Filipi 1:12 - Mauni Mamaga Iifaga

¹² Aau akiu Kristiano aumi, kapa'ina lau faagauai emia auga epipalagai, iifa faunina Iesu fouga epapea efoufa'a papiau ma'o kelogo auga, pau anina laani oi ega'ina fouga fologo laoma.

Filipi 1:12 Iomraidhean Croise

Luka 21:13

Oi isa ago'iai agoapa iina koa faagamiai akemia aisama, ega'ina laoga maina agepalagainimi lau fou alao amai auga fouga isa maa'iai agoifafoua.

Acts 8:4

Ega puo pako'a papiau'i kekani okaoka afu aga'o aga'o kelao au'i, iifa faunina Iesu fouga keinogonia.

Roma 8:28

Ke i'a alogo, Deo kapa ma'oai ekapa'i auga, papiau kapa'i alo'i ko'agai Isa anina keani, ke ifo kapa'ina fekekapa eoma kainai eifani'i au'i fau'iai felo mo femia eoma puo ekapa'i.

Roma 8:37

Ega'ina mo laa'i kai, Iesu Kristo alo ko'agai i'a ani'a eani auga faagagai, ega'ina kapa'i ma'oai agapalutini'i.

Filipi 1:5

Gome iifa faunina Iesu fouga opako'ania mo kinagai, oi lau opalagainiau iifa faunina Iesu Kristo fouga aifafoua mo emai pau kina.

Filipi 1:7

Lau alou ko'agai oi animi laani kainai, oi eemiai ega laopola oma auga ekainia. Gome lau pau tipulai laague, o iifa faunina Iesu Kristo fouga iina laogeisa ke fouga ko'a mo auga laifafoua, ega koa Deo ega gafegafe oi ma'oai fou kai'alao aafiia.

Filipi 2:22

Kai Timoti auga Iesu Kristo ega pinauga agekapa agekaina auga oi ologo, gome isa auga au aga'o gauga fou kepinauga koa i'opoga isa lau aunimai iifa faunina Iesu Kristo fouga pinaugaga akapaisa.

Filipi 4:15

Ke oi Filipi papiaumi, oi ologo mamagai mo lau iifa faunina Iesu Kristo fouga mainogonia laoma, Masedonia ago lapua'afuga aisama, iifi e'a aga'o lau fou alamia pipeni alapipeni ke alaafia papiau alapalagaini'i. Kai oi mo ega koa okapaisa.

Filipi 4:3

Ke oi alomu ko'agai lau fou Iesu Kristo ega pinauga akapa aumu lagoinio, oi ega'ina papie'i lau fou apinauga kapula iifa faunina Iesu Kristo fouga apapea au'i fopalagaini'i. Ke Klement ke lau fou apinauga au'i isa'i agu pagai maunina akeafia pukagai aka'i Deo epapua au'i isafa fopalagaini'i laoma.

1 Timoti 2:8

Kai pau lau pako'a au'i e'i laomai ala fekekapa oma auga fouga alaifania. Pako'a au'i kapai kapai kemegamega aisama, Deo maagai alo'i felo fekepamia keoma puo, ima'i keafiakae kemegamega. Kai lau anina laani alogaina auga, isa akemegamega koa kai, papiau ee'iai gua'i faekupu, ke kai aga'o eegai fakeakekua kai alo'i felogai Deo fekemegamega penia.

2 Timoti 2:9

Kai papiau isa'i iifa faunina Iesu fouga keumakalaina. Ega kainai isa lau kelele akaiki'a'i kekapa'i au'i koa i'opou kepamiaisau, tieiniai kepaagaisau ke tipula au lamia lakiekie alogaina. Kai lau tipulai kepaaguisau mo ganinagai, papiau i'oi'i isa'i Deo ega iifa papiau maa'iai keifania aefuafua. Ega puo lau tieiniai kepaagaisau mo ganinagai, Deo ega iifa auga tieiniai akepaaga afaekaina.

2 Timoti 4:17

Kai ega kina'iai lau iifa ipakainai laapa alogai Lopia epapinauganiau Iudea papiau'i laa'i au'i maa'iai iifa faunina isa ifo fouga faifafoua a'o fekelogo eoma. Ega puo Lopia lau fou amia epalagainiau epakapulaniau. Ke lau iifa ipakaina afugai lakoko aisama, papiau laion koa i'opo'i fekeagaisau famae koa i'opoga kai Lopia epalagainiau kaniau eagamauga.