Filemon 1:19 - Mauni Mamaga Iifaga

¹⁹ Lau Paulo i'ina iifaga ifou imauai lapapua. Lau afa alaoge laoma auga afa alaoge paisa. Kai lau kapa'ina oi faagamuai lakapaisa auga afa fooge auga eegai iifa aga'o afalaifania.

Filemon 1:19 Iomraidhean Croise

Roma 16:22

Ke Tertius, lau kapa'ina laifania epapua auga, ega pamego iifa'i Lopia akagai oi eemiai eulai'i.

1 Korinto 4:15

Lau oi ainami lapalogo, gome papiau ma'opa'i au'i 10,000 koa i'opoga, oi maamiai Iesu Kristo fouga keifania mo ganinagai, oi amami ma'o laa'i. Kai lau laufai iifa faunina Iesu Kristo fouga oi eemi lafaiseina, ke oi Iesu opako'ania kainai, lau oi amami ko'a ipauma koa lamia.

2 Korinto 10:1

Lau Paulo, oi epomiai papiau isa'i keifa, lau lafai oi eemiai aisama, lamani'i, ke e'u maleleai auga, lau alamani'i keoma: lau Iesu Kristo ifo e'ele epamia, ke papiau gagafe'i mo eafiia auga laoga mainai oi lagoi penimi.

2 Korinto 3:2

Oi ifomi auga lai malele apapua foumi aifa felo auga, ke guamai alogai malele apapua eemi efai auga koa i'opoga. Ke papiau ma'oai oi auga malele koa kekuapinimi ke kelogo.

2 Korinto 9:4

Gome inae Masedonia ago auga aga'o fou afafai, ke isa oi alofua aloagu afeisami koa aisama, ega'ina auga oi agomeagai auga fouga alaifania kai, lai alomai oi eemiai apakapulania kainai, lai meagai e'ele laa'i agaafia.

Kalatia 5:2

Lau kapa'ina laifani'i au'i foopolani'i. Lau Paulo oi lapainimi. Oi Iudea papiau'i isa'i e'i kagakaga kainai kepea maguae'i faaga iifalaina emia au'i koa agomia, maguaemi faaga iifalaina agemia koa aisama, Iesu Kristo oi faumiai kapa'ina ekapaisa auga, oi eemiai ega'ina ekapa aagenia mo koa i'opoga.

Kalatia 6:11

I'ina malelega alogai lau ifou imauai malele akaiki'a'iai kapa'ina lapapua'i au'i foisa felo alogaini'i.

Taitus 1:4

Taitus, i'ina malelega lapapua oi eemu efai. Lau iifa faunina Iesu fouga lapako'ania koa i'opoga oi isafa lopako'ania kainai, oi auga lau gau ko'a koa i'opomu lomia. Lau alou ko'agai ke guau fofougai oi faumuai Ama'a Deo, ke Iesu Kristo kania'a eagamauga auga fou lamegamega peni'i, ega koa e'i gafegafe akaiki'a ke e'i gagao fou fekepenio foagu felo laoma.

Filemon 1:18

Ke isa oi eemuai kapa apala aga'o ekapaisa o kapa aga'o eemuai eafiia kai, afa aeogeisa koa aisama, ega'ina afa'i lau akauai fooge lau afa'i alaoge.