinto 4:14

Lau i'ina iifa'i lapapua'i auga, oi mapameagainimi puogai alapapua'i. Kai oi auga lau gau ko'ami koa omia kainai, i'ina iifa'i lapapua'i eemiai laulaisa ainami lapalogo.

2 Korinto 7:15

Ke isa oi kapa ma'oai okapai'i alogai lai ainamai oafiia, ke maimani'imi mo ke maipigugumi mo isa oifa koko auga eopolaga aisama, oi guami eani alogaina.

Efesus 6:5

Ke oi kala'afi aumi, oi Iesu Kristo aina oafia koa i'opoga, emi aagoa lopia'i fomani'iaini'i, au akaiki'a'i fopamia'i. Ke ega'ina laoga mainai isa aina'i foafia.

Filipi 1:27

Ke kapa'ina fegama mo ganinagai, emi laomai auga iifa faunina Iesu Kristo fouga kapa'ina eifania auga mo fokapa. Ega aisama lau faafai faisami, o lau egae laa'i, foumi mo falogo mo ganinagai kai, lau alalogo oi alomi aga'omogai agoapa kapula, ke papiau aga'omo koa agomia kaimialao iifa faunina Iesu Kristo fouga puogai agoakekua kapula.

Filipi 1:29

Gome Deo Iesu Kristo faugai oi elogoainimi isa fopako'ania mo aeoma kai, isa kiekie isafa fopa'aua eoma.

Filipi 1:5

Gome iifa faunina Iesu fouga opako'ania mo kinagai, oi lau opalagainiau iifa faunina Iesu Kristo fouga aifafoua mo emai pau kina.

Filipi 1:6

Ke Deo oi eemiai pinauga felo e'inaisa auga, eemiai pinauga ega'ina agekapa mo agelao Iesu Kristo agemai pugu kinagai aisama, pinauga ega'ina agefua auga lau alou ko'agai lapako'ania.

Filipi 2:19

Kai lau e'u afia'ama auga Lopia Iesu lau agelogoainiau Timoti alaulaisa agefiakoa oi eemi agefai. Ega koa isa agemue agemai pugu oi foumi lau maauai ageifania aisama, lau isafa alou fekapula laoma.

Filipi 4:1

Ega puo aau akiu Kristiano papiaumi, alou ko'agai animi laani aumi ke alafai maoma maisami laoma aumi ke ekefa'auagai, oi auga lau e'u alogama ke puomiai Deo lau afa felo agepeniau puo, oi Lopia fou oagu alogai, oi emi pako'ai foapa kapula laoma.

Filipi 4:15

Ke oi Filipi papiaumi, oi ologo mamagai mo lau iifa faunina Iesu Kristo fouga mainogonia laoma, Masedonia ago lapua'afuga aisama, iifi e'a aga'o lau fou alamia pipeni alapipeni ke alaafia papiau alapalagaini'i. Kai oi mo ega koa okapaisa.

1 Tesalonika 1:3

Ke oi Iesu Kristo opako'ania, ke emi pako'ai pinauga okapai'i auga fouga alogo. Ke oi alomi ko'agai Deo papiau fou ani'i oani alogaina kainai, ala opinauga oma auga isafa fouga alogo. Ke oi emi afia'ama Lopia Iesu Kristo eegai oogeisa kainai, kina apala'i oafii'i ganinagai, gamu'i mo ooponia oafiapia mo, emi pinauga okapaisa paisa. Ega'ina kapa'i ma'oai okapai'i au'i, aufa kina emai megamegai, Ama'a Deo agogai aopolanimi aefuafua.

2 Timoti 2:10

Kai Deo anina eani Isa ega iifa auga feka felao, fuagai Isa ifo ega logoai papiau ekinani'i au'i Iesu Kristo fekepako'ania, ega koa kania'i feagamauga eoma. Egae kai isa lau fou Lopia Deo ifo ega agofa'ai faagu aoniamo eoma. Ega kainai Deo ekinani'i au'i fau'iai tieiniai kepaagaisau mo ganinagai, gamuga mo laoponia laafiapia mo.

Hibru 12:1

Ega puo i'a ifo'a mo alaagu kai, ega'ina papiau'i kemae mo ganinagai, apuapu akaiki'a koa i'opoga kemia keailofei'a keisa'a. Ke pau ega'ina papiau'i fou'i Deo ega iifa pukagai akuapina aisama, kapa'ina akapa auga kepafoki'a keifafoui'a. Ega kainai laomai apala'i faaga'aisai kekae au'i meau'i ma'oai apaelai'i. Ke laomai apala'i fiakoa mo maa'a kela'a me'e au'i isafa apua'afuni'i. Ke kapa'ina akemia mo ganinagai, a'a pako'a Iesu eegai faafiapia mo, Deo i'a fau'aisai pipalauai kapa'ina faafia eoma auga faula.

Hibru 4:1

Ega puo i'a ega'ina iifaga a'o alogonia efua pau ee'aisai ekae mo ganinagai, epo'aisai papiau aga'o ega'ina iifaga alo ko'agai afaepako'ania auga mani'ina fapa'aua. Ega koa i'a ma'oai ega'ina laagaina afugai fakoko laoma.

Hibru 4:11

Ega puo i'a ma'oai imaau'a fofougai fauniaimoimo ega'ina laagaina afugai fakoko. Ega koa i'a epo'aisai kai aga'o ufu'a apa'a Deo ega iifa a'o kelogonia kai, aina akeafia ke'ualai au'i koa fakemia fake'ualai laoma.

Hibru 5:9

Ega koa ekapaisa, isa Deo maagai alo opaina ipauma emia. Deo Iesu eifaga, Melkisedek koa i'opoga eoma auga, Sakedote Lopia Fa'a epamia, papiau fau'iai ega pinauga ekapaisa. Ega kainai isa i'a kania'a isagamauga inagome auga emia. Ke kaisau isa aina keafia au'i kania'i ageagamauga, agu pagai maunina agepeni'i.

1 Peto 2:11

Ekefa'auagai, lau oi i'ina agofa'agai, ago i'oina aumi, ke au a'imi koa i'opomi oague aumi magogo kapula lapenimi. Ega koa papiau aumauni imaauga kapa'ina apala emaaga, oi lalaumi fou kepipaini auga fomunia.

2 Peto 3:18

Kai oi i'a a'a Lopia, ke kania'a eagamauga Auga Iesu Kristo ega gafegafe akaiki'a ke logoai fouki. Lau lamegamega ega koa oi isa isapu akaiki'a, ke eaea akaiki'a auga pau fopamia ke aoniamo ega koa fokapa laoma. Amen.