Filemon 1:17 - Mauni Mamaga Iifaga

¹⁷ Ega puo oi loopolaga lau oi fou pinauga aga'omo akapa looma koa aisama, lau ala foifa koko omaisau looma koa i'opoga, isa ega foifa koko oma.

Filemon 1:17 Iomraidhean Croise

Mateo 10:40

“Ke kaisau oi eifa kokoimi auga lau eifa kokoisau. Ke kaisau lau eifa kokoisau auga, lau eulaisau Auga eifa koko.

Mateo 18:5

Ke kaisau lau akauai imoi e'ele iina koa aga'o eifa koko auga, lau eifa kokoisau.

Mateo 25:40

“Ke Kin iifa agepamue ageinaka, ‘Iifa ko'a maamiai laifania. Kapa'ina mo lau aau akiu e'ele'i i'ina aga'o eegai okapaisa auga, lau eeuai okapaisa,’ ageoma.

Acts 16:15

Ke isa ke ega famili fou Paulo kapa'ina eifania auga kepako'ania ke baptismo keafiia afegai aisama egoinimai einaka, “Oi alomiai oopolaga lau Lopia lapako'ania ooma koa aisama, fomai e'u e'ai fou faagu,” eoma. Ke isa efaegai alogaina puo, fou ega e'a alao.

2 Korinto 8:23

Ke Taitus auga, lau fou apinauga auga, ke isa lau aunimai amia oi epomiai apinauga auga. Ke lai akimai auni'i auga, inae iifi e'a papiau'i aka'iai kefai, ke isa Lopia au akaiki'a kepamia au'i.

Efesus 3:6

Ke ega'ina ogefake auga, iifa faunina Iesu Kristo fouga faagagai Iudea papiau'i laa'i au'i isafa Iudea papiau'i fou Deo kapa'ina isa apu'i eoma auga fekeafia eoma. Ke isa Deo ega papiau fou aga'omo fekemia, ke Deo Iesu Kristo faagagai pako'a iifaga kapula ekapaisa, kapa'ina isa agepeni'i eoma auga, fou kai'alao fekeafia eoma.

Filipi 1:7

Lau alou ko'agai oi animi laani kainai, oi eemiai ega laopola oma auga ekainia. Gome lau pau tipulai laague, o iifa faunina Iesu Kristo fouga iina laogeisa ke fouga ko'a mo auga laifafoua, ega koa Deo ega gafegafe oi ma'oai fou kai'alao aafiia.

1 Timoti 6:2

Kai kala'afi kapa'i e'i lopia pako'a auga aisama, akeopolaga isa e'i lopia pako'a auga puo, afakepinauga kapula auga kapa aga'o laa'i fakeoma. Isa ega koa fakekapa kai, kala'afi koa pinaugagai mo fekepinauga. Gome isa e'i lopia faugai kepinauga felo auga, afa felo kai aga'o aage afaeafia kai isa e'i lopia ageafia. Ega'ina mo laa'i kai, isa pako'a papiau'i ke e'i lopia isafa pako'a auga. Ke isa ma'oai Kristiano au'i kainai, aa'i aki'i koa i'opoga. Ega kainai Deo isa ma'oai ani'i eani alogaina auga fekelogo. Pako'a papiau'i maa'iai i'ina iifa'i fopamaleleni'i, ke magogo'i foau kapulania ega koa e'i pinauga fekekapa felo'i.

Filemon 1:10

Ke pau auga Onesimus oi emu kala'afi, lau gau emia auga faugai lagoinio pugu. Isa auga lau tipula afugai laaguega kai, lau faagauai Iesu epako'ania kainai, isa lau gau ko'a ipauma koa i'opoga emia.

Filemon 1:12

Ke lau isa laulaisa emue oi eemu efai pugu. Lau alou ko'agai isa anina laani alogaina puo, isa lau guau fou akefai koa i'opoga.

Filemon 1:18

Ke isa oi eemuai kapa apala aga'o ekapaisa o kapa aga'o eemuai eafiia kai, afa aeogeisa koa aisama, ega'ina afa'i lau akauai fooge lau afa'i alaoge.

Hibru 3:1

Ega kainai aau akiu pako'a papiaumi, Deo ega famili aga'omogai omai, ke Deo eifanimi, lau fou Isa ega agofa'a fou agaagu aumi, Iesu Apostolo ke Sakedote Lopia Fa'a, i'a apako'ania ke fouga aifafoua auga eegai opomi fofouga amooge.

Hibru 3:14

Iifa gome, i'a Iesu apako'ania mo aisama, pako'a ega'ina ko'a ipauma auga aafia, Iesu fou kai'alao aagu. I'a ega'ina pako'aga agaafiapi kapulania mo agelao fuagai aisama, Deo ega agofa'aiafugai, Iesu fou kai'alao agaagu.

James 2:5

Aau akiu, ainami amopaaua kapa'ina alaifania auga a'o fologo. Iifa gome agofa'a alogai Deo alo ko'agai ulalu papiau'i ani'i eani au'i ekinani'i Iesu Kristo kepako'ania. Ke Deo epako'ania kaisau alo'i ko'agai Isa anina keani au'i ega agofa'a agepeni'i eoma. Ega kainai ulalu au'i kapa aga'o ee'iai laa'i mo ganinagai, Deo ega agofa'a isa apu'i agemia auga kepako'ania. Ega puo Deo maagai isa au'i kelopia alogaina.

1 Peto 5:1

Ke lau oi epomiai iifi e'a au akaiki'a'i au'i koa i'opo'i iifi e'a au akaiki'au aga'o, ke Iesu Kristo i'a fau'aisai ekiekie auga fouga ko'a mo laifafoua au. Ke lau isafa isa agemai ega isapu, ke eaea akaiki'a fou agepafokia aisama, lau isa fou kai'alao ega'ina isapuga agaafia. Lau oi iifi e'a au akaiki'ami aumi lagoinimi:

1 Ioane 1:3

Ke lai kapa'ina aisa, ke a'o alogonia auga pau oi maamiai aifafoua. Ega koa oi isafa lai fou aga'omo famia aoma. Ke lai auga Ama'a Deo, ke Gauga Iesu Kristo fou aga'omo amia.