Filipi 1:7 - Mauni Mamaga Iifaga

⁷ Lau alou ko'agai oi animi laani kainai, oi eemiai ega laopola oma auga ekainia. Gome lau pau tipulai laague, o iifa faunina Iesu Kristo fouga iina laogeisa ke fouga ko'a mo auga laifafoua, ega koa Deo ega gafegafe oi ma'oai fou kai'alao aafiia.

Filipi 1:7 Iomraidhean Croise

Acts 20:23

Kai pau lau lalogo auga, taoni ma'oai alo'iai lakoko alogai, Deo ega Spiritu lau ainau epalogo eifa, tipula ke kiekie akaiki'a'i lau ke'imaisau eoma.

Acts 21:33

Ke ifani au'i 1000 e'ima'i lopiaga elao Paulo eafiia ega ifani au'i epaini'i, tieini gua keafii'i kegopeisa. Egae kai Paulo kaisau auga ke kapa'ina ekapaisa auga la'afou epa'ani peni'i.

1 Korinto 13:7

Ke alomi ko'agai Deo, ke papiau fou ani'i agoani aisama, aufa kina papiau agopakaisogoni'i, ke emi pako'a Deo paisa eegai agooge. Ke kapa felo aga'o isa eegai agoafia auga afia'amaga agopa'aua. Ke alomi ko'agai Deo, ke papiau fou ani'i agoani aisama, kina apala foafia fokiekie mo ganinagai, aufa kina ega'ina kapa'i gamu'i mo agoopo.

1 Korinto 9:23

Lau i'ina kapa'i ma'oai lakapai'i auga, iifa faunina Iesu fouga fekepako'ania laoma puo lakapai'i, ega koa ega'ina papiau'i fuagai Deo maagai e'i laomai felo afa akeafia aisama, lau isafa ega'ina papiau'i epo'iai faapauka laoma.

2 Korinto 3:2

Oi ifomi auga lai malele apapua foumi aifa felo auga, ke guamai alogai malele apapua eemi efai auga koa i'opoga. Ke papiau ma'oai oi auga malele koa kekuapinimi ke kelogo.

2 Korinto 7:3

Lau ega'ina laifania auga, oi apala okapa alaoma. Gome oma'e laifa kakaua, lai oi aafiimi alomaisai oague, ke fou kai'alao agaagu, ke fou kai'alao agamae laoma.

Kalatia 5:6

Gome Iesu Kristo apako'ania aisama, au kapa maguaega faaga iifalaina emia, o aemia mo ganinagai, Deo maagai auga kapa aga'o laa'i. Kai kapa akaiki'a auga, oi emi pako'a fofouga Iesu Kristo mo eegai fooge. Ke alomi ko'agai papiau isafa ani'i foani.

Efesus 3:1

Ega kainai lau Paulo oi Iudea papiaumi laa'i aumi faumiai Iesu Kristo puogai tipula au lamia.

Efesus 4:1

Ega puo lau Lopia faugai tipulai laague au, oi lagoi peni kapulanimi, ega koa Deo eifanimi ala foagu oma eoma auga, ega'ina mo agugai foagu laoma.

Efesus 6:20

Ke lau auga Iesu Kristo ekinaniau inae aagoai isa faugai lapinauga puogai tipula au lamia. Ke fauai fomegamega, ega koa aimani'iu mo, Deo lau ega'ina iifaga ala faifafou oma eoma auga, i'opoga mo fakapa laoma.

Filipi 1:12

Aau akiu Kristiano aumi, kapa'ina lau faagauai emia auga epipalagai, iifa faunina Iesu fouga epapea efoufa'a papiau ma'o kelogo auga, pau anina laani oi ega'ina fouga fologo laoma.

Filipi 1:13

Ega koa emia puo, lau Iesu Kristo puogai latipula auga kin ega e'a ke'ima au'i, ke papiau ma'oai isafa kelogo afe'ai.

Filipi 1:14

Ke lau tipulai laague kainai, aa'a aki'a ma'o Lopia kepako'ania au'i alo'i ekapula alogaina, ke aimani'i'i mo Deo ega iifa keifafoua.

Filipi 1:5

Gome iifa faunina Iesu fouga opako'ania mo kinagai, oi lau opalagainiau iifa faunina Iesu Kristo fouga aifafoua mo emai pau kina.

Filipi 2:22

Kai Timoti auga Iesu Kristo ega pinauga agekapa agekaina auga oi ologo, gome isa auga au aga'o gauga fou kepinauga koa i'opoga isa lau aunimai iifa faunina Iesu Kristo fouga pinaugaga akapaisa.

Filipi 4:14

Ega mo ganinagai oi lau e'u kiekieai opalagainiau auga, felo ipauma okapaisa.

Filipi 4:15

Ke oi Filipi papiaumi, oi ologo mamagai mo lau iifa faunina Iesu Kristo fouga mainogonia laoma, Masedonia ago lapua'afuga aisama, iifi e'a aga'o lau fou alamia pipeni alapipeni ke alaafia papiau alapalagaini'i. Kai oi mo ega koa okapaisa.

Filipi 4:3

Ke oi alomu ko'agai lau fou Iesu Kristo ega pinauga akapa aumu lagoinio, oi ega'ina papie'i lau fou apinauga kapula iifa faunina Iesu Kristo fouga apapea au'i fopalagaini'i. Ke Klement ke lau fou apinauga au'i isa'i agu pagai maunina akeafia pukagai aka'i Deo epapua au'i isafa fopalagaini'i laoma.

Kolose 4:18

Lau Paulo ifou imauai i'ina pamego'i lapapua'i. Ke lau latipula auga foopolaga faefuafua. Lau lamegamega ega koa Deo ega gafegafe fepenimi laoma. Amen.

Kolose 4:3

Ke lai isafa faumaisai fomegamega, ega koa lai emai iifa faifafoua auga keagaga aga'o Deo fepaagalaisa, ega koa lau Iesu Kristo ega ogefake iifaga fouga faifafoua. Lau ega'ina iifaga laifafoua puogai tipula au lamia.

1 Tesalonika 5:5

Oi auga eaea ke kina gauga aumi. Ke i'a ma'oai auga gapi, ke umina gauga au'a laa'i.

2 Timoti 1:8

Ega puo i'a a'a Lopia Iesu fouga ko'a ipauma papiau maa'iai loifafoua auga meagaina folopa'aua. Ke lau kelele aga'o alakapaisa kai Lopia Iesu puogai latipula auga isafa meagaina folopa'aua. Kai lau iifa faunina Iesu fouga kainai lakiekie koa i'opoga, oi isafa Iesu puogai fou fakiekie aga'omo. Ke Deo ega Spiritu isapugai Iesu fouga iifafouga foloapakipo.

2 Timoti 2:9

Kai papiau isa'i iifa faunina Iesu fouga keumakalaina. Ega kainai isa lau kelele akaiki'a'i kekapa'i au'i koa i'opou kepamiaisau, tieiniai kepaagaisau ke tipula au lamia lakiekie alogaina. Kai lau tipulai kepaaguisau mo ganinagai, papiau i'oi'i isa'i Deo ega iifa papiau maa'iai keifania aefuafua. Ega puo lau tieiniai kepaagaisau mo ganinagai, Deo ega iifa auga tieiniai akepaaga afaekaina.

Filemon 1:13

Lau anina laani lau iifa faunina Iesu Kristo fouga puogai inae tipulai laague alogai, isa lau eeuai mo feagu, ega koa oi afumu feafia fepalagainiau laoma.

Hibru 3:1

Ega kainai aau akiu pako'a papiaumi, Deo ega famili aga'omogai omai, ke Deo eifanimi, lau fou Isa ega agofa'a fou agaagu aumi, Iesu Apostolo ke Sakedote Lopia Fa'a, i'a apako'ania ke fouga aifafoua auga eegai opomi fofouga amooge.

1 Peto 4:13

Kai Iesu Kristo ekiekie auga kiekiegai oi isafa okiekie auga alogama fopa'aua. Ega koa isa ega isapu ke eaea akaiki'a agepafokia aisama, oi alomi alogama fepogu laoma.

1 Peto 5:1

Ke lau oi epomiai iifi e'a au akaiki'a'i au'i koa i'opo'i iifi e'a au akaiki'au aga'o, ke Iesu Kristo i'a fau'aisai ekiekie auga fouga ko'a mo laifafoua au. Ke lau isafa isa agemai ega isapu, ke eaea akaiki'a fou agepafokia aisama, lau isa fou kai'alao ega'ina isapuga agaafia. Lau oi iifi e'a au akaiki'ami aumi lagoinimi:

2 Peto 1:13

Lau i'ina agofa'agai imaau i'inagai e'a koa alogai laague alogai, lau oi kapa'ina alomiai ekae auga fapa'uegenia auga laopolaga felo laoma.

1 Ioane 3:14

Ke i'a alogo i'a aa'a aki'a ani'i aani kainai, a'a agu ufaina auga emae efua, ke pau mauni mamaga agu pagai maunina aafia. Ke kaisau aaga akina ani'i aeani aisama, isa ega agu ufaina auga aemae, ke mauni mamaga, agu pagai maunina isafa aeafia.