Acts 2:3 - Mauni Mamaga Iifaga

³ Ke kekiakae aisama, lo mala koa i'opoga eake peni'i, ekani okaoka isa aga'o aga'o kania'i laagai eaguau keisa.

Acts 2:3 Iomraidhean Croise

Mateo 3:11

“Lau oi emi laomai apala'i foumakalaini'i laoma puo feisai mo baptismo lapenimi. Kai muniuai agemai auga ega isapu lau e'u isapu eka'egaina. Ke lau isa ife kamataga alaafiakae alapua afaekaina. Isa Deo ega Spiritu isapugai ke loai baptismo agepenimi.

Mateo 3:15

Kai Iesu einaka, “Pau lau faagauai kapa'ina femia auga mokapa. I'ina fakapa ega koa Deo maagai alo opai lao'i mai'i ma'oai ko'a'i mo fekemia,” eoma. Ega puo Ioane isa baptismo epeniia.

Luka 24:32

Ega aisama isa ifo'i mo kepa'ani peni'i keinaka, “Keagai fou apea anini'ani alogai, Deo ega iifa pukagai enini'ani aisama, isa kaisau auga falogo auga gua'a aeafi opogaina ma? Iifa gome isa kapa'ina eifania auga gua'a eafi opogaina kai isa kaisau auga alalogo paisa,” keoma.

Acts 1:15

Ega'ina kina'iai Iesu kepako'ania papiau'i, au'i 120 koa i'opoga epo'iai, Peto e'uegekae eapa.

Acts 2:11

(Ega'ina au'i isa'i Iudea papiau'i, ke isa'i Iudea papiau'i laa'i kai Iudea e'i kagakaga kainai kepea au'i.) Ke isa'a Krete keleipuaga ke Arabia ago papiau'a isafa. Kai ala koa, Deo kapa akaiki'a'i ekapai'i au'i, mala'aisai keifani'i aina'i alogo ekaina,” keoma.

Acts 2:2

Egae keaguega kai, fiakoa mo ufai ameku kapula ipauma koa i'opoga a'o eake emai keagu e'a fofouga alo epapogua.

Acts 2:4

Ke isa ma'oai Deo ega Spiritu alo'i epogu, ke Deo ega Spiritu isa maa'iai kapa'ina eifania auga koa i'opoga mo, ke'ina mala i'oina i'oinai kenini'ani.

1 Korinto 12:10

Ke Deo ega Spiritu ega'ina mo papiau isa'i mirakulo isapu'i fekekapa'i auga ipenina epeni'i mirakulo kekapa'i. Ke Deo ega Spiritu ega'ina mo papiau isa'i profeta koa fekemia Deo ega iifa fekeifafoua auga ipenina epeni'i. Ke Deo ega Spiritu ega'ina mo papiau isa'i spiritu kapa felo o apala auga fekelogo ipenina epeni'i kelogo. Ke Spiritu ega'ina mo papiau'i isa'i mala i'oina kai aga'o aelogo auga malagai fekemegamega ipenina epeni'i. Ke Spiritu ega'ina mo, mala ega'ina kapa'ina eifania auga fekeau pagainia ipenina papiau isa'i epeni'i.

James 3:6

I'a mala'a auga lo koa i'opoga, e'ele mo ganinagai, imaau'a fofouga epo'iai laomai apala'i ipauma'i ipa'uegenia gome auga. Aufalao aga'o mala afae'ima felo koa aisama, ifo agepalifua kapa apala'i agekapa'i agelao agemaeaina. Ke fuagai mala ega'ina ifo isafa, ipeli logai ageaga. Mala ega'ina auga ipeliai Satani eegai emai.

Revelation 11:3

Ke lau e'u pinauga au'i auni'i, iifa ko'a mo keifafoua au'i isapu alapeni'i. Ke isa ofuofu tiapu'i koa akei'iuka'i, profeta koa i'opo'i akemia, kina ma'oai 1,260 alogai, Deo ega iifa akeifafoua,” eoma.

Revelation 14:6

Egae kai lau agelo i'oina aga'o ufa guagai egopo laisa. Isa papiau agofa'ai keague au'i, ago i'oi'i i'oi'i au'i, ikupu i'oi'i i'oi'i au'i, ke mala i'oi'i i'oi'i papiau'i ma'oai maa'iai iifa faunina Iesu fouga ageka aoniamo auga feifafoua eoma.