Filipi 1:6 - Mauni Mamaga Iifaga

⁶ Ke Deo oi eemiai pinauga felo e'inaisa auga, eemiai pinauga ega'ina agekapa mo agelao Iesu Kristo agemai pugu kinagai aisama, pinauga ega'ina agefua auga lau alou ko'agai lapako'ania.

Filipi 1:6 Iomraidhean Croise

Ioane 6:29

Ke Iesu einaka, “Deo ega pinauga auga i'ina: Oi Isa eulaisa auga amopako'ania,” eoma.

Acts 11:18

Iudea pako'a papiau'i i'ina iifaga a'o kelogonia aisama, komo mo keoma. Ke Deo keau afagaina keinaka, “Iifa gome Deo ega Spiritu Iudea papiau'i laa'i au'i isafa eulai peni'i, ke isa e'i laomai apala'i keumakalaini'i, ke mauni mamaga isafa epeni'i,” keoma.

Acts 16:14

Papie egae aina'i kepaaua au'i epo'iai aga'o Tiatira taonina papiega aka Lidia. Isa mulamula pitoga ke ageage fou keafi lapuinia tiapu kepaaga auga tiapu'i e'afa'afalaini'i. Ke isa kina ma'oai Deo eau afagaina. Ke Lopia ega'ina papiega alo epaeaea puo Paulo kapa'ina eifania auga elogo felo ke minogai ekoko.

1 Korinto 1:8

Ke Deo oi agepakapulanimi kainai, Iesu agopako'ania mo agelao kina fuagai, ega koa Iesu Kristo agemai pugu aisama, oi kapa apala aga'o okapaisa auga puo afaepenimi.

2 Korinto 1:15

Ke ega'ina agemia auga lau alou lapakapulania kainai, opou lapaapa oi eemi faafai kaukau, ega koa Deo ega gafegafe isafina auni'i fopamia laoma.

2 Korinto 2:3

Lau malele ega lapapua oma, ega koa oi eemi alafai aisama, lau alou fopagama papiaumi aumi eemiai alou faemafu laoma. Ke lau ega koa lakapaisa, gome oi ma'oai lau e'u alogamai fou agaalogama auga, alou ko'agai lapako'ania.

2 Korinto 7:16

Ke alou egama alogaina, gome lau alou ko'agai lapako'ania oi kapa ma'oai agokapa'i agekaina laoma.

2 Korinto 9:4

Gome inae Masedonia ago auga aga'o fou afafai, ke isa oi alofua aloagu afeisami koa aisama, ega'ina auga oi agomeagai auga fouga alaifania kai, lai alomai oi eemiai apakapulania kainai, lai meagai e'ele laa'i agaafia.

Kalatia 5:10

Kai lau i'a a'a Lopia lapako'ania isa oi agepalagainimi pamalele i'oina aga'o afolopako'ania. Ke papiau kapa pamalele pifogegai oi alomi epama'o auga, isa papiau kapa femia ma ganinagai, Deo isa afa apala agepenia.

Efesus 4:12

Ega koa isa Deo ega papiau fekepafua'i fekeagu, Deo ega pinauga fekekapa, ega koa iifi e'a Iesu Kristo imaauga auga feuki feapa kapula eoma.

Filipi 1:10

Ega koa kapa'ina felo auga foisa fologo, ke alomi felolofa, ke kapa apala aga'o folokapa, puo foloafia mo felao Iesu Kristo femai pugu kinagai kai laoma.

Filipi 1:29

Gome Deo Iesu Kristo faugai oi elogoainimi isa fopako'ania mo aeoma kai, isa kiekie isafa fopa'aua eoma.

Filipi 2:12

Ega puo ekefa'auagai, lau egae oi fou aagu alogai kapa'ina lapamalelenimi auga aufa kina ainau oafiia kai, pau lau egae laa'i ganinagai ainau oafi alogaina aefua koa i'opoga, oi maimani'imi mo, ke maipigugumi mo Deo kaniami ageagamauga auga pinaugaga fokapa faefua.

Filipi 2:13

Gome Deo auga oi alomiai epinauga, ega koa Isa ega felo logo faugai kapa'ina ani'i eani au'i, ke alo epagama kapa'i mo okapa'i.

Filipi 2:16

Ke Deo ega iifa agu pagai maunina epipeni auga foafi inokania, ega koa Iesu Kristo agemai pugu kinagai aisama, lau alapiau aisoge aage mo, ke alaafipugu aage mo auga aina'auga fapa'aua laoma.

Kolose 2:12

Ke oi baptismoai emi laomai apala'i ma'oai fou Iesu Kristo fou omae koa i'opoga. Kai Deo ega isapuai Iesu maeai epamaunimue auga opako'ania aisama, ega'ina pako'agai Deo oi isafa Iesu fou epamauni mueimi koa i'opoga, mauni mamaga oafiia.

1 Tesalonika 1:3

Ke oi Iesu Kristo opako'ania, ke emi pako'ai pinauga okapai'i auga fouga alogo. Ke oi alomi ko'agai Deo papiau fou ani'i oani alogaina kainai, ala opinauga oma auga isafa fouga alogo. Ke oi emi afia'ama Lopia Iesu Kristo eegai oogeisa kainai, kina apala'i oafii'i ganinagai, gamu'i mo ooponia oafiapia mo, emi pinauga okapaisa paisa. Ega'ina kapa'i ma'oai okapai'i au'i, aufa kina emai megamegai, Ama'a Deo agogai aopolanimi aefuafua.

2 Tesalonika 1:11

Lai ega'ina opomaisai ekaega kai, aufa kina oi faumiai amegamega, ega koa i'a a'a Deo oi eifanimi auga felo mo feoma aoma. Ke ega isapuai kapa'ina felo anina oani auga emi agu alogai fekapa, ke emi pako'ai opinauga auga pinaugaga isafa fopafua aoma.

2 Tesalonika 3:4

Ke lai Lopia eegai kapula aafia kainai alogo, oi maamiai kapa'ina aifani'i au'i okapa'i, ke agokapa'i afaefuafua.

Filemon 1:21

Ke oi lau ainau aloafia auga alouai lapako'a kapulania. Ke lau kapa'ina laifani'i au'i mo afolokapa'i kai, laagai kapa ma'o akaiki'a'i isafa alokapa'i auga lalogo. Ega puo i'ina malelega lapapua eemuai laulaisa.

Hibru 10:35

Ega puo oi alomi opakapulania auga laoga maina folopua'afuga. Ega'ina auga afa akaiki'a felo ipauma agoafia.

Hibru 12:2

Iesu auga i'a a'a pako'a inagome, ke Deo maagai alo'a opaina ipauma fepamiai'a auga. Kai Deo ega logoai muni alogama feafia eoma puogai, kolotiai emae kiekiega auga eafiapia mo, ke meagaina aepa'aua. Ke isa Deo eaguagu afuga kaina kainai eague. Ega kainai i'a a'a pako'a Iesu mo eegai faoge.

1 Peto 5:10

Ke Deo gafegafe ma'oai inagome auga, Iesu Kristo faagagai oi eifanimi, Isa ega isapu, ke eaea akaiki'a fou akeka aoniamo auga foafia eoma. Ke oi kina pika koa mo agokiekie afegai, Isa ifo oi emi kiekie eegai agepapealaimi. Ke Isa oi emi pako'ai agepakapulanimi afololao afolomai, ke emi pako'a agoafiapia.

2 Peto 3:10

Kai Lopia ega mai pugu kina auga painao auga gapiai emai auga koa i'opoga agemai. Ke ega'ina kinagai ufa maisagaga mo laa'i agemia. Ke ufa guagai kapa ma'oai kekae au'i loai akeuma'i laa'i akemia. Ke aagoa ke aagoai kapa ma'oai kekae au'i ma'oai isafa loai akeuma'i laa'i akemia.