Acts 19:1 - Mauni Mamaga Iifaga

¹ Apolos Korinto taoninai eaguega kai, Paulo ago alo keagaga eafiia elao Efesus taoninai epealai. Ke egae pako'a papiau'i isa'i ekapulai'i.

Acts 19:1 Iomraidhean Croise

1 Korinto 16:12

Ke pau i'a aki'a Apolos fouga alaifania. Lau isa la'augaina Kristiano papiau'i isa'i fou oi eemi kegafai laoma. Kai pau oi eemi fai auga afa'agamo eumaka kai, ega kina felo aga'o ageafia aisama, agefai.

1 Korinto 1:12

Lau kapa'ina a'o lalogonia auga i'ina: Oi isami oifa, “Lau Paulo muninai lapea,” ooma. Ke isami oifa, “Lau Apolos muninai lapea,” oma. Ke isami oifa, “Lau Peto muninai lapea,” ooma. Kai isami auga oifa, “Lau Kristo muninai lapea,” ooma.

Acts 18:1

Ega'ina afegai Paulo Atens taonina epua'afuga elao Korinto taonina.

Acts 18:8

Ke Iudea papiau'i e'i la'afou afuga e'ima lopiaga aka Krispus, ke ega famili ma'oai fou Lopia Iesu kepako'ania. Ke Korinto taonina papiau'i ma'o Paulo aina kelogo au'i Iesu kepako'ania, ke baptismo keafiia.

Acts 19:17

Ke ega'ina fouga efoufa'a Iudea ke Grik papiau'i Efesus taoninai keagu au'i kelogo. Ke isa ma'oai kemani'i alogaina ke Lopia Iesu aka keafiakae akaiki'a ipauma kepamia.

Acts 19:26

Oi i'ina auga Paulo oisa ke fouga ologo. Isa Efesus taonina, ke Asia ago ma'o epeaisa. Ega'ina alogai einogo eifa papiau ima'iai deo kekapa'i au'i, deo laa'i eoma. Ega koa ekapaisa papiau ma'o alo'i eaniia ela'a pagaini'i ega'ina iifaga kepako'ania.

Acts 20:16

Ke Paulo afekaina koa aisama, Ierusaleme taoninai Pentikost miamiaga feisa eoma. Ke isa opo epaapa aga'onia mo, Asia agogai kina ma'o falapafua eoma puo, Efesus taoninai falakoko, fapaafiafi lontiai faaulai mo falao eoma.

Acts 20:18

Ke isa kemai aisama, epaini'i einaka, “Lau Asia ago lamai mo kinagai, oi fou aagu ke kina ma'oai, ala laagu oma auga oisa ologo.

Acts 21:29

Efesus taonina auga aga'o aka Tropimus, Paulo fou Ierusaleme taonina alogai kelao kemai kakaua auga keisa puo, keopolaga Paulo isa emaiseina Deo ega e'a Iudea papiau laa'i au'i fakekoko keoma auga afuga alogai epakoko keoma. Ega puo isa ega keifa oma.

1 Korinto 4:6

Aau akiu Kristiano papiaumi, lau Apolos aunimai faagamaisai kapa'ina pau laafi'opo auga, oi kapa'ina alologo auga, fologo laoma puo, ega laifa oma. Ke maamiai ega laifa oma, gome lau anina laani oi lai faagamaisai fomalele, ega koa aufalao aga'o ikifa iifaga iina epapua oma auga kapa'ina eifania auga fologo laoma. “Kapa'ina ipapua emia auga mo fokapa kai, laagai kapa i'oina aga'o folokapa,” eoma. Ke iifa ega'ina kapa'ina eifania auga oko agologo aisama, Deo ega pinauga auga aga'o afoloau afagaina, ke aga'o auga afolopaake alogaina, ke afoloifa apala penia.

1 Korinto 15:32

Ke lau Efesus taoninai laague alogai, papiau isa'i ago alogai a'o a'i'i e'efa'i koa i'opo'i kemia keafi apalaniau. Ega koa faagauai emia mo ganinagai, papiau lau kegaau afagainiau laoma puo lakapa koa aisama, afa felo alaafia ma? Laa'i, afa felo afalaafia. Kai maeai papiau afakemaunimue koa aisama, Deo ega iifa pukagai kepapua iina keoma koa i'opoga fakapa: “I'a amainuinu amaaniniani aage mo, gome fafoko agamae.” Aisaea 22:13

1 Korinto 16:8

Kai pau auga, lau inae Efesus taoninai mo alaagu agelao Pentikost kina.

Efesus 1:1

Lau Paulo. Lau auga Deo ega logoai Iesu Kristo ega apostolo lamia. Lau i'ina malelega lapapua oi Efesus taoninai Deo ega papiau, alomi ko'agai Iesu Kristo muninai opea aumi eemiai laulaisa.