Filipi 1:21 - Mauni Mamaga Iifaga

²¹ Gome lau laague auga Iesu Kristo puogai laague. Ke alamae aisama, lau isa fou agaagu aoniamo.

Filipi 1:21 Iomraidhean Croise

1 Korinto 1:30

Kai Deo oi faumiai ega koa ekapaisa kainai, oi auga Iesu Kristo fou omia. Ke Iesu Kristo auga i'a a'a ikifa Deo eegai emai auga. Ke isa faugai i'a Deo maagai alo opai au'a amia, ke alo lolofa au'a amia. Ke isa faugai Deo i'a kania'a eagamauga.

1 Korinto 3:22

Paulo, Apolos, Peto au'i oiso ganinagai oi apumi, gome isa oi faumiai keague kepinauga. Ke isa mo laa'i kai, agofa'a, mauni, mae, ke pau kapa'ina kemia au'i, ke muni kapa'ina akemia au'i isafa ma'oai oi apumi.

2 Korinto 5:1

Lau ega laifa oma, gome pau inae aagoai imaau'a, e'a koa i'opoga alogai aaguega auga ageisauoka laa'i agemia aisama, ufai Deo eegai imaau'a, e'a koa i'opoga ageka aoniamo auga agepeni'a auga alogo. Ke ega'ina e'a auga papiau aumauni ima'iai akekapaisa.

2 Korinto 5:6

Ega puo lai alomai apakapulania aefuafua, ke pau imaaumai i'inagai aague alogai, ifomai emai paguai koa aague, ke Lopia eegai alaagu auga alogo.

2 Korinto 5:8

Lau laifa lai alomai apakapulania laoma, ke lau anina laani auga, lai imaaumai i'ina pau aagoai ekae auga fapua'afuga falao, emai pagua ko'agai Lopia fou faagu laoma.

Kalatia 2:20

Kai lau Iesu Kristo kolotiai emae auga muninai lapea. Ega'ina auga isa kolotiai emae koa i'opoga, lau isafa kolotiai lamae. Ke pau auga lau ifou kapa'ina makapa laoma auga alakapa kai, Iesu Kristo alouai eague auga, lau kapa'ina fakapa eoma auga mo lakapa. Isa lau aniu eani alogaina kainai aeumaka ifo imaauga Deo epa'a penia kolotiai emae, kaniau eagamauga. Ega puo pau agofa'ai laague alogai, isa Deo Gauga lau epalagainiau auga alou ko'agai lapako'ania.

Kalatia 6:14

Kai lau auga kapa ega koa auga aina'auga afalapa'aua! Kai lau Iesu Kristo lau e'u laomai apala'i fau'iai kolotiai emae auga, aina'auga alapa'aua afaefuafua. Gome Iesu kolotiai emae aisama, lau agofa'ai kapa'ina mo ani'i laani au'i isa fou kemae. Ega puo papiau inae agofa'ai keopolaga kapa'ina akaiki'a'i keoma au'i lau eeuai auga kapa e'ele'i.

Filipi 1:20

Ke lau alou ko'agai la'ima ke afia'amaga lapa'aua auga, kapa'ina mo faagauai fekemia mo ganinagai, lau afalameagai. Kai aufa kina lakapa koa i'opoga, lau afalamani'i alou alapaaipania alapinauga paisa, ega koa lau faagu o famae ma ganinagai, Iesu Kristo lau faagauai aka akaiki'a femia laoma.

Filipi 1:22

Kai lau alaagu mo agelao koa aisama, ega'ina auga lau Kristo faugai fapinauga paisa, ega koa e'u pinauga anina auga papiau Iesu Kristo eega famaiseini'i laoma. Kai lau kapa'ina fakinaga? Lau faagu o famae auga alalogo!

Filipi 1:23

Gome i'ina kapa'i auni'i epo'iai lau kapa'ina fakapa auga alalogo. Lau anina laani famae falao Kristo fou faagu laoma. Ega'ina auga felo ipauma.

Filipi 2:21

Gome papiau ma'oai auga isa ifo'i mo kapa'ina anina keani auga mo kainai kepea kai, Iesu Kristo kapa'ina anina eani auga kainai akepea.

Kolose 3:4

Ke Iesu Kristo i'a a'a agu maunina ko'a ipauma auga, ega eaea ke isapu akaiki'agai agemai pugu aisama, oi isafa isa fou ega'ina eaea, ke isapuga alogai agoapafoki.

Revelation 14:13

Egae kai lau ufai aufalao aga'o iina eifa oma aina lalogonia, “Pau papiau Lopia puogai kemae au'i Deo eegai kapa felo'i akeafi'i auga fouga mopapua,” eoma. Ega aisama Deo ega Spiritu eifa einaka, “E, ko'a ipauma! Isa e'i afipuguai akelaagai, gome isa e'i pinauga felo afa akeafia,” eoma.