Acts 19:3 - Mauni Mamaga Iifaga

³ Ega puo Paulo epa'ani pugu einaka, “Ega koa aisama, oi baptismo kapa oafiia?” eoma. Ke isa keinaka, “Ioane ega baptismo auga mo aafiia,” keoma.

Acts 19:3 Iomraidhean Croise

Mateo 28:19

Ega puo olao agofa'ai ago ma'oai papiau'i lau e'u imoi opamia'i. Ke Ama, Gauga ke Deo ega Spiritu akagai papiau baptismo fopeni'i.

Luka 7:29

Papiau tax keafi'i au'i isafa, Ioane baptismo epeni'i au'i ma'oai Iesu ega nini'ani a'o kelogonia aisama, Deo ega keaga opaina ipauma auga kepako'ania, ke ko'a keoma.

Acts 18:25

Isa auga papiau isa'i e'i nini'aniai, Lopia ega keaga fouga emaleleaina. Isa alo ko'agai ke pamalele ko'agai Iesu fouga papiau maa'iai eifafoua. Kai isa Ioane Baptista feisai baptismo epipeni auga mo inogoga fouga elogo. Kai Deo ega Spirituai baptismo epipeni auga fouga aelogo.

Acts 8:16

Gome Deo ega Spiritu isa aga'o laa'iai aeake. Kai isa Lopia Iesu Kristo akagai baptismo mo keafiia.

1 Korinto 12:13

Gome i'a Iudea au'a ma, Grik au'a ma, kala'afi, o aagu aage mo ifo'a a'a pinauga akapa ma ganinagai, Spiritu aga'omogai i'a ma'oai baptismo aafiia. Ke imaau'a aga'omo koa i'opoga, i'a ma'oai Iesu fou aga'omo amia. Ega'ina auga Deo ega Spiritu aga'omo mo i'a ma'oai ega ipeni epeni'a ainu koa i'opoga, alo'aisai eague.