Acts 3:2 - Mauni Mamaga Iifaga

² Ega'ina kina'iai papiau isa'i kina ma'oai au aga'o mauniai ife emelo auga kepuaisa kelao Deo ega e'a pa'afina kepafaala ‘Pa'afi Felo Ipauma’ keoma auga akegai kepaagua. Isa ega'ina afugai eaguagu, papiau megamega keoma kemai au'i ee'iai moni egoinia.

Acts 3:2 Iomraidhean Croise

Luka 16:20

Ega'ina alogai fo'ama egoigoina auga aka Lasarus, faaga kua epogu auga isafa isa ega fagapu pa'afina akegai eagu.

Luka 18:35

Ega'ina afegai Iesu ega imoi fou kelao Jeriko taonina kainagai aisama, maakimi'i auga aga'o ega'ina keagaga me'egai eagu epinoi.

Ioane 9:8

Ke isa ega e'a ipafe papiau'i, ke kai mo isa epinoi keisaisa au'i kepa'ani keinaka, “I'ina auga maakimi'i auga eagu epipinoi auga laa'i ma?” keoma.

Acts 10:31

Ke isa einaka, “Konelius! Oi aufa kina lomegamega auga Deo a'o elogonia, ke ulalu logafei'i auga Deo eopolaga.

Acts 10:4

Konelius agelo eisa felo aisama, emani'i ke eifa einaka, “Lopia, kapa'ina?” eoma. Agelo einaka, “Oi aufa kina lomegamega, ke ulalu logafei'i auga Deo eopolani'i puo, eulaisau lamai.

Acts 14:8

Paulo Banabas auni'i Listra taoninai keagu, iifa faunina Iesu fouga keinogonia alogai, au aga'o mauniai ife emelo aepeapea auga isafa egae eagu.

Acts 3:10

Ega aisama kelogo kefiaisakoa mo ega'ina auga pa'afi kepafaala ‘Felo Ipauma’ keoma auga akegai eagu moni egoigoina auga. Ke isa faagagai kapa'ina emia auga keisa puo, kekauai alogaina keopofua.

Acts 4:22

Gome au ega'ina mirakuloai felo emia auga, inipoga 40 epagai.