Acts 7:3 - Mauni Mamaga Iifaga

³ “Amau aumi, ke aau akiu aumi ainau amologo! Ufainagai i'a ufu'a apa'a Abraham Mesopotamia agogai eagu. Ke isa Haran taonina aelao koa kai, Lopia Deo akaiki'a eaea ke isapu gome auga Abraham eapakina penia epainia einaka, ‘Oi emu ago, emu ikupu papiau'i fou fopua'afuni'i ago alapakinaiso ago folao,’ eoma.

Acts 7:3 Iomraidhean Croise

Mateo 10:37

“Kaisau ina ama ani'i ageani alogaina kai lau aniu afaeani alogaina auga, lau e'u imoi agemia afaekaina. Ke kaisau gauga maguaega o papiega anina ageani alogaina kai lau aniu afaeani alogaina auga, lau e'u imoi agemia afaekaina.

Luka 14:33

Ega koa i'opoga, oi epomiai kaisau lau e'u imoi gamia eoma aisama, isa feagukipo feopola felo kai muniuai fepea. Ke kapa ma'oai ageumakalaini'i kai e'u imoi agemia agekaina. Kai kaisau kapa ma'oai afaeumakalaini'i aisama, e'u imoi agemia afaekaina.

Acts 7:4

“Abraham Deo ega iifa kainai Mesopotamia agogai, Kaldaios papiau'i keagu afuga epua'afuga elao afu aka Haran. Isa ama emae afegai Deo isa epapealaisa emai pau oi oagu agogai eagu.

2 Korinto 6:17

“‘Ke Lopia eifa pugu einaka, “Ega puo oi ega'ina papiau'i epo'iai amopealai ifomi mo amoagu. Ke kapa'ina papiau alo'i kepaofua kapa'i au'i aga'o foloafi opogaini'i. Ke Lau oi alaafimi e'u papiau agomia,” eoma. Aisaea 52:11; Esekiel 20:34

Hibru 11:8

Ke Deo Abraham epainia afu aga'o muniai isa apuga agemia auga afuga galao eoma. Ega aisama Abraham Deo kapa'ina eifania auga epako'ania puogai, afu aelogo aelaolao mo ganinagai, Deo aina eafiia Kanaan ago elao.