Filipi 1:13 - Mauni Mamaga Iifaga

¹³ Ega koa emia puo, lau Iesu Kristo puogai latipula auga kin ega e'a ke'ima au'i, ke papiau ma'oai isafa kelogo afe'ai.

Filipi 1:13 Iomraidhean Croise

Acts 26:29

Ke Paulo einaka, “Nini'ani epo maefa o ofola'o ma ganinagai, lau Deo lamegamega penia ega koa oi mo laa'i kai, pau inae ainau kelogo au'i ma'oai isafa, lau koa i'opou Kristiano fekemia laoma. Kai lamegamega lau tieiniai kegopeisau tipula au lamia koa i'opoga, isa fakemia laoma,” eoma.

Acts 26:31

Ega'ina alogai kenini'ani keifa keinaka, “Iifa gome i'ina auga femae, ke fetipula koa kelelega aga'o aekapaisa,” keoma.

Acts 28:17

Paulo Roma taoninai eagu kina oiso elao afegai, Iudea papiau'i ke'ima'i lopia'i ee'iai iifa eulaisa isa eagu e'agai fekekaigugu eoma. Ke kekaigugu aisama epaini'i einaka, “Aau akiu, lau Iudea papiau'i faaga'iai, ke ufu'a apa'a e'i kagakaga kainai kapa apala aga'o alakapaisa. Kai Ierusaleme taoninai Iudea papiau'i keafiiau Roma papiau'i ima'iai kepaauisau kepatipulaniau.

Acts 28:20

Ega'ina puogai fou faisa'a fanini'ani laoma, laifa kaiguguimi. Lau Mesaia Israel papiau'i kania'i ageagamauga ke'ima auga lapako'ania puogai, tieiniai kegopeisau iina koa tipula au kepamiaisau.

Acts 28:30

Paulo Roma taoninai e'a aga'o afa eogeisa, inipo auni'i fofouga egae eagu. Ke isa kegaisa keoma au'i ma'oai eifa koko'i.

Efesus 3:1

Ega kainai lau Paulo oi Iudea papiaumi laa'i aumi faumiai Iesu Kristo puogai tipula au lamia.

Efesus 4:1

Ega puo lau Lopia faugai tipulai laague au, oi lagoi peni kapulanimi, ega koa Deo eifanimi ala foagu oma eoma auga, ega'ina mo agugai foagu laoma.

Efesus 6:20

Ke lau auga Iesu Kristo ekinaniau inae aagoai isa faugai lapinauga puogai tipula au lamia. Ke fauai fomegamega, ega koa aimani'iu mo, Deo lau ega'ina iifaga ala faifafou oma eoma auga, i'opoga mo fakapa laoma.

Filipi 1:30

Gome lau kapa'ina apala'i faagauai kemia oisa'i au'i, ke pau faagauai kemia a'o'i ologoni'i au'i isafa i'opo'i mo oi faagamiai kemia.

Filipi 1:7

Lau alou ko'agai oi animi laani kainai, oi eemiai ega laopola oma auga ekainia. Gome lau pau tipulai laague, o iifa faunina Iesu Kristo fouga iina laogeisa ke fouga ko'a mo auga laifafoua, ega koa Deo ega gafegafe oi ma'oai fou kai'alao aafiia.

2 Timoti 2:9

Kai papiau isa'i iifa faunina Iesu fouga keumakalaina. Ega kainai isa lau kelele akaiki'a'i kekapa'i au'i koa i'opou kepamiaisau, tieiniai kepaagaisau ke tipula au lamia lakiekie alogaina. Kai lau tipulai kepaaguisau mo ganinagai, papiau i'oi'i isa'i Deo ega iifa papiau maa'iai keifania aefuafua. Ega puo lau tieiniai kepaagaisau mo ganinagai, Deo ega iifa auga tieiniai akepaaga afaekaina.