Filemon 1:1 - Mauni Mamaga Iifaga

¹ Lau Paulo. Lau Iesu Kristo faugai latipula au malele lapapua, ke aki'a Kristiano auga aka Timoti aunimai akamaisai, oi ekefa'amaiagai fou pinauga aga'omo akapa aumu Filemon eemuai aulaisa.

Filemon 1:1 Iomraidhean Croise

Acts 16:1

Paulo Silas auni'i kelao Derbe taoninai ke kelao mo Listra taoninai. Egae pako'a auga aga'o aka Timoti eagu. Isa ina auga Iudea pako'a papiega kai ama auga Grik auga.

1 Korinto 3:9

Gome lai ifomai auga Deo ega pinauga aumai, ke oi auga lai apumai laa'i kai, Deo apuga, ega uma, ke ega e'a koa i'opoga omia.

2 Korinto 1:1

Lau Paulo. Lau auga Deo ega logoai Iesu Kristo ega apostolo lamia. Lau i'ina malelega lapapua, ke aki'a Timoti aunimai akamaisai laulaisa, oi Deo ega iifi e'a papiaumi Korinto taoninai oague aumi, ke Deo ega papiau ma'oai Akaia agogai oaguega aumi fou eemi efai.

Kalatia 3:26

Ke pau oi ma'oai Iesu Kristo opako'ania kainai oi Deo gauga omia.

Efesus 3:1

Ega kainai lau Paulo oi Iudea papiaumi laa'i aumi faumiai Iesu Kristo puogai tipula au lamia.

Efesus 4:1

Ega puo lau Lopia faugai tipulai laague au, oi lagoi peni kapulanimi, ega koa Deo eifanimi ala foagu oma eoma auga, ega'ina mo agugai foagu laoma.

Efesus 6:20

Ke lau auga Iesu Kristo ekinaniau inae aagoai isa faugai lapinauga puogai tipula au lamia. Ke fauai fomegamega, ega koa aimani'iu mo, Deo lau ega'ina iifaga ala faifafou oma eoma auga, i'opoga mo fakapa laoma.

Filipi 1:1

Lau Paulo i'ina malelega lapapua. Ke lau Timoti aunimai auga Iesu Kristo ega pinauga ikapa aumai. Isa lau aunimai akamaisai i'ina malelega laulaisa oi Filipi taonina papiaumi Iesu Kristo fou omia kainai Deo ega papiau omia aumi, ke iifi e'a o'ima aumi ke opipalagai aumi fou eemi efai.

Filipi 2:25

Kai lau akiu Kristiano auga Epafroditus aunimai apinauga auga ke fou Iesu Kristo ega ifani aumai amia apinauga auga, ke isa isafa oi emi iifa isafina imoina auga, ke oulaisa lau kapa'ina ani'i laani au'i ekapai'i epeniiau auga, faulaimue oi eemi fefai pugu auga laopolaga ekainia.

Filipi 4:3

Ke oi alomu ko'agai lau fou Iesu Kristo ega pinauga akapa aumu lagoinio, oi ega'ina papie'i lau fou apinauga kapula iifa faunina Iesu Kristo fouga apapea au'i fopalagaini'i. Ke Klement ke lau fou apinauga au'i isa'i agu pagai maunina akeafia pukagai aka'i Deo epapua au'i isafa fopalagaini'i laoma.

Kolose 1:1

Lau Paulo. Lau auga Deo ifo ega logoai ekinaniau Iesu Kristo ega apostolo epamiaisau. Lau i'ina malelega lapapua, ke i'a aki'a Kristiano auga Timoti aunimai akamaisai laulaisa oi aamai akimai Kristiano papiaumi, Kolose taoninai alomi ko'agai Iesu Kristo fou omia kainai Deo ega papiau omia, ke Deo maagai alo lolofa aumi omia aumi eemi efai. Lau lamegamega ega koa i'a Ama'a Deo ega gafegafe akaiki'a, ke ega gagao fou fepenimi foagu felo laoma.

Kolose 4:11

Ke au aga'o aka Iesu, keifaga Justus keoma auga isafa ega pamego iifa'i eemiai eulaisa. Iudea au'i i'ina au'i mo lau fou Deo ega agofa'a pinaugaga akapa. Ke isa lau e'u alomafuai kepaameisau.

1 Tesalonika 3:2

Kai lai akimai Timoti Kristiano auga, lai koa i'opomai Deo ega pinauga ekapa auga, ke iifa faunina Iesu Kristo fouga ipapea auga mo aulaisa efai, oi fepakapulanimi, ke emi pako'ai kapula fepenimi aoma.

2 Tesalonika 1:1

Lau Paulo i'ina malelega lapapua, ke Silas, Timoti aumai oiso, akamaisai laulaisa oi Tesalonika taoninai Deo ega iifi e'a papiaumi oague aumi eemi efai. Oi auga Iesu Kristo opako'ania kainai, Deo Ama auga, ke Lopia Iesu Kristo fou e'i papiau omia.

2 Timoti 1:8

Ega puo i'a a'a Lopia Iesu fouga ko'a ipauma papiau maa'iai loifafoua auga meagaina folopa'aua. Ke lau kelele aga'o alakapaisa kai Lopia Iesu puogai latipula auga isafa meagaina folopa'aua. Kai lau iifa faunina Iesu fouga kainai lakiekie koa i'opoga, oi isafa Iesu puogai fou fakiekie aga'omo. Ke Deo ega Spiritu isapugai Iesu fouga iifafouga foloapakipo.

Filemon 1:23

Epafras lau aunimai Iesu Kristo faugai tipulai aague auga ega pamego iifa'i oi eemuai eulaisa.

Filemon 1:24

Ke lau fou apinauga au'i Mako, Aristakus, Demas, ke Luka isafa e'i pamego iifa'i eemuai keulaisa.