Filipi 1:5 - Mauni Mamaga Iifaga

⁵ Gome iifa faunina Iesu fouga opako'ania mo kinagai, oi lau opalagainiau iifa faunina Iesu Kristo fouga aifafoua mo emai pau kina.

Filipi 1:5 Iomraidhean Croise

Acts 2:42

Ke pako'a papiau'i fofougai, kina ma'oai alo'i ko'agai apostolo e'i pamalele kai'iai kepea aefuafua. Ke isa alo'i aga'omogai kekaigugu Deo keau afagaina. Ke Iesu ega mae keopolaga, la'afouai fou kai'ialao keaniani ke kemegamega.

Roma 11:17

Kai Iudea papiau'i auga olive auga ko'a ipauma auga koa i'opo'i. Ke oi Roma Kristiano papiaumi auga, ago alogai olive auga euki auga koa i'opomi. Kai olive auga ko'a ipauma auga aga isa'i kefaiponi'i. Ke oi, ago alo olive auga koa i'opoga aumi auga, Deo eafiimi olive ko'a ipauma auga faagagai eogefoumi. Ke pau olive ko'a gagamugai fo'ama felo eafia auga, oi fou kaimialao oafia.

Roma 12:13

Ke Deo ega papiau kapa aga'o anina keani au'i fou emi amu fo'ea. Ke emi e'ai papiau foifa koko'i faefuafua.

Roma 15:26

Gome Deo ega papiau Masedonia, ke Akaia ago'iai keague au'i, Ierusaleme taoninai Deo ega papiau epo'iai ulalu au'i keague au'i fau'iai alogamai moni kepagago.

1 Korinto 1:9

Ke Deo oi eifanimi ega Spirituai i'a a'a Lopia Iesu Kristo fou fomia foagu felo eoma. Deo ega koa ekapa auga, kapa'ina eifania auga ko'a agekapa paisa.

2 Korinto 8:1

Ke aau akiu Kristiano aumi, pau Deo ega gafegafe akaiki'a Masedonia ago iifi e'a'i epenii'i auga fouga maamiai amaifania aoma.

Efesus 3:6

Ke ega'ina ogefake auga, iifa faunina Iesu Kristo fouga faagagai Iudea papiau'i laa'i au'i isafa Iudea papiau'i fou Deo kapa'ina isa apu'i eoma auga fekeafia eoma. Ke isa Deo ega papiau fou aga'omo fekemia, ke Deo Iesu Kristo faagagai pako'a iifaga kapula ekapaisa, kapa'ina isa agepeni'i eoma auga, fou kai'alao fekeafia eoma.

Filipi 1:12

Aau akiu Kristiano aumi, kapa'ina lau faagauai emia auga epipalagai, iifa faunina Iesu fouga epapea efoufa'a papiau ma'o kelogo auga, pau anina laani oi ega'ina fouga fologo laoma.

Filipi 1:16

Ke alo'i felogai Iesu fouga keinogonia au'i, alo'i ko'agai lau aniu keani kainai kekapa. Ke isa lau tipulai laague auga iifa faunina Iesu fouga iina faoge puo Deo lau inae tipulai epaaguisau auga kelogo.

Filipi 1:27

Ke kapa'ina fegama mo ganinagai, emi laomai auga iifa faunina Iesu Kristo fouga kapa'ina eifania auga mo fokapa. Ega aisama lau faafai faisami, o lau egae laa'i, foumi mo falogo mo ganinagai kai, lau alalogo oi alomi aga'omogai agoapa kapula, ke papiau aga'omo koa agomia kaimialao iifa faunina Iesu Kristo fouga puogai agoakekua kapula.

Filipi 1:7

Lau alou ko'agai oi animi laani kainai, oi eemiai ega laopola oma auga ekainia. Gome lau pau tipulai laague, o iifa faunina Iesu Kristo fouga iina laogeisa ke fouga ko'a mo auga laifafoua, ega koa Deo ega gafegafe oi ma'oai fou kai'alao aafiia.

Filipi 2:12

Ega puo ekefa'auagai, lau egae oi fou aagu alogai kapa'ina lapamalelenimi auga aufa kina ainau oafiia kai, pau lau egae laa'i ganinagai ainau oafi alogaina aefua koa i'opoga, oi maimani'imi mo, ke maipigugumi mo Deo kaniami ageagamauga auga pinaugaga fokapa faefua.

Filipi 2:22

Kai Timoti auga Iesu Kristo ega pinauga agekapa agekaina auga oi ologo, gome isa auga au aga'o gauga fou kepinauga koa i'opoga isa lau aunimai iifa faunina Iesu Kristo fouga pinaugaga akapaisa.

Filipi 4:3

Ke oi alomu ko'agai lau fou Iesu Kristo ega pinauga akapa aumu lagoinio, oi ega'ina papie'i lau fou apinauga kapula iifa faunina Iesu Kristo fouga apapea au'i fopalagaini'i. Ke Klement ke lau fou apinauga au'i isa'i agu pagai maunina akeafia pukagai aka'i Deo epapua au'i isafa fopalagaini'i laoma.

Filemon 1:17

Ega puo oi loopolaga lau oi fou pinauga aga'omo akapa looma koa aisama, lau ala foifa koko omaisau looma koa i'opoga, isa ega foifa koko oma.

Hibru 3:14

Iifa gome, i'a Iesu apako'ania mo aisama, pako'a ega'ina ko'a ipauma auga aafia, Iesu fou kai'alao aagu. I'a ega'ina pako'aga agaafiapi kapulania mo agelao fuagai aisama, Deo ega agofa'aiafugai, Iesu fou kai'alao agaagu.

2 Peto 1:1

Lau Saimon Peto, Iesu Kristo ega pinauga, ke ega apostolo au, i'ina malelega lapapua oi eemi efai. Oi auga, i'a a'a Deo ke i'a kania'a eagamauga auga Iesu Kristo fou papiau alo'i opaina kepamia auga faagagai, oi pako'a kapa akaiki'a lai aafia auga koa i'opoga oafiia.

1 Ioane 1:3

Ke lai kapa'ina aisa, ke a'o alogonia auga pau oi maamiai aifafoua. Ega koa oi isafa lai fou aga'omo famia aoma. Ke lai auga Ama'a Deo, ke Gauga Iesu Kristo fou aga'omo amia.

1 Ioane 1:7

Kai Deo eaea puo, i'a Deo ega iifa ko'a'i au'i kai'iai mo agapea, ke laomai felo'i mo agakapa'i aisama, i'a ma'oai opo'a aga'omo, ke fou kai'alao apea. Ke Deo Gauga Iesu i'a fau'aisai kolotiai ifa efaka auga, i'a a'a laomai apala'i ma'oai eikulai'i.