Filipi 1:8 - Mauni Mamaga Iifaga

⁸ Lau ega laifa oma, gome Iesu Kristo oi guakaemi ala epa'au oma koa i'opoga, lau oi ma'oai guakaemi ega lapa'au oma auga ko'a mo Deo eifafoua.

Filipi 1:8 Iomraidhean Croise

Luka 1:78

Iifa gome i'a uminagai aagu Deo alalogo felo, ke a'a laomai apala ipauma emokai'a puo amae koa i'opoga. Kai Deo ega'ina auga anina aeani, gagao keagagai gapapeai'a, i'a fou gagaoai faagu eoma. Ega kainai Deo kapa ma'oai ekapai'i auga, ega guani ke ega gafegafe akaiki'a epakinai'a. I'ina auga, kina egefau eaea koa i'opoga ufai ageake agegefai'a,” eoma.

Roma 1:9

Lau ega laifa oma, gome lau aufa kina e'u megamegai oi ala laopola omaimi auga Deo ko'a mo eoma. Lau iifa faunina Deo Gauga Iesu Kristo fouga lainogonia alogai, alou ko'agai Isa faugai lapinauga. Ke lau lamegamega ega koa pau fuagai Deo ega logoai keaga fepaagalaisa oi eemi faafai laoma.

Roma 9:1

Pau Iesu Kristo agogai kapa'ina laifania auga ko'a mo laifania. Deo ega Spiritu lau epalogoniau lau ifou isafa ko'a mo laifania, alapifoge ko'a mo eoma.

2 Korinto 13:9

Gome lai emai apokeai oi okapula koa aisama alomai egama. Ke emai megamega auga, oi alo opai ipaumami fomia aoma.

2 Korinto 6:12

Ke lai guamai alogai kapa'ina mo kekae au'i oi eemiai alaafiapi'i. Kai oi auga guami alogai kapa'ina kekae au'i lai eemaisai oafiapi'i mo.

2 Korinto 7:15

Ke isa oi kapa ma'oai okapai'i alogai lai ainamai oafiia, ke maimani'imi mo ke maipigugumi mo isa oifa koko auga eopolaga aisama, oi guami eani alogaina.

Kalatia 1:20

Ke lau kapa'ina lapapua eemi efai auga pifoge iifaga laa'i kai, Deo agogai iifa gome mo maamiai laifania.

Kalatia 3:26

Ke pau oi ma'oai Iesu Kristo opako'ania kainai oi Deo gauga omia.

Kalatia 4:19

Gauagai, lau oi laopolanimi aisama, papie aga'o mauniai ekiekie koa i'opoga kiekiemi ega lapa'au oma. Ke kiekiemi alapa'aua afaefua agelao, oi Iesu Kristo koa i'opoga agomia kai alaapakipo.

Filipi 2:1

Ke oi Iesu Kristo fou omia auga alomi epakapulania, ke isa oi animi eani auga laoga mainai oi epaameimi, ke Deo ega Spiritu fou aga'omo omia, ke aga'o aga'o eemiai ogafegafe ke guami oania. Ega koa aisama, Iesu Kristo kapa'ina oi faagamiai ekapaisa auga i'opoga mo fokapa. Ke Iesu oi animi eani koa i'opoga papiau ma'oai ani'i ega foani oma, ke alomi aga'omo femia kapa'ina amoafia ooma auga pinaugaga aga'omo fokapa. Ega koa agokapa aisama, lau e'u alogama agopafua.

Filipi 2:26

Gome isa alafai gaoma oi ma'oai gaisami pugu eoma, ke isa eopopo alogaina, gome oi isa eisafa auga fouga ologo.

Filipi 4:1

Ega puo aau akiu Kristiano papiaumi, alou ko'agai animi laani aumi ke alafai maoma maisami laoma aumi ke ekefa'auagai, oi auga lau e'u alogama ke puomiai Deo lau afa felo agepeniau puo, oi Lopia fou oagu alogai, oi emi pako'ai foapa kapula laoma.

Kolose 2:1

Gome lau anina laani oi, Laodisia iifi e'a papiau'i, ke papiau ma'o lau akeisau akelogoniau au'i isafa fou kaimialao faumiai launiaimoimo, ifou lapaafi puguisau auga fologo laoma.

Kolose 3:12

Ega puo oi auga Deo oi animi eani alogaina, ke ekinanimi ega papiau epamiaimi aumi, ke Isa maagai alo lolofa aumi omia koa i'opoga, oi guani ke gafegafe laoga maina, ke ifomi e'elemi fopamiaimi auga laoga maina, ke papiau gagafe'i mo foafia auga laoga maina, ke kapa'ina eemiai fekemia fokiekie alogaina mo ganinagai, gamuga mo foopo, foafiapia mo auga lao'i mai'i ma'oai tiapu koa fopamia'i foi'iuka'i.

1 Tesalonika 2:5

Oi ologo lai emai inogoai, emai nini'ani felogai papiau fafoge'i alaoma, o lai pifogeai nini'ani ma'o alaifani'i ega koa emai mogemoge alaogefake. Deo elogo lai kapa'ina aifania auga ko'a'i moa'ina.

1 Tesalonika 2:8

Ke lai alomai ko'agai oi animi aani kainai, alomai gamagai mo iifa faunina Iesu Kristo fouga maamiai aifafoua. Ke ega'ina mo alakapaisa kai, ifomai imaaumai isafa alogoaina oi apalagainimi, gome oi lai gaumai ipaumami koa omia.

2 Timoti 1:4

Ega'ina alogai lau oi lapua'afunio aisama, alomu ekiekie maamu iuga eake auga laopolaga. Ega puo anina laani oi faisao pugu, ega koa Deo alou fepagama alogaina laoma.

Filemon 1:12

Ke lau isa laulaisa emue oi eemu efai pugu. Lau alou ko'agai isa anina laani alogaina puo, isa lau guau fou akefai koa i'opoga.

Filemon 1:20

Akiuagai, Lopia faugai kapa'ina lagoinio auga fokapa, ega koa faagamuai kapa felo aga'o faafia laoma. Iesu Kristo faagagai i'a fou aa'a aki'a amia kainai, ega koa alokapa aisama alou agekakipo.

1 Ioane 3:17

Oi amoopolaga. Aufalao aga'o kapa aga'o eegai ekae kai, papiau aga'o kapa ega'ina anina eani auga eisa ganinagai, gua aeania aepenia koa aisama, ala koa i'opoga Deo papiau ani'i eani alogaina auga laoga maina isa alogai ageka?