Filipi 1:10 - Mauni Mamaga Iifaga

¹⁰ Ega koa kapa'ina felo auga foisa fologo, ke alomi felolofa, ke kapa apala aga'o folokapa, puo foloafia mo felao Iesu Kristo femai pugu kinagai kai laoma.

Filipi 1:10 Iomraidhean Croise

Mateo 16:23

Kai Iesu isa eaipenia kai epainia einaka, “Satani, muniu mai lao! Oi lau ifeu fa'anina fa'ualai koa kapa lomia e'u keaga lokaisapua. Oi Deo kapa'ina fekapa eoma auga aloopolaga kai papiau aumauni kapa'ina fekekapa keoma auga mo loopolaga,” eoma.

Mateo 26:33

Ega aisama Peto eifa einaka, “Isa ma'oai oi puomuai feke'ualai mo ganinagai, lau auga afala'ualai laa'i,” eoma.

Ioane 1:47

Ke Iesu Natanael isa eega emai eisa aisama, isa fouga eifania einaka, “Amoisa! Israel auga ko'a ipauma auga inamo'e. Ke isa alogai pifoge kapa'i aga'o laa'i,” eoma.

Ioane 3:20

Isa ega kekapa oma, gome kaisau laomai apala ekapa auga, alo ko'agai eaea anina aeani, ke ega laomai apala'i ega'ina afekefoki auga mani'ina epa'aua puo, afaemai eaea alogai afaekoko.

Acts 24:16

Ega puo lau alou ko'agai aufa kina, Deo maagai ke papiau aumauni maa'iai, ifou la'ima feloisau puo, kapa apala aga'o alakapaisa.

Roma 12:2

Ke oi i'ina agofa'a laoga maina muninai folopea kai, oi Deo maagai alomi fofouga mamaga auga faagagai oi alomi feponi. Ega koa oi Deo ega logo felo ipauma, eegai alo egama, ke kapa aga'o eegai aeafiafi'afu auga logo kapa'ina auga foisa fologo felo eoma.

Roma 12:9

Ke alomi ko'agai papiau ani'i oani aisama, pifogeai folokapa kai alomi ko'agai fokapa. Ke kapa'ina apala auga alomi ko'agai anina foloani kai kapa felo'i au'i foafiapi'i.

Roma 16:17

Aau akiu Kristiano papiaumi, lau oi lagoi kapula penimi, oi kapa'ina omaleleaina auga kainai akepea, ke oi epomiai ke'eaimi, ke emi pako'a kekaisapua au'i foisa felo'i. Ke ega'ina papiau'i fomuni'i.

Roma 2:18

Ke Deo ega iifa oi epamalelenimi puo, oi oifa Deo kapa'ina anina eani auga ologo efua ooma. Ke Deo maagai kapa akaiki'a auga felo ooma.

Roma 7:16

Ke lau kapa'ina falakapa laoma auga lakapa koa aisama, lau isafa Moses ega iifa kapa'ina eifania auga ekainia ke felo laoma.

Roma 7:22

Gome lau guau alo ipaumagai auga Deo ega iifa eegai alou egama.

Roma 8:7

Lau ega laifa oma, gome papiau aumauni laoga maina apala mino auga Deo fou ke'ou. Gome papiau aumauni laoga maina apala mino auga, Deo kapa'ina eifania auga kainai afaepea, ke agekapa isafa afaekaina.

1 Korinto 1:8

Ke Deo oi agepakapulanimi kainai, Iesu agopako'ania mo agelao kina fuagai, ega koa Iesu Kristo agemai pugu aisama, oi kapa apala aga'o okapaisa auga puo afaepenimi.

1 Korinto 10:32

Ke oi emi agu alogai kapa ma'oai agokapa'i aisama, Grik papiau'i, o Iudea papiau'i, o Deo ega iifi e'a papiau'i oi kapa'ina okapa akeisa auga, isa e'i pako'ai afolopa'ulai'i au'i mo lao'i mai'i fokapa'i fekeisa'i.

1 Korinto 8:13

Ega puo lau kapa'ina laania aau akiu Kristiano auga aga'o lapa'ualaisa laomai apala ekapa koa aisama, lau fo'ama ega'ina deo pifoge'i kepa'a peni'i au'i afalaani'i pugu, ega koa lau isa ega pako'ai afalapa'ulaisa.

2 Korinto 1:12

Pau lai emai aina'au auga i'ina: Lai alomai eifa, lai i'ina agofa'agai ifomai a'imaimai emai laomai ma'oai felo'i mo akapai'i auga ko'a eoma. Ega'ina auga lai Deo eegai laomai kemai au'i, alo lolofa lao'i mai'i, ke alomai ko'agai ega'ina lao'i mai'i oi ipaumami aumi eemiai akapai'i. Ke ega koa akapaisa auga i'ina agofa'a ikifagai alakapaisa kai, Deo ega gafegafe akaiki'a kainai akapaisa.

2 Korinto 2:17

Kai i'a auga papiau ma'o isa'i, moni fekeafia keoma, Deo ega iifa, iifa i'oina aga'o fou keafi lapuinia au'i koa laa'i. Kai Iesu Kristo fou amia kainai, i'a papiau Deo eegai kemai au'i koa i'opo'i amia, i'a isafa alo'a ko'agai Deo agogai ega iifa aifafoua.

2 Korinto 6:3

Ke lai aufalao aga'o ife fe'anina fe'ualai auga kapa aga'o keagai alaoge, ega koa kai aga'o lai emai pinauga akapa apalania faeoma aoma.

2 Korinto 8:8

Lau alaifa kapula penimi ega'ina okapa alaoma kai, anina laani oi alomi ko'agai papiau ani'i oani auga laoga maina, papiau isa'i e'i laomai fou maoge'opo ma'opoimi maisa laoma.

Kalatia 5:11

Aau akiu Kristiano papiaumi, papiau isa'i keifa lau papiau ma'oai maguae'i faaga iifalaina gouga pamalelega lapamalelenia keoma. Kai lau ega mapamalele oma koa aisama, kapa puo Iudea papiau'i lau fekeafi apalaniau? Kai lau lapamalele laifa, Iesu Kristo i'a fau'aisai kolotiai emae, ega koa Deo maagai alo opai au'a amia laoma puo, Iudea papiau'i gua'i lapakupua koa i'opoga, ke isa lau keafi apalaniau.

Efesus 4:15

Kai i'a Deo ega papiau ma'oai ani'i aani auga laoga mainai, Deo ega iifa ko'a mo papiau ma'oai maa'iai faifafoua, ega koa kapa ma'oai faaga'iai fauki falao kania'aisai auga Iesu Kristo koa i'opoga famia.

Efesus 5:10

Ke kapa'ina Lopia alo epagama kapa'i au'i mo fokapulai'i fokapa'i.

Efesus 5:27

Ke ega koa iifi e'a ega'ina ofu aga'o faagagai faeka, ke papiau faaga'i ekafefe koa i'opoga auga iifi e'a ega'ina faagagai faeka, ke kua afuga aga'o faagagai faeka kai, isa ifo agogai iifi e'a ega'ina feka fekimage, ke felolofa mo feka, ke kapa apala aga'o iifi e'a ega'ina faagagai faekapulaisa eoma.

Efesus 6:24

Ke lamegamega ega koa kaisau mo alo'i ko'agai i'a a'a Lopia Iesu Kristo anina keani au'i, Deo ega gafegafe akaiki'a ipauma isa fepeni'i fekeagu felo laoma.

Filipi 1:16

Ke alo'i felogai Iesu fouga keinogonia au'i, alo'i ko'agai lau aniu keani kainai kekapa. Ke isa lau tipulai laague auga iifa faunina Iesu fouga iina faoge puo Deo lau inae tipulai epaaguisau auga kelogo.

Filipi 1:6

Ke Deo oi eemiai pinauga felo e'inaisa auga, eemiai pinauga ega'ina agekapa mo agelao Iesu Kristo agemai pugu kinagai aisama, pinauga ega'ina agefua auga lau alou ko'agai lapako'ania.

Filipi 2:16

Ke Deo ega iifa agu pagai maunina epipeni auga foafi inokania, ega koa Iesu Kristo agemai pugu kinagai aisama, lau alapiau aisoge aage mo, ke alaafipugu aage mo auga aina'auga fapa'aua laoma.

1 Tesalonika 3:13

Ke Isa alomi kapulaga gapenimi, ega koa muni i'a a'a Lopia Iesu, ke papiau alo'i opaina au'i fou akemai aisama, oi i'a Ama'a Deo maagai laomai apala aga'o okapaisa auga puo faepenimi, ke alo opai aumi mo fomia aoma.

1 Tesalonika 5:21

Ke kapa ma'oai fo'opo'i, ke felo'i au'i mo foafiapi'i.

1 Tesalonika 5:23

Lai amegamega ega koa Deo ifo gagao inagome auga, oi kapa ma'oai okapa'i au'i faaga'iai alo lolofa aumi fepamiaimi aoma. Ke i'a a'a Lopia Iesu Kristo agemai pugu aisama, lalaumiai, alomiai, ke imaaumiai laomai apala aga'o okapaisa faeoma puo faepenimi aoma.

1 Ioane 4:1

Ekefa'auagai, papiau spiritu ega isapuai kenini'ani keoma au'i folopako'a afe'aini'i. Kai oi isa kapa'ina keifania auga Deo ega Spiritu ma eegai emai keifania auga fo'opo foisa. Gome profeta pifoge'i ma'o kepealai agofa'a fofouga kepea.

Revelation 2:2

Lau oi kapa'ina lokapa'i auga, ke lopinauga kapula, ke kapa'ina faagamuai kemia ganinagai, gamu'i mo looponi'i auga lalogo. Ke oi au apala'i au'i aloafi'i fou aloagu, ke kaisau apostolo laa'i kai ifo'i apostolo keomai'i au'i lo'opoi'i, ke isa pifoge au'i auga lokapulaisa auga isafa lalogo.