Filemon 1:13 - Mauni Mamaga Iifaga

¹³ Lau anina laani lau iifa faunina Iesu Kristo fouga puogai inae tipulai laague alogai, isa lau eeuai mo feagu, ega koa oi afumu feafia fepalagainiau laoma.

Filemon 1:13 Iomraidhean Croise

1 Korinto 16:17

Lau Stefanas, Fotunatus, ke Akaikus fou eeu kemai aisama alou egama alogaina. Gome oi kapa'ina lau alopeniau auga isa kemai kepeniiau.

Efesus 3:1

Ega kainai lau Paulo oi Iudea papiaumi laa'i aumi faumiai Iesu Kristo puogai tipula au lamia.

Efesus 4:1

Ega puo lau Lopia faugai tipulai laague au, oi lagoi peni kapulanimi, ega koa Deo eifanimi ala foagu oma eoma auga, ega'ina mo agugai foagu laoma.

Filipi 1:7

Lau alou ko'agai oi animi laani kainai, oi eemiai ega laopola oma auga ekainia. Gome lau pau tipulai laague, o iifa faunina Iesu Kristo fouga iina laogeisa ke fouga ko'a mo auga laifafoua, ega koa Deo ega gafegafe oi ma'oai fou kai'alao aafiia.

Filipi 2:30

Gome isa Iesu Kristo ega pinauga faugai emia femae, ifo imaauga elogoaina mae mauni epogai elao emai, oi pipalagai lau fopeniau kai alopeniau auga isa epeniiau.

Filemon 1:1

Lau Paulo. Lau Iesu Kristo faugai latipula au malele lapapua, ke aki'a Kristiano auga aka Timoti aunimai akamaisai, oi ekefa'amaiagai fou pinauga aga'omo akapa aumu Filemon eemuai aulaisa.

Filemon 1:10

Ke pau auga Onesimus oi emu kala'afi, lau gau emia auga faugai lagoinio pugu. Isa auga lau tipula afugai laaguega kai, lau faagauai Iesu epako'ania kainai, isa lau gau ko'a ipauma koa i'opoga emia.

Filemon 1:12

Ke lau isa laulaisa emue oi eemu efai pugu. Lau alou ko'agai isa anina laani alogaina puo, isa lau guau fou akefai koa i'opoga.