Filipi 1:9 - Mauni Mamaga Iifaga

⁹ Ke lau e'u megamega auga, oi alomi ko'agai Deo ke oi aga'o aga'o animi oani auga laoga maina alomiai feuki faefuafua, ega koa ega'ina laoga maina alomi fepogu laoma. Ke ega'ina laoga mainai oi Deo ologo auga logo akaiki'a femia, ke Deo maagai kapa'ina felo o apala auga fologo ikifaga ma'oai isafa feuki akaiki'a femia, alomiai ikifa fepogu laoma.

Filipi 1:9 Iomraidhean Croise

1 Korinto 14:20

Aau akiu Kristiano aumi, oi papiau mala i'oinai kemegamega kapa'ina keifania auga oko amologo agooma aisama, oi imoi e'ele'i mino'iai kapa'ina keopolaga, ke kekapa auga laoga maina ikapa foapakipo. Kai laomai apala ega kaisai auga, oi imoi e'ele'i kapa aga'o akelogo koa kekagakaga, koa i'opo'i fomia. Kai ega'ina agokapa alogai, papiau apao'i mino'i foafia.

2 Korinto 8:7

Kai oi emi pako'a kapula, emi nini'ani felo, emi logo akaiki'a, ke imaaumi fofougai pinauga okapa, ke alomi ko'agai lai animai oani auga laoga mainai ekainimi. Oi i'ina lao'i mai'iai ekainimi koa i'opoga, foisa oi gafegafeai pipeni fopipeni auga isafa eegai fekainimi.

Efesus 5:17

Ega puo folokafo'o kai, Lopia kapa'ina anina eani fokapa eoma auga oko fologo felo.

Kolose 1:9

Ega kainai lai isafa oi foumi alogo mo kinagai oi faumiai amegamega aefua. Ke emai megamega alogai Deo agoina ega koa ega Spirituai Isa kapa'ina anina eani auga logo ma'oai, ke ikifaga ma'oai fou oi alomi fepapogua aoma.

1 Tesalonika 3:12

Ke lai amegamega ega koa Lopia oi alomi ko'agai papiau ani'i foani alogaina auga laoga maina alomiai fepaukia, fepapogua felao fepafakaua, ega koa aga'o aga'o animi foani, ke lai oi animi aani koa i'opoga, papiau aage'i ganinagai ani'i ega foani oma aoma.

1 Tesalonika 4:1

Aau akiu Kristiano papiaumi, emai nini'ani fuagai auga, lai oi ala foagu oma, ega koa Deo alo fopagama auga maamiai aifania, ke iifa ko'a oi ega'ina agugai oague. Ke pau auga, lai Lopia Iesu akagai agoi penimi, ke apaini kapulanimi Deo alo fopagama kapa'i au'i ma'o ma'o mo fokapa'i aoma.

2 Tesalonika 1:3

Aamai akimai Kristiano aumi, lai oi faumiai aufa kina mo Deo tenkiu fapenia auga ekainia. Gome oi emi pako'a euki akaiki'a emia elaoaina, ke oi ma'oai aga'o aga'o alomi ko'agai animi oani auga laoga maina isafa alomiai euki akaiki'a emia elaoaina.

Filemon 1:6

Lau lamegamega ega koa oi emu pako'a Iesu Kristo eegai looge auga pako'aga papiau isa'i isafa maa'iai foifania laoma. Ega koa ega'ina pinaugaga oi agepapeaiso alolao Iesu Kristo faugai i'a alo'aisai laomai felo'i ma'oai kekae au'i oko'i alologo felo.

Hibru 5:14

Kai kaisau aufa kina ifo'i mino'i kepapinauga Deo maagai kapa'ina felo o apala auga kelogo, ke felo mo kekapa au'i, papiau apao'i mo e'i fo'ama keania koa i'opoga.

1 Peto 1:22

Ke oi pau Deo ega iifa muninai opea kainai, oi alomi elolofa. Ega koa oi alomi ko'agai aami akimi Kristiano papiau'i ani'i oani. Ega koa i'opoga mo, foisa felo oi aga'o aga'o alomi ko'a ipaumagai ke alomi fofougai animi foani.

2 Peto 3:18

Kai oi i'a a'a Lopia, ke kania'a eagamauga Auga Iesu Kristo ega gafegafe akaiki'a ke logoai fouki. Lau lamegamega ega koa oi isa isapu akaiki'a, ke eaea akaiki'a auga pau fopamia ke aoniamo ega koa fokapa laoma. Amen.