Filemon 1:11 - Mauni Mamaga Iifaga

¹¹ Ufainagai isa oi eemuai kapa felo aga'o aekapaisa. Kai pau kapa'ina ekapa auga oi eemuai felo, ke lau isafa eeuai felo. Ega puo lau isa faugai oi lagoinio.

Filemon 1:11 Iomraidhean Croise

Mateo 25:30

Ke pinauga auga ega'ina kapa aga'o aepapagama auga amoafia, e'a afe uminagai amopiulaisa, egae isa ageapepe nie ageapalolia,’ eoma.

Luka 15:24

Gome lau gau i'ina egea kai pau lakapulaisa. Emae kai pau emaunimue koa i'opoga,’ eoma. Ega kainai ke'ina miamia kekapaisa kealogama.

Luka 15:32

Kai akimu i'ina auga egea kai lakapulaisa. Isa auga emae kai emaunimue koa i'opoga. Ega puo i'a miamia alogai akoko fou amaalogama,’ eoma.”

Luka 17:10

Ega puo oi isafa lau kapa'ina lapainimi auga ma'oai okapa afe'aini'i aisama foifa, ‘Lau oi emu pinauga ikapa au. E'u pinauga fakapa auga mo lakapaisa fooma,’” eoma.

Roma 3:12

Ke ma'oai Deo kemunia, ke ma'oai kapa aga'o felo ee'iai afaegama. Ke kai aga'omo mo ganinagai kapa felo aga'o aekapa.” Sam 14:1-3; 53:1-3; Eklesiastik 7:20

2 Timoti 4:11

Kai Luka mo lau fou inae aague. Oi alomai aisama Mako isafa foafia fou fomai, gome isa lau e'u pinauga ikapagai agepalagai feloisau.

Filemon 1:10

Ke pau auga Onesimus oi emu kala'afi, lau gau emia auga faugai lagoinio pugu. Isa auga lau tipula afugai laaguega kai, lau faagauai Iesu epako'ania kainai, isa lau gau ko'a ipauma koa i'opoga emia.

Filemon 1:12

Ke lau isa laulaisa emue oi eemu efai pugu. Lau alou ko'agai isa anina laani alogaina puo, isa lau guau fou akefai koa i'opoga.

1 Peto 2:10

Ufainagai oi auga Deo ega papiau alomia. Kai pau auga oi Deo ega papiau omia. Ufainagai oi Deo ega guani aloafia. Kai pau auga oi Isa ega guani oafiia efua.