Acts 13:3 - Mauni Mamaga Iifaga

³ Ke keani gopegope, kemegamega, ke Banabas Saulo auni'i Deo ega pinauga akekapa faugai, ima'i kania'iai keogeaua afegai aisama, keulai'i kelao.

Acts 13:3 Iomraidhean Croise

Luka 2:37

Ega'ina afegai afuafu mo eagu elao pau eapao alogaina, inipoga 84 emia. Isa aufa kina gapi gani Deo ega e'ai mo eagu, eani gopegope emegamega.

Acts 1:24

Egae kai kemegamega keinaka, “Lopia, oi kapa ma'oai lologo afe'ai ke papiau gua'i alo isafa loisa. Judas apostolo pinauga epua'afuga emae. Ke mae afuga oi lopenia auga afuga elao efua. Ega puo i'ina au'i auni'i epo'iai aga'o lokinaga auga mopakinaimai Judas afuga feafia, oi emu apostolo femia aoma,” keoma.

Acts 13:2

Isa Lopia keau afagaina, ke keani gopegope kemegamega alogai, Deo ega Spiritu isa epaini'i einaka, “Lau e'u logoai Banabas ke Saulo auni'i lakinani'i efua. Isa oi epomiai amoafilai'i, fekelao e'u pinauga alapaini'i fekekapa'i alaoma auga fekekapa'i,” eoma.

Acts 13:4

Ega puo Deo ega Spiritu epapea'i kainai, isa kelao Seleusia. Ke egae lontiai keaguka kepagai kelao Saiprus keleipuagai.

Acts 14:23

Egae kai Paulo Banabas auni'i ega'ina taoni'iai pako'a papiau'i epo'iai iifi e'a au akaiki'a'i au'i kekinani'i, pako'a papiau'i feke'ima'i keoma. Ke kekinani'i aisama, keani gopegope, ima'i kania'iai keogei'i ke Deo kepako'ania auga kemegamega penia isa fepalagaini'i ega'ina pinauga fekekapa felo keoma.

Acts 14:26

Atalia taoninai lontiai kemue, Siria ago Antiok taonina kelao pugu. Antiok taonina ega'ina auga, ufainagai Deo anina eani Paulo, Banabas auni'i, Isa Ega pinauga fekekapa eoma. Ega puo pako'a papiau'i, Paulo Banabas auni'i kekinani'i Deo ega pinauga kepenii'i, Deo ega gafegafe akaiki'agai fekekapa keoma. Pau ega'ina pinauga kepenii'i auga kepafua aisama, kemue kelao ega'ina afugai pugu.

Acts 15:40

Kai Paulo auga Silas ekinaga, ke Antiok taoninai Iesu kepako'ania au'i kemegamega, Paulo Silas auni'i Lopia imagai kepaau'i, Lopia ega gafegafe akaiki'agai fepalagaini'i keoma. Egae kai keulai'i kelao.

Acts 6:6

I'ina au'i apostolo ago'iai kepaapalai'i, ke apostolo ima'i isa kania'i laagai keogeaua kemegamega.

Acts 9:17

Ega puo Ananias elao Saulo eagu e'agai ekoko. Ke ima Saulo faagagai eogeaua kai einaka, “Akiu Saulo, oi iina lomai alogai Lopia Iesu oi keagai eapakina penio auga eulaisau lamai. Ega koa oi afu foisa pugu ke Deo ega Spiritu alomu fepogu eoma.”

Roma 10:15

Ke Deo isa afaeulai'i koa aisama, ala koa i'opoga isa akeinogo agekaina? Ega kainai Deo ega iifa pukagai iina eifa oma: “Deo ega iifa faunina kepapea au'i auga ife'i efelo alogaina,” eoma.

1 Timoti 4:14

Oi Deo ega pinauga i'ina mokapa alooma alogai, pako'a papiau'i ke'ima'i au akaiki'a'i au'i ima'i oi kaniamuai keogeaua, emu pinauga faugai kemegamega. Ega'ina alogai papiau isa'i profeta koa i'opo'i kemia Deo ega Spirituai muni oi kapa'ina alokapa auga keifania. Ega koa kekapaisa oi pinauga fokapa felo auga ipenina Deo epeniio. Oi ega'ina ipenina Deo epeniio auga folo'agege fopapinauga faefuafua.

1 Timoti 5:22

Ke kaisau Deo ega pinauga gakapa ageoma eemu agefai aisama, fiakoa mo imamu isa kania laagai folooge Deo ega pinauga ikapa auga folopamia. Kai isa ega laomai foisa felo kakaua kai, imamu kania laagai foogeaua Deo ega pinauga ikapa auga fopamia. Iina koa alokapa aisama, Deo maagai oi alo opai aumu alomia.

2 Timoti 1:6

Ega kainai lau imau oi kaniamuai laogeaua ke lamegamega aisama, Deo ega pipeni loafiia eemuai ekaega auga lapaopolanio fopapinauga felo laoma. Ke pau ameku lo epuaufa koa i'opoga, lo koa lapuaufaiso fopinauga felo.

2 Timoti 2:2

Ke lau papiau ma'o ago'iai laapa iifa faunina Iesu fouga laifafoua aisama, oi isafa ega'ina iifa'i a'o'i lologonia. Ega kainai oi papiau kapa'i alo'i ko'agai Iesu kepako'ania au'i, ega'ina iifa'i isa ima'iai foogeaua. Ke ega'ina au'i isafa, papiau i'oi'i fekepamaleleni'i fekaina.

3 Ioane 1:6

Ke oi alomu ko'agai isa ani'i loani lopalagaini'i auga, kemai inae iifi e'a papiau'i maa'iai keifafoua. Oi Deo anina eani Isa ega pinauga au'i ala fopalagai oma'i eoma auga, laoga mainai fopalagaini'i kai foulai'i fekelao. Ega'ina alokapa aisama, laomai felo alokapa.

3 Ioane 1:8

Ega puo i'a papiau ega koa'i au'i gafegafe akaiki'a fapakina'i fapalagaini'i, ega koa fou kai'alao Deo ega iifa ko'a faifafoua, ke pinauga fakapa.