Filipi 2:10 - Mauni Mamaga Iifaga

¹⁰ Deo ega koa ekapaisa, ega koa Deo ega pagama kapa'i ma'oai ufai, aagoai, a'isa papagai au'i ma'oai Iesu aka a'o akelogo aisama, fekeanife'u, ke fekeloukipo fekeau afagaina eoma.

Filipi 2:10 Iomraidhean Croise

Mateo 12:40

Gome ufainagai Jona kina oiso ke gapi oiso ma'a akaiki'a gua alogai eka koa i'opoga, Papiau Aumauni Gauga kina oiso ke gapi oiso a'isa alogai ageka.

Mateo 27:29

Egae kai a'ifu keafipo'e kin kania'iai kraon keogeoge auga koa kepamia kaniagai keogeisa. Ke inipo auga keafiia i'ini koa kepamia ima kainai kepaafia, ke agogai keanife'u kai kepa'aua kea'alaina keinaka, “Iudea papiau'i e'i kin, amaau afagaina!” keoma.

Mateo 28:18

Ega aisama Iesu emai ee'iai eapa kai epaini'i einaka, “Deo, ufai ke aagoai isapu ma'oai lau epeniiau.

Roma 11:4

Ega aisama Deo isa ega iifa afa ala epenimue oma? Deo isa epainia einaka, “Lau papiau 7000 deo pifoge aka Baal agogai akeanife'u au'i Lau fauai lapaagu me'e'i keague,” eoma.

Efesus 1:10

Deo ega koa ekapaisa, ega koa Isa kina epaapa auga kina agekaina aisama, kapa ma'oai ufai kekae au'i, ke aagoai kekae au'i fou femaiseini'i kania aga'omo, Iesu Kristo papagai fekemia eoma.

Efesus 3:14

Ega kainai lau aagoai, ke ufai keagu au'i ma'oai aka'i Ama'a Deo epeni'i auga Deoga agogai laanife'u lamegamega.

Efesus 4:9

Kai pau “e'agaukae au'oniai,” aoma auga kapa'ina eifania? Ega'ina auga isa eake emai aagoai papagai eagu kaukau kai, e'agaukae auga eifania.

Hibru 1:6

Kai Deo Gauga fa'aniauga gamaiseina agofa'ai eoma aisama, isa faagagai kapa'ina agemia auga fouga ega iifa pukagai iina eifa oma: “Lau Deo e'u agelo ma'oai isa kegaau afagaina,” eoma. Deuteronomy 32:43

Revelation 20:13

Ke a'u, papiau kemae egae alogai keagu au'i epapealai'i. Ke mae au'i Ipeliai keagu au'i epapealai'i. Ke papiau aga'o aga'o kapa'ina kekapaisa auga kainai mo afa akeafia.

Revelation 4:10

Isa ega koa kekapakapa kai, au akaiki'a'i au'i 24 ufai keague au'i, Deo ega aguagu afugai eagu auga agogai keomukipo ke eague aoniamo auga keau afagaina. Ke isa kania'iai kraon eka auga keafia ago'iai kepiugalao kai, iina keifa oma keinaka:

Revelation 5:3

Kai ufai, o aagoai, o aagoa papagai keague au'i aufalao aga'o ega'ina puka fepaagalaisa, o alo feisa auga laa'i.