Acts 3:6 - Mauni Mamaga Iifaga

⁶ Kai Peto eifa einaka, “Lai eemaisai silifa o gold laa'i kai kapa'ina eemaisai ekae auga agapenio. Nasareta auga Iesu Kristo aka isapugai, mofelo mo'ue mopea,” eoma.

Acts 3:6 Iomraidhean Croise

Acts 3:16

Ke lai Iesu ega'ina apako'ania kainai, aka isapugai melo auga ife eagauka e'opai. Ko'a ipauma lai Iesu apako'ania ke aka isapugai au i'ina felo ipauma emia, pau oi agomiai eapae oisa.

Acts 10:38

Ega'ina afegai Iesu Nasareta auga ega pinauga e'ina. Ke Deo ega Spiritu efakeopua, isa isapu epeniia. Ke isa Iudea agogai pagua ma'oai elao aisama, kapa felo'i ma'o ekapai'i ke papiau tiapolo ega isapuai keagu au'i epafelo'i. Gome Deo Iesu fou keagu. Ke Deo Iudea ago fofouga alogai iina epinauga oma, kapa ma'oai kegama au'i, oi a'o'i ologoni'i efua.

Acts 4:10

Oi lai opa'ani penimai koa aisama, oi ma'oai ke Israel papiau'i ma'oai i'ina iifaga fologo. Iesu Kristo Nasareta auga oi kolotiai oau'u'ua emae kai Deo isa maeai epamaunimue. Isa aka isapugai i'ina auga felo emia efua pau agomiai eapae oisa.

Acts 9:34

Ke Peto isa epainia einaka, “Aeneas, Iesu Kristo epafeloiso mo'ue emu peti mokapa felo,” eoma. Ke isa fiakoa mo felo emia e'uegekae.

2 Korinto 8:9

Gome oi i'a a'a Lopia Iesu Kristo ega gafegafe akaiki'a auga ologo. Ega'ina auga isa gafegafe eegai epa'amu'amu alogaina mo ganinagai, oi faumiai ulalu auga emia. Ega koa isa ega ulaluai oi pa'amu'amu aumi fomia eoma.

Acts 16:18

Ke ega koa ekapaisa elaolao Paulo alo epakiekie alogaina. Ega puo epuaipini ifiao eisa ke alogai tiapolo eagu auga epainia einaka, “Iesu Kristo aka isapugai lau laifa kapula penio, isa alogai mopealai!” eoma. Ega aisama fiakoa mo tiapolo ega'ina ifiaoga alogai epealai.

Mako 16:17

Ke kepako'ania au'i i'ina isapuga gouga akeafia: Isa Lau akauai tiapolo papiau alo'iai akepapealai'i, mala mamagai akenini'ani.

James 2:5

Aau akiu, ainami amopaaua kapa'ina alaifania auga a'o fologo. Iifa gome agofa'a alogai Deo alo ko'agai ulalu papiau'i ani'i eani au'i ekinani'i Iesu Kristo kepako'ania. Ke Deo epako'ania kaisau alo'i ko'agai Isa anina keani au'i ega agofa'a agepeni'i eoma. Ega kainai ulalu au'i kapa aga'o ee'iai laa'i mo ganinagai, Deo ega agofa'a isa apu'i agemia auga kepako'ania. Ega puo Deo maagai isa au'i kelopia alogaina.

1 Peto 4:10

Ke aga'o aga'o Deo eegai pipeni i'oi'i i'oi'i oafii'i au'i pinauga felo auga koa i'opomi fomia, Deo ega gafegafe akaiki'a pipeni'i ega'ina fopapinaugani'i aga'o aga'o fopalagainimi.

Acts 4:7

Egae kai Peto Ioane auni'i kemaiseini'i la'afouai kepaapalai'i aisama kepa'ani peni'i keinaka, “Oi isapu kapagai o kaisau akagai i'ina kapa'i okapa'i?” keoma.

Acts 2:22

“Israel papiaumi, ainami amopaaua i'ina iifa'i a'o'i amologo. Iesu Nasareta auga papiau aumauni ipauma. Kai oi epomiai, Iesu Deo ega isapu epapinauga, mirakulo ke kapa akaiki'a'i ma'o ekapai'i. Oi ifomi isafa i'ina kapa'i epomiai kegama oisa'i ologo felo alogaina. Deo iina koa ekapai'i, Iesu ko'a Isa eegai emai auga epakinai'a.

Acts 2:36

“Ega puo Israel papiaumi ma'oai, iifa gome fologo, oi Iesu ega'ina kolotiai oau'u'ua kai, Deo isa epamaunimue, Lopia ke Mesaia epamia,” eoma.

Mateo 10:9

Ke emi peleta paotina alogai gold, silifa, o moni aga'o folouka.

Mateo 7:22

Ega'ina kina ma'o lau akepainiau, ‘Lopia, Lopia, lai oi akamuai profeta koa i'opoga emu iifa papiau maa'iai aifafoua, ke oi akamuai tiapolo papiau alo'iai keagu au'i apapealai'i, ke oi akamuai mirakulo ma'o akapai'i,’ akeoma.

2 Korinto 6:10

Ke alomai emafu ganinagai aufa kina alogamai alao amai. Ke ulalu aumai ganinagai, papiau ma'o apa'amu'amu'i. Ke kapa aga'o eemaisai laa'i mo ganinagai, kapa ma'oai apumai akemia.

Ioane 19:19

Ke Pilato malele aga'o epapua umania mo kolotiai Iesu kania laagai keau'u'ua. Ega'ina malelega iina eifa oma: IESU NASARETA AUGA IUDEA AU'I E'I KIN.

2 Korinto 8:12

Gome oi ifomi ologo pipeni fopipeni ooma koa aisama, Deo kapa'ina oi eemiai ekae opipeni auga anina eani eafia. Kai kapa'ina eemiai laa'i auga fopipeni aeoma.

Mako 14:8

Papie i'ina kapa'ina fekapa auga mo ekapaisa. Isa lau kaniauai oili e'efaisa auga lau imaau akefufuga pinauga auga ekapa umania mo.

1 Korinto 4:11

Ke lai auga aulalu mo emai i'ina kina. Lai inaemai ekimu, aisomai ekupu, tiapu ke'i'i au'i ai'iukai'i, papiau lai keafi apalanimai, keauniimai faagamai kepalifua, ke afu aga'omogai alaagu kai, alao mo amai.

Acts 3:5

Ega puo au ega'ina eakae isa maa'i eisa ke epamia kapa aga'o akepenia eoma.

Acts 3:7

Peto ega'ina eifania afegai, melo auga ima kainai eafi epa'uegenia. Ega aisama fiakoa mo, ife auni'i fofouga keagauka ke'opai.