Filipi 1:11 - Mauni Mamaga Iifaga

¹¹ Ke Iesu Kristo ifogamo alo opai lao'i mai'i epipeni. Ega puo oi emi agu alogai isa fepalagainimi alo opai lao'i mai'i alomi fepapogua, anina alomiai feoge laoma. Ke ega koa agokapa aisama, papiau Deo au akaiki'a akepamia, ke akeau afagaina.

Filipi 1:11 Iomraidhean Croise

Mateo 5:16

Ega koa i'opoga, oi isafa laomai felo'i fokapa'i emi eaea papiau laa'iai fopagefaua, ega koa papiau oi emi laomai felo'i fekeisa'i Amami ufai eague auga fekeifagaina.”

Ioane 15:16

Oi lau alokinaniau kai lau oi lakinanimi, ega koa folao puami ma'o fooge laoma. Ke puami ega'ina auga akeka aoniamo au'i pua'i fooge. Ega koa lau akauai kapa'ina Amau agogoina auga agepenimi.

Ioane 15:2

Isa lau faagauai au aga epealai kai puaga aga'o aeoge auga efoua. Kai au aga kapa puaga eoge auga ekanina, ega koa puaga ma'o paisa feoge eoma.

Ioane 15:8

Oi kapa'ina lau Amau ogoina auga agepenimi aisama, au aga puaga ma'o eoge koa i'opomi agomia, ke oi lau e'u imoi ko'ami auga papiau akelogo. Ega'ina agemia auga, oi faagamiai lau Amau ega akaiki'a ke ega isapu fou akefoki.

Roma 15:28

Ega puo lau isa Deo ega papiau kemia auga, puaga koa eogeisa auga monina alafakelaisa Iudea papiau'i alapeni'i, ke ega'ina pinauga alapafua aisama Spain alalao. Ke ega alalao alogai, alafai oi isafa alaisami.

Roma 6:22

Kai pau Deo oi laomai apala'i ee'iai epapealaimi, ke Deo ega kala'afi aumi omia. Ke pau ega'ina anina auga oi alomi elolofa, ke muniai afa auga agu pagai maunina agoafia.

1 Korinto 10:31

Ega puo oi agoaniani, o kapa aga'o agoinu, o kapa aga'o agokapa aisama, papiau Deo au akaiki'a fekepamia, ke fekeau afagaina auga laoga mainai fokapa.

2 Korinto 9:10

Ke pau Deo au oga'i aufalao aga'o epenia efauga auga, palafa isafa epenia eania. Isa oi au oga'i ani'i oani au'i agepenimi, agofauni'i akeuki. Ke oi alo opai laoga maina okapa auga faagagai, Isa oi au oga'i ofauni'i au'i ani'i ma'opa'i agepamia'i agoafi'i.

Efesus 1:12

Ega koa lai aufai emai afia'ama Iesu Kristo eegai aoge aumai, Deo ega eaea akaiki'a, ke ega isapu akaiki'a auga faau afagaina eoma.

Efesus 1:14

Ke Deo ega Spiritu oi epeniimi auga, Isa eifa ko'ania kapa'ina Isa ega papiau apu'i eoma auga akeafia paisa auga gouga epakinai'a. Ke ega koa mo agemia agelao papiau kapa'i Deo apuga kemia au'i ma'oai e'i laomai apala'i afa ageoge. Ega koa ega eaea ke ega isapu akaiki'a faau afagaina eoma.

Efesus 2:10

Lau ega laifa oma, gome Deo i'a epagamai'a. Ke i'a Iesu Kristo apako'ania aisama, Deo i'a papiau mama'a epamiai'a, ega koa pinauga felo fakapa eoma. Ke ega'ina pinaugaga auga Deo ufainagai epafua eka fakapa eoma.

Efesus 5:9

Gome eaea puaga auga, laomai felo'i, ke alo opai lao'i mai'i mo kekapa'i, ke iifa ko'a mo keifani'i.

Filipi 4:17

Lau pipeni aga'o lakapunia puo ega koa aemia kai, lau anina laani oi lau opalagainiau anina auga, Deo oi kapa felo'i ma'o fepenimi laoma puo ega koa emia.

Kolose 1:10

Ke lai amegamega ega koa oi Lopia agu kapagai foagu eoma auga mo agugai foagu, ke Lopia alo agopagama mo lao'i mai'i fokapa'i Lopia alo fopagama aoma. Ke lai amegamega ega koa oi pinauga felo okapa auga anina feoge, ke Deo fologo auga logo feuki akaiki'a femia aoma.

2 Tesalonika 1:12

Ke lai ega amegamega oma, ega koa Ama'a Deo ke a'a Lopia Iesu Kristo fou e'i gafegafeai Lopia Iesu Kristo aka oi eemiai akaiki'a femia aoma. Ke oi Iesu fou oagu kainai, Iesu ega akaiki'a oi fou kaimialao foafia aoma.

Taitus 3:14

Ke lau anina laani a'a papiau fakeagu aage mo laoma. Ega puo alo'i, imaau'i fofougai isafa fekemalele, Deo maagai kapa'ina felo'i au'i fekekapa'i, ega koa aufa kina kapa'ina mo ani'i keani au'i, e'i pinaugai fekekapa'i fekeafi'i laoma.

Hibru 12:11

Kai papiau ma'oai kepaikifani'i keaga felogai kepapea'i alogai, papiau alo'i aegama kai kiekie mo kepa'aua. Kai muni kemaleleaina efua aisama, ega'ina ikifagai isa alo'iai Deo ega gagao euki, ke anina eoge auga Deo maagai alo opaina emia.

1 Peto 2:12

Oi Deo akepako'ania papiau'i epo'iai oague alogai, agu felogai foagu. Ega koa isa oi laomai apala okapa keoma keifa apala penimi mo ganinagai, isa oi felo okapa auga fekeisa, ke Iesu Kristo agemai i'a ageisa'a kinagai aisama, isa Deo au akaiki'a fekepamia laoma.

1 Peto 2:5

Ke oi isafa kepo ega'ina ekae aoniamo koa i'opoga fomia, Deo oi fepapinauganimi, Isa ega e'a fepaapa. Egae oi Deo ega sakedote au'i koa fomia, Iesu Kristo faagagai Deo pipeni anina eani koa i'opomi fomia, ifomi imaaumi Deo fopalao penia.

1 Peto 2:9

Kai oi auga, Deo ekinanimi papiaumi. Ke oi sakedote, Deo, Kin ega pinauga okapa aumi. Ke oi Deo ega ago papiaumi, ke Deo apuga omia. Ega koa Deo oi uminagai eifalaimi elaoainimi Isa ega eaea felo ipaumagai epakokoimi auga isau afagaina foifafoua eoma.

1 Peto 4:14

Ke Iesu Kristo aka puogai papiau oi akeifa apala penimi koa aisama, oi auga Deo eegai kapa felo'i oafi'i aumi. Gome Deo ega Spiritu, isapu ke eaea akaiki'a gome auga oi alomiai eague.