Filipi 2:11 - Mauni Mamaga Iifaga

¹¹ Ega koa ega'ina kapa'i ma'oai Iesu Kristo Lopia auga fekeifafoua eoma. Ke ega koa agemia aisama, Ama Deo au akaiki'a akepamia, akeau afagaina.

Filipi 2:11 Iomraidhean Croise

Mateo 10:32

“Ke kaisau lau elogoniau auga papiau maa'iai ko'a ageifania aisama, lau isafa ufai Amau Deo agogai, isa ko'a lalogonia alaoma.

Luka 2:11

Pau oi epomiai Betelemeai, Davide ega taoniai kaniami Isagamauga Auga emauni. Isa Lopia, ke Mesaia auga.

Ioane 12:42

Ke au akaiki'a'i au'i epo'iai isafa ma'o Iesu kepako'ania mo ganinagai, isa ifo'i e'i la'afou afugai Faliseo au'i isa afekepapealai'i auga mani'ina kepa'aua puo, e'i pako'a akeifafoua.

Ioane 13:13

Oi lau oifaniau ‘Pamalele Aumu’ ke ‘Lopia’ ooma. Oi lau ega oifa oomaisau auga oifa feloisau, gome lau ega'ina au.

Ioane 13:14

Pau lau oi emi Lopia ke emi Pamalele Au oi ifemi laikuisa koa i'opoga, oi isafa ifomi aga'o aga'o ifemi foikua.

Ioane 14:13

Ke lau akauai kapa'ina agogoina auga alakapa, ega koa Gauga Ama ega akaiki'a ala koa auga agepafokia.

Ioane 14:23

Ke Iesu einaka, “Kaisau alo ko'agai lau aniu eani auga, e'u pamalele kai'iai agepea. Ega aisama lau Amau alo ko'agai isa anina ageani, ke lau Amau fou isa eega agamai alogai agapagua agaagu.

Ioane 17:1

Iesu ega'ina iifa'i eifani'i afegai, ufa eakae penia kai emegamega einaka, “Amau, kina emai efua. Ega puo Oi Gaumu ega isapu, ke ega akaiki'a ala koa auga papiau mopakina'i, ega koa Oi Gaumu isafa Oi emu isapu, ke emu akaiki'a ala koa auga papiau fepakina'i.

Ioane 20:28

Ega aisama Tomas Iesu epainia einaka, “E'u Lopia, e'u Deo,” eoma.

Ioane 5:23

Ega koa papiau ma'oai Ama au akaiki'a kepamia koa i'opoga, Gauga isafa au akaiki'a fekepamia eoma. Kai kaisau Gauga au akaiki'a aepamia auga Ama, Gauga eulaisa auga au akaiki'a aepamia.

Ioane 9:22

Isa ina ama Iudea papiau'i kemani'iaini'i puo ega keifa oma. Gome Iudea au akaiki'a'i au'i keifa kakaua keinaka, kaisau Iesu Mesaia ageoma auga isa e'i la'afou afugai akepapealaisa keoma.

Acts 10:36

Oi Deo ega iifa Israel papiau'i ee'iai eulaisa auga ologo felo. Ega'ina fouga auga, Deo Iesu Kristo eulaisa, ke Iesu kainai papiau Isa fou fekegagao eoma. Ke Iesu auga Israel papiau'i mo e'i Lopia laa'i kai, agofa'a fofouga papiau'i isafa e'i Lopia.

Acts 2:36

“Ega puo Israel papiaumi ma'oai, iifa gome fologo, oi Iesu ega'ina kolotiai oau'u'ua kai, Deo isa epamaunimue, Lopia ke Mesaia epamia,” eoma.

Roma 14:11

Gome ega'ina fouga Deo ega iifa pukagai iina kepapua oma: ‘Lopia eifa, “‘Iifa ko'a, Lau laague alogai papiau ma'oai Lau agouai akeanife'u. Ke mala ma'oai papiau'i Deo maagai ko'a mo akeifafoua’” eoma. Aisaea 45:23

Roma 14:9

Gome ega'ina puogai Iesu Kristo emae ke emaunimue pugu, ega koa kemae au'i ke keague au'i fou kai'ialao e'i Lopia femia eoma.

Roma 15:9

Ega koa Iudea papiau'i laa'i au'i isafa Deo papiau gua'i eania auga faugai, Deo aka akaiki'a fekepamia eoma. Iesu ega koa ekapaisa auga fouga Deo ega iifa pukagai iina kepapua oma: “Ega'ina kainai lau Iudea papiau'i laa'i au'i epo'iai oi alaau afagainio. Ke au afagai iifi'i alaifini'i akamu alaau afagaina.” 2 Samuel 22:50; Sam 18:49

1 Korinto 12:3

Ega kainai oi lapainimi, aufalao aga'o Deo ega Spiritu alogai eagu auga, iina afaeifa oma afaeinaka, “Deo Iesu afa apala gapenia,” afaeoma. Ke kai aga'o iina afaeifa oma afaeinaka, “Iesu Lopia,” afaeoma kai, Deo ega Spiritu isa alogai ageagu aisama kai, “Iesu Lopia,” ageoma.

1 Korinto 15:47

Deo Adamo eufai emai auga, aagoa aeapugai epagama. Kai Adamo muniai emai auga, Iesu Kristo ufai Deo eegai emai.

1 Peto 1:21

Oi isa faagagai Deo opako'ania. Deo auga isa maeai epamaunimue, ke au akaiki'a epamia. Ega puo oi emi pako'a ke emi afia'ama Deo eegai ooge.

1 Ioane 4:15

Ke aufalao aga'o alo ko'agai ageifa Iesu Deo Gauga ageoma auga, Deo isa alogai eague, ke isa Deo alogai eague.

1 Ioane 4:2

Aufalao aga'o eifa, Iesu Kristo papiau aumauni imaaugai emai agofa'ai eoma auga, kapa'ina isa eifania auga Deo ega Spiritu eegai emai eifania. Oi isa Deo ega Spiritu isapugai ma kenini'ani auga, iina agokapulai oma'i.

2 Ioane 1:7

Lau ega'ina laifania, gome pau agofa'ai pamalele pifoge au'i ma'o kepealai kepinauga. Ke ega'ina papiau'i Iesu papiau aumauni imaaugai emai agofa'ai auga akepako'ania. Papiau iina koa i'opo'i au'i pifoge ipauma'i, ke Iesu ega ou au'i.

Revelation 3:5

Kaisau ega pako'ai laomai apala'i agepalutini'i auga, ega'ina au'i koa i'opoga, ega laomai felo auga, afe tiapuga keloga koa i'opoga agei'iuka. Ke lau isa aka agu pagai maunina feafia auga pukagai kepapua auga afala'ina. Kai lau Amau, ke ega agelo fou ago'iai isa aka alaifafoua.