Filipi 1:1 - Mauni Mamaga Iifaga

¹ Lau Paulo i'ina malelega lapapua. Ke lau Timoti aunimai auga Iesu Kristo ega pinauga ikapa aumai. Isa lau aunimai akamaisai i'ina malelega laulaisa oi Filipi taonina papiaumi Iesu Kristo fou omia kainai Deo ega papiau omia aumi, ke iifi e'a o'ima aumi ke opipalagai aumi fou eemi efai.

Filipi 1:1 Iomraidhean Croise

Mako 13:34

Ega'ina kina auga, au aga'o agoma elao aisama, ega pinauga au'i aua e'i pinauga epeni'i, e'a epa'ima'i, ke pa'afi akegai eapa auga epaina fe'ima'ima eoma koa i'opoga.

Ioane 12:26

Ke kaisau lau e'u pinauga ekapa auga lau muniuai fepea, gome lau kapai alaagu auga, lau e'u pinauga auga isafa egae ageagu. Ke kaisau lau e'u pinauga ekapa auga, lau Amau isa au akaiki'a agepamia agepalopiania.

Acts 1:20

Peto enini'ani paisa einaka, “Judas faagagai kapa'ina agemia auga fouga, ufainagai Sam pukagai Davide epapua auga alogai iina epapua oma: “‘Isa afuga gamaini, ke kai aga'o isa afugai faeagu.’ Sam 69:25 Ke i'ina isafa epapua: “‘Isa afuga aufalao aga'o feafia fepinauga,’” eoma. Sam 109:8

Acts 20:28

Ifomi fo'ima feloimi, ke Deo ega Spiritu oi ima'ima aumi epamiaimi, papiau ma'oai oi imamiai epaau'i au'i fo'ima'i. Ke sipi i'ima au'i koa fomia Deo Gauga eulaisa papiau fau'iai emae, ifagai e'afai'i ega papiau epamia'i au'i isafa fo'ima'i.

Acts 9:13

Ega aisama Ananias einaka, “Lopia, papiau ma'o ee'iai i'ina auga Ierusaleme taoninai oi emu papiau ala epalifu oma'i auga fouga lalogo.

Roma 1:1

Lau Paulo Iesu Kristo ega pinauga au. Lau auga Deo ega iifa faunina Iesu Kristo fouga faugai papiau epo'iai eifalaisau apostolo epamiaisau.

1 Korinto 16:10

Ke Timoti oi eemi afefai koa aisama, foifa koko, ke fo'ima felo, ega koa isa kapa aga'o mani'ina faepa'aua. Gome isa lau koa i'opou Lopia ega pinauga ekapa efai elaoaina.

2 Korinto 1:1

Lau Paulo. Lau auga Deo ega logoai Iesu Kristo ega apostolo lamia. Lau i'ina malelega lapapua, ke aki'a Timoti aunimai akamaisai laulaisa, oi Deo ega iifi e'a papiaumi Korinto taoninai oague aumi, ke Deo ega papiau ma'oai Akaia agogai oaguega aumi fou eemi efai.

Kalatia 1:10

Ke pau papiau lau aniu kegaani laoma puo, ega'ina lakapa, o Deo aniu gaani laoma puo ega'ina lakapa ma? Ke lau papiau alo'i mapagama laoma puo, ega'ina lakapa ma? Laa'i. Lau papiau mo alo'i mapagama paisa koa aisama, lau Iesu Kristo ega pinauga au falamia.

Kalatia 3:26

Ke pau oi ma'oai Iesu Kristo opako'ania kainai oi Deo gauga omia.

Kalatia 3:28

Ke oi Iesu fou aga'omo omia aisama, oi papiau kapami auga kapa aga'o laa'i. Oi Iudea aumi, o Iudea aumi laa'i ma, o oi papie o au ma, o oi kala'afi o papiau aagemu ma ganinagai, oi ma'oai Iesu apuga.

Efesus 1:1

Lau Paulo. Lau auga Deo ega logoai Iesu Kristo ega apostolo lamia. Lau i'ina malelega lapapua oi Efesus taoninai Deo ega papiau, alomi ko'agai Iesu Kristo muninai opea aumi eemiai laulaisa.

Efesus 1:15

Ega kainai lau isafa oi Iesu Kristo opako'ania, ke alomi ko'agai Deo ega papiau ma'oai ani'i oani auga fouga lalogo mo aisama, e'u megamegai laopolanimi, ke faumiai Deo tenkiu lapenia aefuafua.

Efesus 6:24

Ke lamegamega ega koa kaisau mo alo'i ko'agai i'a a'a Lopia Iesu Kristo anina keani au'i, Deo ega gafegafe akaiki'a ipauma isa fepeni'i fekeagu felo laoma.

Filipi 2:19

Kai lau e'u afia'ama auga Lopia Iesu lau agelogoainiau Timoti alaulaisa agefiakoa oi eemi agefai. Ega koa isa agemue agemai pugu oi foumi lau maauai ageifania aisama, lau isafa alou fekapula laoma.

Filipi 2:5

Ke oi emi laomai auga Iesu ega laomai koa i'opoga femia. Ega'ina laoga maina auga iina koa:

Filipi 3:12

Kai lau ega'ina kapa'i ma'oai faagauai akemia koa, o lau alou opaina aemia koa. Kai lau launiaimoimo lalao paisa, ega koa Iesu Kristo lau eafiiau kinagai, isa lau kapa'ina faafia eoma auga faafia laoma.

Filipi 3:3

Gome i'a auga papiau maguae'i faaga iifalaina emia auga gouga ko'a ipauma auga aafiia. Ega'ina auga i'a Deo ega Spirituai Deo aau afagaina, ke Iesu Kristo fou amia kainai aaina'au kai, faaga'aisai kapa'ina kekapaisa auga alapako'ania.

Filipi 3:8

Ke ega'ina kapa'i mo laa'i kai, lau e'u Lopia Iesu Kristo kapa ma'oai eka'egaini'i auga lalogo aisama, kapa ma'oai isafa kapa aga'o laa'i lapamia'i. Ke ega'ina kapa'i ama'ama lapamia'i, ega koa lau Iesu Kristo faafia alouai feagu, ke Iesu alouai eague auga papiau fekeisa. Ke lau Moses ega iifa muninai lapea kainai, alou opaina aemia kai, Iesu Kristo lapako'ania kainai, alo opai au lamia. Ke alo opai ega'ina auga Deo eegai emai, ke pako'ai isafa emai.

1 Tesalonika 1:1

Lau Paulo, i'ina malelega lapapua, Silas, ke Timoti aumai oiso akamaisai laulaisa oi Deo ega iifi e'a papiaumi Tesalonika taoninai oague aumi eemi efai. Oi auga Iesu Kristo opako'ania kainai, Deo Ama auga, ke Lopia Iesu Kristo fou e'i papiau omia. Lai i'a Ama'a Deo amegamega penia, ega koa Lopia Iesu Kristo fou e'i gafegafe akaiki'a, ke e'i gagao fou fekepenimi foagu felo aoma.

1 Tesalonika 2:2

Oi lai Filipi taoninai keafi apalanimai akiekie, ke keifa apala penimai auga isafa fouga ologo. Ega'ina alogai papiau ma'o lai kapa'ina akapa auga anina akeani puo, kegapaapa kipoimai keoma mo ganinagai, i'a a'a Deo ega pipalagaisai, lai aaipa, akapula, Isa ega iifa faunina Iesu fouga oi maamiai aifafoua.

2 Tesalonika 1:1

Lau Paulo i'ina malelega lapapua, ke Silas, Timoti aumai oiso, akamaisai laulaisa oi Tesalonika taoninai Deo ega iifi e'a papiaumi oague aumi eemi efai. Oi auga Iesu Kristo opako'ania kainai, Deo Ama auga, ke Lopia Iesu Kristo fou e'i papiau omia.

2 Tesalonika 1:10

Kai ega'ina kinagai agemai aisama, papiau isa kepako'ania ega papiau kemia au'i ma'oai, isa fekeau afagaina, ke au akaiki'a fekepamia eoma. Ke akeisa akeopofua akekauai alogaina. Ke oi lai iifa faunina Iesu fouga aifafoua auga opako'ania kainai, oi isafa ega'ina papiau'i epo'iai agoapauka.

1 Timoti 3:8

Iifi e'a papiau'i e'ima'i lopiaga koa i'opoga, iifi e'agai epipalagai auga isafa, ega laomai fepafelo alogaina, ega koa papiau isa fakepakefe. Ke isa kapa'ina ageifania auga papiau aina fekeafia, ke kainai fekepea, ke au akaiki'a fekepamia. Ke isa mala aniani auga faemia, ke inuinu isafa auga faemia. Ke isa moni faugai Deo ega pinauga faekapa.

Taitus 1:1

Lau Paulo. Deo anina eani lau Isa ekinani'i papiau'i fapapea'i Isa fekepako'ania, ke ega papiau fekemia eoma. Ke ega papiau fapapea'i Isa ega iifa ko'a'i mo fekelogo, fekeau afagaina ke ega iifa isafa kai'iai fekepea eoma. Ke lau e'u pinaugai ega'ina papiau'i agu pagai maunina akeafia auga fekepako'ania, ke afia'amaga fekepa'aua fekeagu feke'ima eoma. Agu pagai maunina ega'ina auga Deo aepipifoge auga agofa'a aepagama koa kai ifo ega logoai eifa ko'ania, muni ega papiau fekeagu pagainia eoma. Deo lau ega'ina kapa'i ma'oai fakapa'i eoma puo ekinaniau ega pinauga ikapa auga lamia, ke Iesu Kristo ega apostolo epamiaisau.

Taitus 1:7

Gome pako'a papiau'i e'ima'i lopiaga ega pinauga auga Deo ega pinauga kainai, feagu felo ega laomai felo'i mo fekapa'i, ega koa ega pinaugai papiau isa kapa aga'o ekapa lilifua fakeoma puo fakepenia. Isa ifo faeau afagai alogaina, ke ifo logogai faepea. Isa gua faekupu faefiakoa, inuinu auga faemia, papiau faeau aageni'i mo ke pifogeai moni faeafia.

Filemon 1:1

Lau Paulo. Lau Iesu Kristo faugai latipula au malele lapapua, ke aki'a Kristiano auga aka Timoti aunimai akamaisai, oi ekefa'amaiagai fou pinauga aga'omo akapa aumu Filemon eemuai aulaisa.

Hibru 13:23

Ke i'a aki'a Timoti tipulai kepapealaisa auga fouga oi lapalogonimi. Isa lau eeu agemai agefiakoa aisama, lau isa fou agafai agaisami.

James 1:1

Lau James. Deo ke Lopia Iesu Kristo e'i pinauga au. Lau Israel pako'a papiaumi okani okaoka, agofa'ai afu i'oi'i i'oi'iai oague aumi eemiai i'ina malelega lapapua laulaisa. Oi ma'oai oagu felo ma pa'anina lapa'ani.

1 Peto 2:25

Gome ufainagai oi auga sipi keaga i'oina keafia au'i koa omia. Kai pau auga omue omai Deo Sipi I'ima auga, ke lalaumi e'ima auga eegai.

2 Peto 1:1

Lau Saimon Peto, Iesu Kristo ega pinauga, ke ega apostolo au, i'ina malelega lapapua oi eemi efai. Oi auga, i'a a'a Deo ke i'a kania'a eagamauga auga Iesu Kristo fou papiau alo'i opaina kepamia auga faagagai, oi pako'a kapa akaiki'a lai aafia auga koa i'opoga oafiia.

Jude 1:1

Lau Jude Iesu Kristo ega pinauga au, ke James akina au i'ina malelega lapapua oi i'a Ama'a Deo eifanimi, animi eani alogaina papiaumi aumi, ke Iesu Kristo faugai Deo oi i'ina agofa'a lao'i mai'i ee'iai epakaisapuimi aumi eemiai laulaisa.

Revelation 1:1

I'ina puka auga Iesu Kristo kapa'ina epafokia auga fouga. Ega'ina kapa'i auga Deo Iesu Kristo epeniia, ega koa isa kapa'ina emai efua afa'agamo agemia auga, Deo ega pinauga au'i fepakina'i eoma. Ke Iesu Kristo ega agelo eulaisa, ke agelo faagagai isa ega pinauga auga Ioane i'ina kapa'i epalogo.

Revelation 1:20

Mi'imi'i imagea gua imau kainai laafi'i au'i, ke lanepa ipafa'a'i afu'i imagea gua goldai kekapa'i loisa'i au'i e'i ogefake iina koa: Mi'imi'i imagea gua au'i auga, iifi e'a au'i imagea gua au'i, e'i iifa ipapea au'i. Ke lanepa ipafa'a'i au'i imagea gua au'i auga, iifi e'a'i au'i imagea gua au'i.

Revelation 19:10

Ega aisama lau isa ife fo'inai laomukipo maau afagaina laoma. Kai isa lau epainiau einaka, “Moisa! Ega'ina folokapa! Lau auga pinauga au aga'o, oi ke aamu akimu Iesu fouga ko'a mo oifafoua aumi koa i'opou. Oi Deo moau afagaina! Gome Iesu fouga ko'a mo auga Deo ega Spirituai profeta eifania auga.

Revelation 2:12

Isa lau epainiau pugu einaka, “Perkamum iifi e'a papiau'i e'i iifa ipapea auga ega iifa i'ina fopapua: “I'ina iifaga auga, isa pipaini a'ifaga apie apie kepaaka eako alogaina auga eafia auga ega iifa.

Revelation 2:8

Isa lau epainiau pugu einaka, “Smina iifi e'a papiau'i e'i iifa ipapea auga ega iifa i'ina fopapua: “I'ina iifaga auga, isa ufaimaaga emia auga, ke muniai ipauma emia auga, ke emae kai emaunimue auga ega iifa.

Revelation 22:9

Kai isa lau epainiau einaka, “Ega'ina folokapa! Lau isafa oi, ke oi aamu akimu profeta au'i, ke i'ina pukagai iifa ma'oai kekae au'i muni'iai kepea au'i ma'oai koa i'opo'i, Deo ega pinauga ikapa au. Ega kainai Deo moau afagaina!” eoma.